Pak Saaf jo sagalo adidunsanak jo anak kamanakan di salapan pinjuru angin,
Assalamu'alaikum wr. wb
Nan takana di ambo, mungkin fakta2 nan pak Saaf sabuikan tu, fakta2 nan tajadi
di ciek2 lokasi, dan urang nan manampaknyo manggeneralisir jadi keseluruhan.
Ambo raso alun didasari penelitian nan bisa dipertanggungjawabkan. Nan acok
menggeneralisir ko urang awak nan sakali2 pulang kampuang, nampak dek inyo di
kampuangnyo atau di salah satu lokasi nan dilewatinyo, lah nyo anggap co itu
keseluruhan Miangkabau dan nyo tulih di milis2 nan nyo langgani. Curito ko
di"copy-paste" dek nan lain di milis inyo, akhirnyo taseba seolah-olah seluruh
Minangkabau lah co itu. Misanyo, di kampuang ambo, di Galuang, Sungai Pua,
musajik rami taruih. Di kompleks tampek tingga ambo di Tabiang, Padang dan
Pintu Kabun, BT, jamaah shalat Jumat sampai malimpah ka lua dan ka lantai 2.
Musajik Raya dan Nur ul Haq dan banyak musajik lain di kota BT, tiok hari rami
dek jamaah pangajian.
Rami indaknyo musajik tantu tagantuang waktu dan musim di daerah2 tertentu.
Kalau di suatu kampuang urang musim ka sawah, dan mayoritas panduduak adolah
petani, pangajian nan diadokan siang hari, pasti ndak baurang. Kok kutiko itu
rang rantau ko lewat di sinan dan nyo caliak musajik langang, tanpa babibu lah
basorak se inyo, musajik lah langang di Minangkabau kini, kan ndak batua tu
doh.
Ambo alun pernah maliek atau mandanga ado pandam pakuburan rang awak di
kampuang nan lah disatoi dek tando salib lai. Kok di TPU Tunggua Hitam iyo
banyak, tapi dilokalisasi, tasisiah salib samo salib se. Jadi jan asa basorak
se.
Ko rumah gadang nan lah jarang tampak, bana tu. Dek mambangun rumah gadang ko
ndak talok dek urang kabanyakan doh. Urang kayo tangguang se alun tantu mampu
mambangun rumah gadang ko lai.
Ambo nan maunyi kampuang, indak sapanuahnyo sasuai jo apo nan dikatokan fakta2
nan mungkin dikategorikan sebagai tando2 ranah Minang lah maninggaan agamo jo
adaik. Co di nagari lain, nan cingkahak pasti se ado, tapi nan taaik masih
labiah banyak.
Salam,
mak Sati (L. 74+1+28)
asa Galuang, Sungai Pua, Agam
Jl. Sitawa 25, Tabiang
0812 6600 639 Halo
0821 70 223 253 Simpati
0852 63000 868 As
0857 6652 6776, IM3
0819 4757 6979, XL
----- Original Message -----
From: Dr Saafroedin Bahar
To: Ajo Duta, RN
Sent: Friday, April 29, 2011 8:37 PM
Subject: [R@ntau-Net] Minangkabau Maso Datang.
Assalamualaikum Dinda Ajoduta dan para sanak sapalanta,
Ado babarapo fakta penting dlm thread Dinda di bawah ko sarato dlm thread
lain sabalun ko.
Fakta-fakta penting nan Dinda posting a.l adolah: nagari kito alah
katinggalan dalam pembangunan fisik dan mental; surau alah kalah dek teve;
banyak urang sukses di rantau alah malupokan kampuang halamannyo, alah
nafsi-nafsi; dan alah susah maajak urang ranah utk baiyo.
Sabalun ko alah banyak pulo diuleh di RN ko fakta-fakta: rumah gadang alah
banyak nan runtuah dan indak diganti; musajik alah banyak nan langang; alah ado
kuburan urang awak di nagari nan pakai salib; alah mulai banyak anak mudo nan
pindah agamo; indak kareh bana lai reaksi thd urang murtad / upaya pemurtadan,
khawatir ka 'mancabiak baju di dado'; urang awak kurang ramah ka tamu; urang
awak ko pamaleh, ciluah (iko pengalaman Dinda sandiri sbg bagian HRD.); dan:
alah ado tando-tando urang awak ko ka marantau cino.
Misalkanlah memang alah saroman tu faktanyo, timbua pertanyaan dalam diri
ambo: 1) kama arah perkembangan Minangkabau maso datang kalau kecenderungan di
ateh berjalan 'mulus', atau dipabiakan sajo?; 2) lai koh ado nan meneliti
kasaluruahan perkembangan ko dan manulih disertasi nan bisa direnungkan basamo
sacaro mandalam ? 3) kalau kito risau jo kecenderungan di ateh, baa caro
mananganinyo : sanagari-sanagari sajo/ maurus kampuang surang-surang sajo, atau
paralu disusun karajosamo antaro saluruah kito urang Minang ?; 4) kalau paralu
bakarajo samo, baa bantuak karajo samo tu ?
Baa pandapek sanak sakalian? (Kok ado sanak nan indak satuju jo kutipan fakta
di ateh, lupokan sajolah).
Wassalam,
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://forum.rantaunet.org/showthread.php?tid=1
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
<<clip_image002.jpg>>
