Pak Sjamsir Sjarif di Santa Kuruih nn ambo hormati nn adi dunsanak Palanta nn
disayangi Allah Rabb ul 'Izzati.
Soal dilansak langek ko tantu masing2 awak punyo pengalaman pribadi nn sulik
untuak dilupokan.
Tahun2 2007 - 2011,JB io agak acok pulbal Jakarta-Padang-Jakarta,labiah2
sajak gala adaik suku kami, JB pakai sajak tahun 2007.Pulbal Betawi-Padang,JB
lakukan naik kapa tabang.
Rato2 hampia satiok mandarek di BIM-Piaman,dek karano lah tuo,acok singgah
lo di tampek jamban BIM.Pada umumnya jamban BIM tu lai barasiah dengan sagalo
kelengkapan jamban.
Jamban bagian lua terminal dakek musholla juga demikian.
Jadi bagi JB agak sulik manarimo pandangan bahwa jamban BIM jorok secara
keseluruhan .JB berusaha dalam manilai jamban BIM ko tidak manembak diateh
kudo,alun dicaliak n disigi bana keadaannyo,lah difonis je nn bahaso jamban BIM
tu jorok.
Jan dikiro sanak,JB punyo pangalaman nn "rancak" jo jamban terminal lua BIM
alias jorse.Dek karano cangok jo gulai jariang,ukatu akan manunggu kedatangan
urang rumah dari Jakarta,ruponyo pasukan jariang dalam paruik JB berontak co
prri bakicuik2 bunyi ingin dalam paruik indak paduli kondisi nn punyo paruik,nn
panting pasukan joringko barontak.Tapasolah nn punyo paruik lari cigin dari
tampek parkir oto ka tampek jamban nn dakek musholla BIM tu.Malang senek tapi
untung banyak,jamban sadang dibarasiahkan,aia bakeh mancuci baganang-ganang
memenuhi kasado alahe ruang jamban tu;JB kayak urang kasetananan maklum pasukan
joriang ko lah mancogok,gaca lo tulai, maambua kadalam jam ban sambia maambiak
saboto aia aqua,nn antah nama nn ikek pinggang,resliting sarawa,sambia
mamaacikkan pangua,barusaho malapeh kan sarawa dengan berjinjit-jinjit.
Tapi apo nn tajadi,si kuning nn encer tu berontak kalua dalam sarawa,kanailah
cd hing nn baru n sarawa panjang.Sambia duduk diateh tenggeran,JB mancaliak
sakuliliang,toilet tissu gak ado,aia cuma saboto. Tapasolah jo saputangan nn
babasahan sedikit demi sedikit jo aia boto maapuih kotoran nn ado di cd n
saraa wa.Baunyo jan ditanyokan.Lah salasai,kalua jambanlah JB sambia mambawo cd
basah n sarawa tetap dipakai sabab JB gak berani kalua bugiiil.
Jadi walaupun jambannyo 'jorok' ukatu tu,dek sikon nn mandesak,lai babasiak
surang mendoakan urang2 atau badan usaha nn mambuek jamban tu semoga Allah
memberinyaa pahala atas usaha mereka.
Sebaikno soal kondisi nn kurang baik jamban BIM ko jan nn jorok sajo nn
dinilai,apolagi ka mausulkan lampang malampang ka wagub Sumbar(mudah2an) cuma
bagarah);sebaiknyo agiah solusi n kritik nn membangun kepada pengelola BIM tu
syukur kepada pejabat BIM nn kita kenal.
Baa Nyiak Sunguik,io bak itu bunyi rababnyo.
JB Dt Rajo Jambi,72thn,sk Mandailiang di Padusunan Piaman,kini di
Bonjer,Jakbar.
Sent from my AXIS Worry Free BlackBerry® smartphone
-----Original Message-----
From: "sjamsir_sjarif" <[email protected]>
Sender: [email protected]
Date: Sat, 26 Mar 2011 00:12:36
To: <[email protected]>
Reply-To: [email protected]
Subject: Re: [R@ntau-Net] IMG-20110319-00011.jpg
Tahun 1985, sasudah duo puluah tahun indak pulang-pulang maninggakan kampuang
halaman, ambo pai ka Bank di Padang untuak manuka pitih. Teller no di tingkek
duo. Awak basipatu, bakemeja putiah sarawa itam. Karano ado nan taraso di
paruik, maklumlah awak baru datang dari Bukittinggi, ditanyoan dima wc. Kecek
teller di lantai bawah Pak.
Pailah awak ka bawah. Dibukak pintu WC. Ondeh, aia di lantai taganang. Toiletno
lah toilet baru saroman nan alah biaso di awak di Rantau Jauah. Tapi indak ado
toilet paper (karateh paapuih)no. Aaa aka? Ka dibukak sipatu, galinggaman lo
kaki mancaliak aia nan kurang sandireh di lantai. Ka duduak,kok dibukak bana
sarawa, tampek duduakno lah baluluak-luluak pulo. Gaolinggaman lo taraso ikua
awak duduak. Dicubo-cubo bagayiuk ka dakek toilet tul. Dibae tagak di atehno.
Diporohan sarawa saketek, dibae mancangkuang. Lapeh lah uweh-uweh tu. Paluah
pun kalua lo ...
Tapi, baa mambarasiahkan ikua awak? Indak ado karateh paapuih. Adoi aia
batimboan ka baskom aia talatak di lantai, ado panyauakno. Dicubo-cubo
mambarasiahan diri (bagian bawah) tu. Ondeh, mancangkuang sabana susah hampia
tasoleng karano sipatu hampia tasialia. Untuang ndak jadi. Namun sarawa itam
ko,jo sarawa koto, lah basah-basah katu awak kalua. Dicubo mambaruik-baruik-i
sarawa tu, namun aiano masih taraso. Tapi dek itam, sarawa ko lai indak tampak
bana basah dek urang doh, kecuali kalau disorakkan sarawa awah basah. Bajalan
lah awqak lambek-lambek mandaki janjang kateh.
Tibo di loket, tellerno batanyo, baa mangko lamo na Pak?
Sambia galak nabi agak baibo ati, dicaliak sarawa itam, dibaruik-baruiki jo
tangan, sambia mambanaan Pokok Padang: "Den ndak pandai tac... sinan.
Basah-basah sarawa den...:)"
Tabasuik galak gadih teller nan baduo mananti awak tu. Tasumbua galak adiak nan
tagak dakek teller tu, mancaliak dramatisasi carito kisah nyata tu.
"Bialah biko den kecekan ka Surek Kaba" kecek awak ka teller tu.
"Jaaan, jan Paaak, malu awak Paak...:)" Sado nan dakek awak sabana kaya dek
galak.... :)
-- Nyit Sungut
Di Tapi Riak nan Badabua mar 25 2011
--- In [email protected], Muhammad Dafiq Saib <stlembang_alam@...>
wrote:
>
> Assalaamu'alaikum wa rahmatullaahi wa barakaatuhu
>
> Awak sadang masuak ka kancah kamajuan. Masuak ka suasana bakapatabang, ka
> suasana bahape, bainternet. Banyak diantaro kamajuan-kamajuan tu malompek
> talampau jauah dari ka sahari-harian awak. Tapi kadang-kadang awak tapaso
> malompek atau dipaso malompek-i nilai-nilai kamajuan tu. Muskipun ado dan
> bahkan indak kasadoan awak nan sanggup baadaptasi.
>
> Pakaro kajamban. Saisuak di kampuang awak kajamban di tondeh batadia batuang
> di tabek. Di sinan awak duduak mancongkong malapehan hajat nan langsuang
> disambuik ikan nan alah mananti di bawah. Saisuak? Apokoh kini indak ado lai
> nan sarupo itu? Tanyato masih banyak. Di kampuang-kampuang awak masih banyak
> tondeh basaok jo tadia di tapi tabek tu. Tapi masyakaraik no? Masyarakaik
> urang kampuang tu kini alah biaso naiak kapa tabang. Antah pai manyilau cucu
> jo tiket nan dikiriman dek minantu. Lai indak cangguang-cangguang bagai naiak
> pasawat tu do. Lai biaso-biaso sajo. Tapi katiko tasasak nan ka jamban? Indak
> atau alun bisa barubah kabiasoan mancongkong di tapi tabek. Indak amuah no
> kalua kalau indak mancongkong. Itulah nan difotoan di kakuih di BIM.
>
>
> Ado nan labiah dareh pado itu. Inyiak-inyiak jo enek-enek urang kampuang tu
> kini alah abih pai ka Makkah. Jo pesawat. 10 jam tabang. Salamo sapuluah jam
> ado sajo nan tasasak tacir**. Ka baa lai? Tantu iyo masuak ka dalam tondeh di
> dalam pesawat tu. Dikarajoan lo baitu baliak. Mancongkong di ateh kloset.
> Tabik ilang aka pramugari mauruih urang-urang sarupo iko. Tajadi juo, dek di
> dalam kapa tabang ado pulo rombongan haji plus, nan biaso tingga di rumah
> gaduang, nan biaso duduak di dalam wc nan harum. Didapek-ino tondeh
> kapatabang basalemak peak? Lalu ka bangih no? Kadilampangino pramugari? Atau
> kapten pilot? Tantu indak mungkin. Masyarakaik tu, panumpang nan urang
> kampuang tu musti diajai juo jo saba. Jo mauruik dado.
>
> Baitu lo contoh bahape. Kini sia nan indak ka bahape. Tukang becak, tukang
> sayua, tukang sagalo macam tukang. Sakali wakatu naiak lo di antaro
> tukang-tukang ko ka ateh kapatabang. Kan indak ado bagai laranganno do.
> Bahape-hape no kareh-kareh sampai disuruah pramugari baranti. Jadih lo nah
> jano. Tapi baitu kapatabang batumpu kainggok, alun salasai lai tagak
> kapatabang tu, lah diiduik-anno lo baliak hape no cako. Padohal itu
> manggaduah. Paduli aa dino?
>
> Baitu lo jo bainternet ko bagai aa. Dibuek paraturan supayo mangarek ikua nan
> bajelo-jelo. Atau jaan mangirim lampiran. Atau jaan mangirim data nan
> barek-barek. Lai bara urang awak nan taat azas? Nan amuah mamparatian
> paraturan tu?
>
> Apo ka main lampang sajo pulo awak sudah itu?
>
>
> Saba di pabanyak. Diusaoan juo mamelok-i. Disadioan sarana jo prasarana.
> Mungkin di kapatabang raso ka sarik mambuek kakuih jongkok. Tapi di Bandara
> kan indak kasarik bana do agakno. Sabalun malampangi patugeh bandara tu, elok
> iko dulu diusua-an. Buek-anlah tondeh tampek urang mancongkong di sampiang
> sophisticated wc awak tu ciek. Sabab nyiak Tangkudun dari lereng Singgalang,
> ajo Bagindo Dirih dari Tandikek, Uwan Kari Mudo dari kaki gunuang Sago alah
> parajan bana pai-pai jo kapatabang kiniko.
>
> Wassalamu'alaikum,
>
>
> Muhammad Dafiq Saib Sutan Lembang Alam
> Suku : Koto, Nagari asal : Koto Tuo - Balai Gurah, Bukit Tinggi
> Lahir : Zulqaidah 1370H,
> Jatibening - Bekasi
>
>
>________________________________
> From: Dr Saafroedin Bahar <saaf10leo@...>
> To: rantaunet rantaunet <[email protected]>
> Sent: Friday, March 25, 2011 11:53 PM
> Subject: Re: [R@ntau-Net] IMG-20110319-00011.jpg
>
>
> Ajo Sur, itu makonyo tabik palak ambo - walau alah gaek - mintak dilampang
> sajo sia nan batangguang jawab baa mako indak barasiah-barasiah juo. Lai
> takana gaya Bupati Anas Malik alm manangani 'WC terpanjang di dunia'?
> Ruponyo latak masalahnyo adolah pd status hukum BIM sajo. Ambo heran baa mako
> masalah ketek saruman tu indak bisa disegehkan dek angku-angku tu ?
> Wassalam,
> Saafroedin Bahar Taqdir di tangan Allah, nasib di tangan kita.
>________________________________
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
![Re: [R@ntau-Net] IMG-20110319-00011.jpg](/search?l=rantaunet@googlegroups.com&q=subject:%22Re%5C%3A+%5C%5BR%40ntau%5C-Net%5C%5D+IMG%5C-20110319%5C-00011.jpg%22&o=newest){kind=link}
