Mak Ngah, He he he....antaro galak jo sabak ambo mambaco curito Mak Ngah di bawah. Sabab kajadian sarupo ko acok pulo tasuo dek ambo. Mak Ngah lai basarawa pintalon agak e ndak? Kalau ambo acok basarawa jeans. Mungkin tabayang dek Mak Ngah baa mambarasiah'an 'gardan bawah' tu dalam kondosi toilet co itu samantaro awak mamakai sarawa jeans nan agak sampik lo. Bisa2 tatungkuik lasuang sorang di dalam toilet nan alia2 tangguang tu. Mungkin ndak balabiahan kalau ambo kecek'an: SUKSESNYA PARIWISATA SUMBAR SANGAT MUNGKIN TERGANTUNG PADA KONDISI TOILET DI HOTEL2 DAN FASILITAS PUBLIKNYA. Salah satu alternatif ambo kiro mambuek 2 model toilet: jongkok dan duduak. Kalau indak, pasti baleak-leak taruih toilet tu, sarupo tobek diaru barang-barang. Ciek tanyo dari ambo ka rang lapau, nan laki2 sajo: kalau buang aia ketek di toilet duduak, baa Mamak2, Kakak2 jo sanak sudaro melakukannyo? Apo babukak sarawa, lalu duduak, atau babukak juo sarawa tapi tagak, lalu kapalo 'pusako ayah' tu baadok'an ka lubang toilet tu? Apokoh lah ado SURVEI MENGATAKAN soal iko??? Di Ulando, di rumah2 nan acok dikunjungi atau disewakan ka urang Indonesia, biasonyo ado tulisan di toiletnyo: KALAU KAJAMBAN MOHON DUDUAK. Aha....sabab si pemilik rumah tahu banyak nan kajamban sadang tagak sae. Akibaiknyo bibia toilet ko kuniang2 kanai percikan aia saringan dari dalam tubuah tu, hehe. Nan mamakai indak pulo malapnyo, sahinggo taniayo urang nan mamakai kudian nan nio kajamban duduak. Kalau WC tapanjang di dunia di Piaman mah alah segeh dek almarhum ANAS MALIK (iyo gak acok main lampang baliau, Pak Saaf, tapi ndak baa doh). Kini soal siso gulai patai jo jariang di toilet2 lo nan jadi masalah awak lai. Mudah2an akan ado solusinyo. Salam, Suryadi
--- Pada Sab, 26/3/11, sjamsir_sjarif <[email protected]> menulis: Dari: sjamsir_sjarif <[email protected]> Judul: Re: [R@ntau-Net] IMG-20110319-00011.jpg Kepada: [email protected] Tanggal: Sabtu, 26 Maret, 2011, 7:12 AM Tahun 1985, sasudah duo puluah tahun indak pulang-pulang maninggakan kampuang halaman, ambo pai ka Bank di Padang untuak manuka pitih. Teller no di tingkek duo. Awak basipatu, bakemeja putiah sarawa itam. Karano ado nan taraso di paruik, maklumlah awak baru datang dari Bukittinggi, ditanyoan dima wc. Kecek teller di lantai bawah Pak. Pailah awak ka bawah. Dibukak pintu WC. Ondeh, aia di lantai taganang. Toiletno lah toilet baru saroman nan alah biaso di awak di Rantau Jauah. Tapi indak ado toilet paper (karateh paapuih)no. Aaa aka? Ka dibukak sipatu, galinggaman lo kaki mancaliak aia nan kurang sandireh di lantai. Ka duduak,kok dibukak bana sarawa, tampek duduakno lah baluluak-luluak pulo. Gaolinggaman lo taraso ikua awak duduak. Dicubo-cubo bagayiuk ka dakek toilet tul. Dibae tagak di atehno. Diporohan sarawa saketek, dibae mancangkuang. Lapeh lah uweh-uweh tu. Paluah pun kalua lo ... -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
![Re: [R@ntau-Net] IMG-20110319-00011.jpg](/search?l=rantaunet@googlegroups.com&q=subject:%22Re%5C%3A+%5C%5BR%40ntau%5C-Net%5C%5D+IMG%5C-20110319%5C-00011.jpg%22&o=newest){kind=link}
