Assalamu'alaikum wr.wb. Sanak sapalanta kasadonyo nan ambo hormati,
Di Nagari Kambang ,Pesisir Selatan satahu ambo kalau indak salah sampai munculnyo pemerintahan desa dimaso ORBA, nan jadi Wali Nagari adolah nan mamangku sabagai Rajo Adat. Oleh karanonyo Wali Nagari disabuik sabagai Tuanku Kambang. Pamilihan Rajo Adat sasuai jo aturan Adat Nagari Kambang. Aturan Adat Nagari Kambang bisa diliek di Monografi Adat Nagari Kambang. Baa tatacaro mamiliah Rajo Adat diatur sasuai jo aturan nan alah baku. Untuak Nagari Kambang alah ditatapkan dek Daulat nan Dipatuan Rajo Alam Surambi Sungai Pagu untuak manjadi Rajo di Nagari Kambang adolah dari suku Kampai. Tatacaro mamailiah Rajo diatur malalui musyawarah mangikuti langgam Dt.Perpatiah Nan Sabatang, batingkek mulai dari kaum, suku , ikek dari suku-suku nan ado di Nagari Kambang. lalu terakhir minta pengukuhan dari Daulat nan Dipatuan Rajo Alam Surambi Sungai Pagu nan kamudian manyarahkan perangkat Kebesaran Rajo.. Didalam Monografi Kambang cukuik lengkap ditulis aturan adat mulai dari maangkek Rajo, mangganti, meninggal, mamarentah ..dst. Sasudah pamarentahan Desa, pemilihan Rajo Adat oleh lembaga Kerapatan Adat Nagari ( KAN ). Rajo Adat tidak lagi menjadi Wali Nagari, sabutan Tuanku Kambang indak tadanga lagi sampai ka pamarentahan babaliak ka Nagari. Timbul pertanyaan didiri ambo, baa pulo di Nagari lain apo sarupo atau beda? Babaliak ka Nagari apo berarti babaliak ka adat nan lamo? Apo mungkin Rajo Adat babaliak manjadi Wali Nagari sasuai jo aturan adat nan lamo? Siapo nan bisa mambari pencerahan ? Mungkin nakan Armen bisa mambantu ? Wassalam, Asmardi Arbi. ( Lk, 69+ Tangsel ) From: Armen Zulkarnain Sent: Saturday, April 30, 2011 8:44 AM To: [email protected] Subject: Bls: [R@ntau-Net] Minangkabau Maso Datang. Assalamualaikum wr wb Inyiak Sati, pak Saaf sarato angku, mamak, bundo sarato adi dunsanak sapalanta RN nan ambo muliakan, Ambo kiro indak seluruh nan disampaikan pak Saaf mantun tajadi di ranah Minang, tarutamo nan disabuikan satantang kuburan urang awak nan pakai salib. Namun satantang perihal upaya permutadan hal iko memang terjadi di seluruh Indonesia, bukan hanyo di ranah Minang sajo. Mengenai kurenah pamaleh. ciluah ambo kiro iko tajadi di seluruh masyarakat di Indonesia bahkan sampai ka pamarentahannyo, kan lai tasabuik di media massa pejabat-pejabat nan masuak kandang situmbin maupun nan sadang diproses di pengadilan. Maingek jo manimbang proses hukum nan balaku di nagari nan ko, tantu banyak pulo nan talapeh dek karano ado kompromi-kompromi. Mengenai marantau cino ambo kiro iko indak ado permasalahan sabab dalam budaya minangkabau nan diparalukan adolah komunikasi sahinggo silaturahim jo musyawarah bisa taruih dijalankan. Tantunyo dengan kemajuan teknologi IT di zaman kini, hal iko indak ado permasalahan, karano itu perlu disiapkan di nagari-nagari agar bisa mengelola IT sebagai sarana komunikasi internet sahinggo seluruh permasalahan bisa dipasamoan walau berbeda domisili & terpisah antara ruang dan waktu. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
