Samo jo tanyo ambo ka pak Afrijon, apo iko lah jadi kesepakatan alam Minangkabau baso rajo2 Pagaruyuang tu bukan rang Minang dan bukan bagian dari adat Minang, atau hanyo Armen samo pak Afrijon sajo nan sadang kompak?
Ambo indak baminat mmabuej suku Tanjuang di nagari urang karano indak adoh manfaatnyo. Nan ambo ingin tau, sabaro laweh adat Minang untuak manampuang patrilineal. Ruponyo adoh dijalankan dek rajo2 pagaruyuang. Walaupun Armen katokan inyo indak urang Minang, kenyataannyo pagaruyuang tu indak ditulak dek urang Minang untuk mewakili dan menjalankan adat Minang. Babeda misaknyo katiko patuang Hatta kadibuek bapakaian adat Minang, banyak urang adat nan protes karano ibunyo bukan rang Minang. Jadi lah patuang bung Hatta mamakai peci saroman nan kito kenal. (carito ko pernah dibahas di milis ko). Kalau dari carito Armen, intinyo ambo liek di musyawarah. Seandainyo sepakat ciek nagari sacaro musyawarah manjalankan patrilinial, apo hukumannyo manuruik Armen? Wassalam fitr 2011/5/11 Armen Zulkarnain <[email protected]> > > pak Fitrianto Tanjuang nan barado di subarang sarato angku, mamak, bundo jo > adi dunsanak sapalanta RN nan ambo mulaikan, > > Ambo kiro pak Fitrianto ko anak keturunan pak Fitrianto Tanjuang buliah > mamiliah patrilinial seperti masyarakat perantau dan ado di pesisir Sorkam & > Barus di Tapanuli Tengah. Sabab disinan suku turunnyo dari ayah bantuak > urang tapanuli nan indak cando awak di ranah minang nan turun dari mandeh. > Ambo kiro sah-sah sajo pak Fitrianto mambuek caro saroman di Sorkam jo Barus > mantun untuak anak katurunan pak Fitrianto Tanjuang, nan indak buliah > bapasoan pulo dunsanak awak dan saparuik, sakaum, sasuku ataupun sanagari > manampuah caro nan awak piliah. Sabab dalam adat minangkabau, masalah kaum > dirundiangkan basamo di kaum, baitu pulo di suku ataupun di nagari. Dek > karano itu disabuik babiliak-biliak jo batampek-tampek. > > Nan acok tajadi, kito mamasoan pandapek kito ka dunsanak nan lain sahinggo > manjadi pacah balah, tantunyo iko batantangan di adat minang. Jadi pak > Fitrianto Tanjuang bisa pulo mambuek suku Tanjuang nan baru baulayat di > Kumamoto nan warihnyo manuruik patrilineal, tantu kalau nan dikampuang indak > pulo bisa saroman itu sabab harus dirundiangkan daulu jo adi dunsanak kito > nan dikampuang. Pabilo pak Fitrianto mamasoan hal iko, raso ambo samo jo > maampang galodo jo tapak tangan, jo awak-awak ka diguluangnyo. > > Nan satahu ambo, keluarga pagaruyuang nan ko indak memiliki pusako tinggi > di Pagaruyuang ataupun di Suruaso. Sabab kerajaan mantun datangnyo dari > Siguntua Dharmasraya nan dibarikan sabidang tanah oleh niniak mamak setempat > sahinggo disabuik pagaruyuang atau bapaga jo ruyuang. > > Ambo kiro hal nan pak Fitrianto tanyokan babeda arah jo alasan nan apak > ungkapkan. Baitu nan dari ambo, mungkin ado dari angku, mamak sarato adi > dunsanak nan lain ka banambahkan. > > wasalam > > AZ/lk/33th > Padang > > ------------------------------ > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
