Assalamualaikum wr wb Inyiak Sati, pak Saaf sarato angku, mamak, bundo sarato adi dunsanak sapalanta RN nan ambo muliakan,
Ambo kiro indak seluruh nan disampaikan pak Saaf mantun tajadi di ranah Minang, tarutamo nan disabuikan satantang kuburan urang awak nan pakai salib. Namun satantang perihal upaya permutadan hal iko memang terjadi di seluruh Indonesia, bukan hanyo di ranah Minang sajo. Mengenai kurenah pamaleh. ciluah ambo kiro iko tajadi di seluruh masyarakat di Indonesia bahkan sampai ka pamarentahannyo, kan lai tasabuik di media massa pejabat-pejabat nan masuak kandang situmbin maupun nan sadang diproses di pengadilan. Maingek jo manimbang proses hukum nan balaku di nagari nan ko, tantu banyak pulo nan talapeh dek karano ado kompromi-kompromi. Mengenai marantau cino ambo kiro iko indak ado permasalahan sabab dalam budaya minangkabau nan diparalukan adolah komunikasi sahinggo silaturahim jo musyawarah bisa taruih dijalankan. Tantunyo dengan kemajuan teknologi IT di zaman kini, hal iko indak ado permasalahan, karano itu perlu disiapkan di nagari-nagari agar bisa mengelola IT sebagai sarana komunikasi internet sahinggo seluruh permasalahan bisa dipasamoan walau berbeda domisili & terpisah antara ruang dan waktu. Satantang nan disabuikan jo Inyiak Sati, tantu indak pulo arih jo bijaksano mambandiangan nagari Sungai Pua nan di Agam Tuo (sabab ado pulo nagari Sungai Pua di Manijau) jo nagari-nagari di ranah Minang nan jumlahnyo ratusan mantun (Nagari Adat = 543 Kanagarian, pemerintahan nagari = 648 nagari). Sabab nagari Sungai Pua nan ko adolah salah satu pemerintahan nagari terbaik di Sumbar, nan inyiak walinyo (wali nagari-red) terpilih sebagai salah satu wali nagari terbaik se-Sumbar. Seluruh urang minangkabau dimano sajo barado bisa mengetahui jumlah niniak mamak pangulu kaum di Nagari Sungai Pua barikuik jo sako gala adatnyo sabab alah dilewakan di website nagari Sungai Pua www.sungaipua.com. Kito harus memahami, bahasonyo banyak urang minang nan barasa dari ratusan nagari-nagari di Sumbar (termasuk di palanta RN nan ko) nan indak jaleh bara jumlah seluruh kaum di nagarinyo. Ambo kiro pak Saaf nan barasa dari Kampuang Dalam, Piaman indak jaleh bara jumlah kaum di nagari asanyo. bahkan ada banyak urang minang nan indak jaleh apo namo sasako gala adat pangulunyo sendiri (konon pulo mengetahui jumlah kaum di nagari asanyo). Baitu pulo satantang informasi nagarinyo seperti ulayat kaum, wali nagarinyo bahkan dunsanak sakaumnyo indak pulo jaleh bara urang sadonyo. Ambo agiah tahu lo ciek, bahkan banyak punyo pangulu nan indak jaleh bara jumlah anak kamanakannyo. Baa ko baitu? Sabab komunikasi nan indak tajalin salaruik salamo nan ko dek karano alah saliang bajauahan hiduik baserak di rantau nan batuah, kok pulang basamo iyo jarang pulo, lai juo pulang tapi indak kasadonyo bisa pulang sabab dek parasaian hiduik di rantau. Ambo kiro nan disabuikan pak Saaf ado batuanyo, sabab paralu sinergi basamo-samo untuk membangun nagari & menjawab tantangan zaman nan tajadi kini dengan segala persoalannyo nan alah disampaikan oleh mak Dutamardin. Namun, ambo kiro caro pendekatan pak Saaf mungkin kurang tapek, sabab di minangkabau tasabuik hal nan mambasuik dari bumi, nan berawal dari bawah. Mungkin pengalaman baliau salamo puluhan tahun sebagai dubalang labiah condong dengan sistim nan manitiak dari langik, saroman alur kepemimpinan nan balaku di Angakatan Basinjato Republik Indonesia (ABRI) dari jendral turun ka letjen, taruih ka mayjen nan ditaruihkan pulo ka brigjen hinggo sampai ka balak duo nan manjadi ujuang tombak struktur angkatan basinjato mantun. pak Saaf, urang minang ko disabuik dari mamangan Kamanakan barajo ka mamak Mamak barajo ka pangulu Pangulu barajo ka mufakaik Mufakaik nan sasuai alua jo patuik Alua jo patuik barajo ka nan bana Nan bana tagak sandirinyo. Ambo kiro, aluanyo saroman jo mambasuik dari bumi, saroman nan alah acok disampaikan oleh buya Masoed. Tantunyo paralu wakatu jo tinago nan indak sudah-sudah untuak manaruihkan karajo iko & ambo kiro indak akan pernah salasai sabab paralu taruih diperjuangkan hinggo akhia zaman. Kalaulah karajo iko alun nampak bana progressnyo di lapangan, ambo kiro pak Saaf harus maklum pulo, sabab kito baru 10 tahun babaliak ka nagari nan akan taruih diusahokan agar babaliak banagari. Mungkin itu sajo dari ambo, mohon maaf pabilo kurang berkenan. wasalam AZ/lk/33th Padang Kini pemerintahan nagari di Sumbar mulai kembali mengupayakan kehidupan berbudaya & beragama Ditengah compang campingnya struktur masyarakat adat di nagari yang berkaitan dengan limbago nagari dari urang nan ampek jinih Karena itu perlu perhatian bersama seluruh anak nagari dimana saja berada, terutama perantau yang merupakan komunitas masyarakat minang yang terbesar & tersebar di rantau nan batuah. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
