Assalaamu'alaikum wa rahmatullaahi wa barakaatuhu Bundo sarato dunsanak sa palanta.....
Kalau pakaro samba nan suruik lalu antaro etalase jo meja satiok urang, kawan ambo manyabuik 'samba panyiang', dek alah panyiang samba tu pulang baliak - pulang baliak, iyo indak ado komentar ambo do. Ambo masih takana juo jo RM Salero Bagindo nan dikecek-an Bundo tu di tahun 80 an, sampai manapak ka Singapura bagai. Katiko itu iyo nan dipasan sajo nan dihidangkan, jadi indak ado samba nan sampai panyiang kalua masuak do. Pakaro daftar harago, Restoran martabak Kubang nan lai punyo daftar harago nan biasono talatak di satiok meja. Silahkan pasan sasuai jo salero. Harago bajaleh-jaleh ka sadoanno. Dakek tampek ambo tingga, di jalan Caman Raya Jatibening ado RM Sari Bungo. Di balakang meja kasir ado daftar harago tasurek cukuik gadang. Di RM nan iko, katiko awak alah salasai makan, palayan hanyo maetong makanan nan tamakan, tanpa manyurek-an haragono. Kasir nan langsuang mamasuak-an harago tu sasuai jo catatan palayan. Ado resi atau catatan hetongan harago diagiahan ka awak. Di kabanyak-an RM memang salah etong bisa tajadi baliak batimba. Salah dek talabiah, atau salah dek nan dimakan indak ditulihan dek palayan. Ambo panah tapaso bakiriman mambayia baliak sabab sasudah dicaliak bon pambayaran tu elok-elok, sasudah awak jauah dari RM tu (katiko itu bahkan ambo alah di Bandara di Baliakpapan), tanyato dendeng paru nan dimakan di awak indak ditulihanno. Tapaso batalepon kawan samo makan, mintak tolong mambayiaan baliak. Saba takuik, awak hak urang nan masuak ka paruik awak alun babayia. Ka panambah-nambah sajo. Wassalamu'alaikum* Muhammad Dafiq Saib St. Lembang Alam Suku : Koto Nagari asal: Koto Tuo - Balai Gurah - Bukit Tinggi Lahir Zulqaidah 1370H Jatibening - Bekasi* 2011/9/17 Bunda Nismah <[email protected]> > Ado ciek kakurangan RM Minang dihidangkan dan kalau indak dimakan > dihidangkan baliak ka Pelanggan berikut sasudah dikeranya'i. > Nan kaduo nan labiah maju dihidangkan dan sado nan dihidangkan dibayia > walaupun tak dimakan atau diorder. > Katigo maetong capek sekali kadang2 ditambahnyo. Lah acok bundo sudah makan > dilabiahkannyo etongnyo bundo koreksi. > Kaampek kalau mulai maju dan lamak raso diubah atau porsi dikurangi. > Mungkin tukang masaknyo lah pandai lalu buka sendiri karano urang Minang ko > yo latah. > Ado dulu dibuek RM Salero Bagindo dakek Menteng dipiliah sambanyo tapi > kurang majunyo. > Jadi kritikan iko untuak mambangun bukan mamburuak2kan. > Mohon maaf kalau indak berkenan. > @Hayatun Nismah Rumzy# > > > On Sep 17, 2011, at 8:32 AM, Hanifah Damanhuri <[email protected]> wrote: > > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
