He he he ... Sharing nan sabana very-very good. Lah sagalo macam komentar pamikiran dan solusi nan kalua via alam maya dari sagalo macam ur-wak nan balatar balakang ilimu macam-macam.
Tanyo ambo (si m.m ko) : kamudian...., what next? A pangana awak? Kabaliak pulo ka lagu lamo ala komunitas r@ntau-net : ruok tingga ruok. Nan dipagunjiangkan lintas alam maya jalan taruih, indak ado parubahan? Apokoh lai pamikiran-pamikiran nan tajadi di r@ntau-net ko dibaco dek manajemen Angkasa Pura nan mauruih sagalo macam kaparaluaan a sajo di BIM tu? Apokoh ado salah saurang (atau kalompok, atau organisasi, atau LSM) nan mambaok panji-panji Minangkabau mambuek "surek resmi" kamudian mangirimkannyo ka Direktur Angkasa Pura di BIM, dan mangirimkan tembusannyo ka 1)Gubernur "Provinsi Minangkabau" (d/h Sumatra Barat; 2)Mendagri; 3)Menhub; 4)Gebu Minang; dan (diraso paralu) ka 5)Presiden RI...? Kalau indak ado nan punyo inisiatif saroman nan ambo tanyokan ko, picayolah..... ka baliak pulo ka saroman ruok di r@natu-net salomo ko nan ambo caliek. Salasai maruok adu literatur adu pangalaman hiduik di DN (dan LN), kamudian alah agak lamo..... talupo.....dan baliak ka kondisi : "waang bak kato waang, waden bak kato waden"; dan...."emangnya gue pikirin"...???? Salam dari parantauan. mm*** Lk-2, >50th; Bks suku : Koto Datuak Tumangguang gala : Sutan Rangkayo Kaciek ________________________________ From: Muhammad Dafiq Saib <[email protected]> To: "[email protected]" <[email protected]> Sent: Sat, March 26, 2011 6:30:51 AM Subject: Re: [R@ntau-Net] IMG-20110319-00011.jpg Assalaamu'alaikum wa rahmatullaahi wa barakaatuhu Awak sadang masuak ka kancah kamajuan. Masuak ka suasana bakapatabang, ka suasana bahape, bainternet. Banyak diantaro kamajuan-kamajuan tu malompek talampau jauah dari ka sahari-harian awak. Tapi kadang-kadang awak tapaso malompek atau dipaso malompek-i nilai-nilai kamajuan tu. Muskipun ado dan bahkan indak kasadoan awak nan sanggup baadaptasi. Pakaro kajamban. Saisuak di kampuang awak kajamban di tondeh batadia batuang di tabek. Di sinan awak duduak mancongkong malapehan hajat nan langsuang disambuik ikan nan alah mananti di bawah. Saisuak? Apokoh kini indak ado lai nan sarupo itu? Tanyato masih banyak. Di kampuang-kampuang awak masih banyak tondeh basaok jo tadia di tapi tabek tu. Tapi masyakaraik no? Masyarakaik urang kampuang tu kini alah biaso naiak kapa tabang. Antah pai manyilau cucu jo tiket nan dikiriman dek minantu. Lai indak cangguang-cangguang bagai naiak pasawat tu do. Lai biaso-biaso sajo. Tapi katiko tasasak nan ka jamban? Indak atau alun bisa barubah kabiasoan mancongkong di tapi tabek. Indak amuah no kalua kalau indak mancongkong. Itulah nan difotoan di kakuih di BIM. Ado nan labiah dareh pado itu. Inyiak-inyiak jo enek-enek urang kampuang tu kini alah abih pai ka Makkah. Jo pesawat. 10 jam tabang. Salamo sapuluah jam ado sajo nan tasasak tacir**. Ka baa lai? Tantu iyo masuak ka dalam tondeh di dalam pesawat tu. Dikarajoan lo baitu baliak. Mancongkong di ateh kloset. Tabik ilang aka pramugari mauruih urang-urang sarupo iko. Tajadi juo, dek di dalam kapa tabang ado pulo rombongan haji plus, nan biaso tingga di rumah gaduang, nan biaso duduak di dalam wc nan harum. Didapek-ino tondeh kapatabang basalemak peak? Lalu ka bangih no? Kadilampangino pramugari? Atau kapten pilot? Tantu indak mungkin. Masyarakaik tu, panumpang nan urang kampuang tu musti diajai juo jo saba. Jo mauruik dado. Baitu lo contoh bahape. Kini sia nan indak ka bahape. Tukang becak, tukang sayua, tukang sagalo macam tukang. Sakali wakatu naiak lo di antaro tukang-tukang ko ka ateh kapatabang. Kan indak ado bagai laranganno do. Bahape-hape no kareh-kareh sampai disuruah pramugari baranti. Jadih lo nah jano. Tapi baitu kapatabang batumpu kainggok, alun salasai lai tagak kapatabang tu, lah diiduik-anno lo baliak hape no cako. Padohal itu manggaduah. Paduli aa dino? Baitu lo jo bainternet ko bagai aa. Dibuek paraturan supayo mangarek ikua nan bajelo-jelo. Atau jaan mangirim lampiran. Atau jaan mangirim data nan barek-barek. Lai bara urang awak nan taat azas? Nan amuah mamparatian paraturan tu? Apo ka main lampang sajo pulo awak sudah itu? Saba di pabanyak. Diusaoan juo mamelok-i. Disadioan sarana jo prasarana. Mungkin di kapatabang raso ka sarik mambuek kakuih jongkok. Tapi di Bandara kan indak kasarik bana do agakno. Sabalun malampangi patugeh bandara tu, elok iko dulu diusua-an. Buek-anlah tondeh tampek urang mancongkong di sampiang sophisticated wc awak tu ciek. Sabab nyiak Tangkudun dari lereng Singgalang, ajo Bagindo Dirih dari Tandikek, Uwan Kari Mudo dari kaki gunuang Sago alah parajan bana pai-pai jo kapatabang kiniko. Wassalamu'alaikum, Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi ________________________________ From: Dr Saafroedin Bahar <[email protected]> To: rantaunet rantaunet <[email protected]> Sent: Friday, March 25, 2011 11:53 PM Subject: Re: [R@ntau-Net] IMG-20110319-00011.jpg Ajo Sur, itu makonyo tabik palak ambo - walau alah gaek - mintak dilampang sajo sia nan batangguang jawab baa mako indak barasiah-barasiah juo. Lai takana gaya Bupati Anas Malik alm manangani 'WC terpanjang di dunia'? Ruponyo latak masalahnyo adolah pd status hukum BIM sajo. Ambo heran baa mako masalah ketek saruman tu indak bisa disegehkan dek angku-angku tu ? Wassalam, Saafroedin Bahar Taqdir di tangan Allah, nasib di tangan kita. ________________________________ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
![SATALAH TU, A PANGANA AWAK?.....=====>Re: [R@ntau-Net] IMG-20110319-00011.jpg](/search?l=rantaunet@googlegroups.com&q=subject:%22SATALAH+TU%2C+A+PANGANA++AWAK%5C%3F.....%3D%3D%3D%3D%3D%3ERe%5C%3A+%5C%5BR%40ntau%5C-Net%5C%5D+IMG%5C-20110319%5C-00011.jpg%22&o=newest){kind=link}
