Sanak Madahar, dlm email ambo tu ambo mangajukan ampek pertanyaan ttg potongan-potongan fakta nan diinformasikan dalam RN iko. Mak Sati mananggapi bhw keadaan indak sarupo tu doh. Ambo manjawab, syukur Alhamdulillah kok baitu, sambia manyarankan ado juo rancaknyo diteliti, mano tahu ado gunonyo utk mengetahui keadaan nan sabananyo sacaro langkok. Ambo memang risau dek banyaknyo barito nan kurang lamak dari kampuang kito tu. Kok sadonyo alah elok, sakali lai ambo ucapkan Alhamdulillah, jadi barito itu nan indak bana. Wassalam, Saafroedin Bahar. Taqdir di tangan Allah swt, nasib di tangan kita.
-----Original Message----- From: "Madahar (madahar)" <[email protected]> Sender: [email protected] Date: Sat, 30 Apr 2011 08:27:28 To: <[email protected]> Reply-To: [email protected] Subject: RE: [R@ntau-Net] Minangkabau Maso Datang. Wa'alaikum salam ww, Pak Saaf, kadang-kadang kito musti hati-hati juo kalo bakato. Ijan dek nila nan satitiak rusak pulo susu sabalango. Nan nampak jo nan dirasoan saketeknyo tapi nan dikacak jo dikana indak pulo tangguang maulehnyo. Kiro-kiro lai bara lamo apak di kampuang untuak mancaliak kondisi masyarakaik nan ado. Urang kini nan anak-anak mudo kini nan mamintak pitih ka amak lah mulai jarang. Cubolah caliak dek apak ka pasa-pasa ma nan banyak kini nan manggaleh anak bujang-bujang tangguang atau urang gaek-gaek untuak mode galeh parhiasan atau bahkan sayua jo ikan sampai ka maco. Kok di raso kurang ramah urang di kampuang mungkin ancak disigi pulo dima kurang ramahnyo jo kasia pulo. Apo ka kito urang rantau atau ka sia. Kadang-kadang sabagian kito ko kok nan kurang disabuik urang nyo lah santiang pulo bakato labiah rancak dari urang atau saindaknyo maagiah atau malah manambah tubo pulo saketek, sainggonyo kada nan samulo dari guriah daun ilalang sajo nan samustinyo bisa ilang dek di lepong jo aia liau jadi maruyak dek amo nan batambah banyak. Cubo caliak kalo ado nan bakato atau basipaik mamuji, kiro-kiro bara pulo prosentase nyo nan sato mandukuang untuak karajo baiak nan alah dikarajoan urang sudah tu lai bara pulo nan mambari samangaik untuak urang taruih bisa mamacu diri untuak labiah maju. Kadang-kadang ijankan bakato baiak atau mamuji, nan alah rancak sajo dicukia-cukia dima lubang nan bisa untuak dikaji puncak kadanyo. Sainggonyo nan dibahas indak nan elok tapi nan salek-saleh kakurangan urang nan dikana sudah tu dikomentari. Io agak sulik bagi sabagian urang untuak bisa mancaliak elok urang dari pado buruaknyo. Mudah-mudahan pak Saaf ukan tamasuak salah surang nan suko mancaliak jo mangomentari nan kurang sajo. Tarimo kasi Wassalam -----Original Message----- From: [email protected] [mailto:[email protected]] On Behalf Of Dr Saafroedin Bahar Sent: Friday, April 29, 2011 8:37 PM To: Ajo Duta, RN Subject: [R@ntau-Net] Minangkabau Maso Datang. Assalamualaikum Dinda Ajoduta dan para sanak sapalanta, Ado babarapo fakta penting dlm thread Dinda di bawah ko sarato dlm thread lain sabalun ko. Fakta-fakta penting nan Dinda posting a.l adolah: nagari kito alah katinggalan dalam pembangunan fisik dan mental; surau alah kalah dek teve; banyak urang sukses di rantau alah malupokan kampuang halamannyo, alah nafsi-nafsi; dan alah susah maajak urang ranah utk baiyo. Sabalun ko alah banyak pulo diuleh di RN ko fakta-fakta: rumah gadang alah banyak nan runtuah dan indak diganti; musajik alah banyak nan langang; alah ado kuburan urang awak di nagari nan pakai salib; alah mulai banyak anak mudo nan pindah agamo; indak kareh bana lai reaksi thd urang murtad / upaya pemurtadan, khawatir ka 'mancabiak baju di dado'; urang awak kurang ramah ka tamu; urang awak ko pamaleh, ciluah (iko pengalaman Dinda sandiri sbg bagian HRD.); dan: alah ado tando-tando urang awak ko ka marantau cino. Misalkanlah memang alah saroman tu faktanyo, timbua pertanyaan dalam diri ambo: 1) kama arah perkembangan Minangkabau maso datang kalau kecenderungan di ateh berjalan 'mulus', atau dipabiakan sajo?; 2) lai koh ado nan meneliti kasaluruahan perkembangan ko dan manulih disertasi nan bisa direnungkan basamo sacaro mandalam ? 3) kalau kito risau jo kecenderungan di ateh, baa caro mananganinyo : sanagari-sanagari sajo/ maurus kampuang surang-surang sajo, atau paralu disusun karajosamo antaro saluruah kito urang Minang ?; 4) kalau paralu bakarajo samo, baa bantuak karajo samo tu ? Baa pandapek sanak sakalian? (Kok ado sanak nan indak satuju jo kutipan fakta di ateh, lupokan sajolah). Wassalam, -------Original Email------- Subject :Re: [R@ntau-Net] Bangga Juo Awak >From :mailto:[email protected] Date :Fri Apr 29 18:47:22 Asia/Bangkok 2011 "Dari perjalanan kuliliang nagarai baruko banyak banak ketinggalan nagari awak. Bukan hanyo dari segi pembangunan fisik, tapi utamonyo pembangunan mental/SDM. Surau alah kalah jo dek teve. Magrib anak anak labiah memiliah dimuko teve daripado ka musajik. Indak salah mereka, karano rang gaeknyopun indak kasurau. Banyak urang awak sukses di rantau nan malupokan kampuangnyo. Ijan jauah2 bagian mamak pun cando tu pulo. Alah kalua pulo kato "urusan kampuang bialah jo urang kampuang, urusan awak dirantau urusan awak pulo" Kan samo jo "lu urusan lu, gua urusan gua" kecek urang Betawi. Alah nafsi nafsi awak. Beko paling paling pulang sakali satahun, sekedar malagak inyo sukses dirantau. Lalok dihotel/indak dikampuang dgn berbagai alasan. Setelah tu good bye. Belakangan ko mamak acok pulang, maliek sendiri persoalan tu. Urang ranah sendiri dibawo baiyo urusan kampuang alah susah pulo. Caliaklah contoh madrasah hal alQur'an nan didirikan oleh sanak Dafiq St Lembang. Bangunan alah ado, guru alah ado. Tingga barajo sajo indak ado anak nagari nan namuah. Masa cuma 4 urang muriknyo. Kan itu namonyo "arang abih basi binaso". Kalaulah setiok anak nagari dirantau mampasamokan nagarinyo, tantu nagai akan makmur dan Minangkabau tentu makmur pulo. Antahlah....baa dek sanak nan lain tu. ". Saafroedin Bahar. Taqdir di tangan Allah swt, nasib di tangan kita. -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
