Mamak Darwin Jo Sanak Palanta Ambo tulih jawaban iko kutiko sadang kongkow-kongkow jo anggota DPRD jo beberapa perwakilan pemda di Gorontalo. Sebagai sebuah propinsi baru, banyak perubahan yang terjadi dan akan terjadi, salah satu nan penting adolo diturunkannyo status kawasan konservasi untuak kebutuhan tambang ameh, marasailah taman nasional Bokani Nani Watabone. Salamo ampek ari ko ambo mandapek kesempatan mantraining mereka untuak paham teknis Legislative Drafting (Penyusunan Perda). Besar keinginan kabupaten-kabupaten baru untuak paham berbagai isu legal, lingkungan jo sumberdaya alam.
Salasai manunggu ukatu tabang di pantai Malalayang, di mungko Manado Tua, sambia menikmati baronang bakar, sayur bunga pepaya jo dabu-dabu, di urak langkah babaliak ka Sam Ratulangi. Kapatang sore, manggabubu bunyi baliang-baliang kapa tabang, manyentak darah ka jantuang, malayang-layang kapa ko maminteh gunuang dari Manado. Panumpang kapa tabang ba baliang-baliang ko kurang labiah 20 urang sajo. Bantuaknyo kapa tabang nan babaliang-baliang ko, adolah pesawat nan samo ukatu ambo naiak ka Ternate dari Manado ukatu, propinsi Maluku Utara dulu awal-awal di bukak. Jaleh bana di kanan baliang-baliang baputa, mode pesawat perang dunia II. Nan sorang kawan nan ambo bao dari Padang alah mati kacamehan. Alun pernah baliau naik kapa tabang baliang2 mode iko. Nan di bawah, agak balampih bukik, salo manyalo jo hamparan batang karambia, mungkin pas istilah, karambia lingguyuran. Ukatu mandarat di Djalaluddin Gorontalo, agak oleang kapa ko, mungkin ndak sarentak baliang-baliang kapatabang malambek, tadanga pulo manciok bunyi rem, manggamuruah bunyi landasan, barulah kapa ko tagak. Ukatu kaki malangkah partamo di landasan, yo di lapeh sasak dado, alhamdulillah salamaik. Sasudah itu, disuruah kusia bendi ma anta ka danau, iyo Danau Limboto tu mak, penasaran ambo. Jalan kasinan, lalu lalang Bentor (Becak Motor). Babeda jo becak di Medan, Siantar atau Tapanuli Selatan, nan bentor disiko, di kapalo honda (sepeda motor merk honda/yamaha/suzuki) iko disangkuikkan badan becak, jadi mode di tundonyo becak ko dek Honda ko. Ado pulo musik di betor ko. Saking banyaknyo betor ko disiko, tadi kapalo bagian hukum Pemda Gorontalo bacurito ka ambo, alah ado pulo perda Betor ko. Ndak lamo, sampailah kami di tapi danau Limboto. Di elo tali kakang kudo, tapek baranti di tapi danau, di sampaiang urang manjua ikan, dari danau inyo panciang. Batamulah ambo jo ikan asli danau iko, limbek bukan, patin tido, apo lai lele. Tapi nan bantuak lai ma ere-ere ka ikan itu, ternyata ikan iko banamo Manggaba'i. Salin itu banyak pulo ikan Nila salaweh tapak tangan di jua urang. Tapi sayang, ambo indak tahu apakah alah dari dulu permukaan danau iko abis tertutup dek hamparan pokok-pokok enceng gondok, ado pulo kalayau rimbun disinan. Oh yo mak, bukaklah curito ukatu mamak bajalan, jo apo pulo urang maso itu masuak Gorontalo. Apo naiak kapa dari Bitung ? Kalau nak mancaliak fotonyo ado di http://www.facebook.com/album.php?aid=99630&id=1378658278&l=9354553e1c Salam andiko Pada 29 November 2010 11.29, Darwin Bahar <[email protected]> menulis: > > > Nakan Tan Mancayo sarato Sanak sa Palanta > > > > Sekarang tentunya Tan Mancayo sudah berada di Gorontalo, dan jika pada > penerbangan Manado – Gorontalo duduk dekat jendela, maka sebelum pesawat > mendarat di bandara Jalaludin akan melihat hamparan danau Limboto, dan nun > jauh di ujung Selatan samar-samar tampak Kota Gorontalo di pinggir laut yang > berteluk kecil. > > Dulu ketika bertugas di *IBRD North and South Sulawesi Water Supply > Project* di paruh kedua tahun delapanpuluhan, saya beberapa kali ke sana > dan pernah menyusur pantai barat danau yang tidak terlalu besar itu. > Kemudian saya mendengar danau tersebut mengalaman pendangkalan. > > Ingatan saya ke danau ini mencuat kembali tatkala membaca berita Kompas > Rabu, 28 Juli 2010, “Margaretha, Menghidupkan Danau Limboto” *], yang > mengisahkan keberhasilan Margaretha Solang, dosen pada Jurusan Biologi > Universitas Negeri Gorontalo dalam memulihkan budidaya ikan nila lewat > teknik pemotongan sirip ekor yang ditemukannya pada 2003. > > > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
