Asalamualaikum Pak Asmardi sarato sanak di palanta,
Tarimo kasih banyak ateh tanggapan dari Pak Amardi terhadap artikel Ambo nan
dipostingkan dek Sanak Nofend. Nan dalam pikiran ambo, mungkin juo talinteh
dalam pikiran Pak Asmardi, adolah bahaso dengan adonyo Otoda ko, 'Rumah
bagonjong' (BA-1) di Padang sarato legislatifnyo dapek 'MANGAREK'
('maamputasi', caro moderen e), atau paliang tidak mahalang-halangi lajunyo
VIRUS politik kepeng dan sagalo-galo budaya 'demokrasi' nan makin kalengkong
pengkong nan urek saraf gadang e bapusek di Jakarta tu supayo indak manjala
masuak ka dalam pori2 Minangkabau awak (nagari, jorong sarato anak kamanakan
awak nan iduik di dalamnyo). Tapi, bak kato2 Pak Amardi, sasudah 12 tahun
gerakan 'Baliak ka surau ka nagari' ko bajalan, iyo indak ado takah e doh laju
penyebaran virus tu akan malambek atau malah baranti. Ancik ka malambek, malah
bantambah dareh alirannyo nan kalai. Arati kato: batuka baruak jo cigak, lah
taimbuah pulo sikua karo. dapek pinjaik ilang ladiang
tampak e, Pak Asmardi. Arati kato: OTODA ko samo sakali indak dapek digunokan
untuak mambuek suatu daerah 'tampil beda' (khususnyo dari segi politik lokal)
dengan daerah lain. Malah batambah OTODA batambah saragam barang ko.
Duo hari nan lapeh ado berita di Haluan bahaso banyak nagari di Solok indak juo
manggarik doh. Dalam berita tu disabuik'an bahaso program2 pembangunan nagari
banyak nan sandek karano KABUPATEN indak maagiah jalan lempang. Aratinyo bana:
banyak urusan jo kepeng dan lain2 nan manyangkuik administrasi nan takaik jo
pembangunan nagari 'tahalang' sampai di kabupaten. BAA PULO KO AGAK E, Sanak di
lapau?
Samantaro dalam berita2 koran nampak dek ambo babarapo Bupati MENGGESA (iko
kato bahasa Melayu) nagari2 di dalam wilayah administrasinyo supayo capek2
memekarkan diri. Nan paliang basumangaik tampak Bupati Pesisir Selatan. Di
wilayah Solok jo Tanah Datar baitu juo.
Sambia mauruik2 lutuik nan ngilu dek kanai se katam nan baru turun tadi malam,
ambo bapikia2....eh baa pulo ko? Bupati MENGGESA nagari2 untuak capek mambalah
diri (co amuba sae!). Tapi di sisi lain nagari2 ko indak barensuik2 doh dek
sagalo sasuatu tasangkuik di kantua Bupati. JAN-JAN KO BUPATI2 KO BAHAROK
GADANG SUPAYO DAERAHNYO DAPEK KUCURAN DAUN (DANA ALOKASI UMUM NAGARI) NAN
BANYAK DARI PUSEK. NAH, KALAU BANYAK KEPENG TURUN, NAN CIEK ATAU DUO GALEMENG
TANTU TASANGKUIK JUO DI KANTUA BUPATI. BAK KATO2 URANG, URANG MANDABIAH KABAU
DI SABALAH RUMAH, KITO TANTU DAPEK JUO GALEMENYO (GAJEBOHNYO). Atau malah
bupati2 ko mambuek 'SAIK LUBUAK ALUANG': banyak tingga di ateh pado nan
diturunan sampai ka bawah.
Ondeh, mungkin ambo baprasangko ko. Kok salah, iyo mintak maaf ambo kapado
Allah. Tapi iyo agak heran Ambo maliek antusiasme babarapo bupati ko untuak
MENGGESA nugari2 di daerahnyo supayo capek memekarkan diri. Lai tabayang kolah
dek bupati2 ko maso depan nagari2 tu? Atau iko refleksi dari BAPIKIA PRAKTIS
SAJO: BAA KEPENG KA CAPEK MASUAK SAJO?
Baa agak hati Pak Asmardi jo Dunsanak sakalian di lapau? Mungkin Pak Mochtar
Naim bisa manyuruah antropolog2 mudo di Unand ten untuak mengamati sacaro
empiris tentang fenomena euforia mangapiang2 nagari ko. Sapanjang nan ambo liek
di negara maju, ampia indak pernah wilayah administrasi negara mereka, mulai
dari nan gadang sampai nan ketek, DIKACA2 taruih sarupo urang mambuek godok.
Sabab akibaik sosio-budaya sarato cost kepengnyo tantu banyak pulo. Tapi dek di
negara awak ko urang suko jadi pegawai nagari (dan manampuang pitih dari ateh),
mako MANGUPAK2 wilayah adminstrasi ko di ati e bana mah. Iko bana nan dicari
dek urang nan baminaik jadi anggota DPRD, wali nagari, sekretaris iko,
sekretaris itu, dll. Batambah banyak pegawai negeri, batambah takapelong
Pemerintah bambayia gaji mereka. pado saat nan samo nan tajadi samabanyo
'pembangunann semu'. Takana dek ambo kaji rang lapau: pai ampok pulang aban,
pai palalok pulang panyagan, lapeh bali godok
tingga bali katan.
Maaf, dunsanak dilapau, ado babarapo kalimat nan ambo tulih huruf gadang. Huruf
miriang di komputer tuo ambo tibo2 ilang. Salah jo jangganyo mintak maaf Ambo.
Wassalam,
Suryadi
________________________________
Dari: Asmardi Arbi <[email protected]>
Kepada: [email protected]
Dikirim: Senin, 30 Januari 2012 14:48
Judul: Re: Bls: [R@ntau-Net] DILEMA PEMERINTAHAN NAGARI “HADIAH” REFORMASI
Ass.wr.wb.
Ambo iyo sapandapek bana jo apo nan disampaikan dalam artikel sanak Suryadi di
koran Haluan nan dipostingkan kemnd.Nopen.
Artikel2 itu sangek pas manggambarkan realita nan samo-samo kito saksikan jo
kito rasokan bilo pulang kampuang.
Apo nan tajadi dimasyarakat jo baa sikap pamarentah mulai tingkek Propinsi
sampai ka Nagari memang ala samakin jauah dari nilai-nilai luhur nan dimiliki.
Sabagaimano ala acok didiskusikan dipalantako, samakin gadang tajadi pergeseran
nilai-nilai luhur baiak ditingkat Nasional maupun ditingkek Daerah.., dari
nilai-nilai yang aslinyo syarek jo nilai-nilai Mental Spiritualistik bergerak
terus kearah nan syarek jo nilai-nilai Fisik Materialistik . Panyabab
utamonyo iyolah indak satu kato jo perbuatan, Lain sumpah jo janji , lain pulo
nan dikarajoan. KaTuhanan nan Maha Kuaso dalam sumpah janji, Ka Uangan nan
Kuaso nan dijalankan dst...
Ala 12 taun pamarentahan masyarakat Minangkabau babaliak ka Nagari , indak ado
perubahan nan berarti bahkan keadaan makin buruak.. Dima tasumbeknyo ? Ala
banyak wacana jo artikel2 nan rancak untuak diimplementasikan tapi baa kok
indak bisa jalan? Agaknyo kuncinyo ado ditangan nan paliang bakuaso di Sumbar.
Salamo indak ado Political Will dari baliau tantu keadaan ndak kabarubah.
Mungkin nan paliang bisa dilakukan iyolah manajemen Qalbu nyo AA Gym 3M : Mulai
dari diri sendiri, Mulai dari lingkup kecil ( keluarga, kaum/suku, Nagari),
Mulai dari sekarang juga. Semoga alah ado Nagari nan bisa manjadi contoh nan
bana-bana babaliak ka sistem pamarentahan Nagari untuak jadi contoh bagi
Nagari lainnyo.
Tarimokasih kemnd. Nopen nan magiaah kami info tantang artikel sanak Suryadi di
Haluan tsb.
Wassalam,
Asmardi Arbi.
From: Lies Suryadi
Sent: Monday, January 30, 2012 10:47 AM
To: [email protected]
Subject: Bls: [R@ntau-Net] DILEMA PEMERINTAHAN NAGARI “HADIAH” REFORMASI
Dinda Nofend di dapua rantau-net,
Tarimo kasih banyak ateh posringan artikel ketek ambo nan tabik di Haluan hari
ko. Semoga bamanfaaik dek Mamak2, Kakak2, sarato Dunsanak sekalian. Mudah2an
ado pulo komentar2 dari sidang palanta Rantau-net untuak mampakayo ide dan
menyempurnakan artikel ko. Ketek tapak tangan, tantu nyiru Ambo tampuangkan.
Wassalam,
Suryadi
________________________________
Dari: Nofend St. Mudo <[email protected]>
Kepada: [email protected]
Dikirim: Senin, 30 Januari 2012 2:00
Judul: [R@ntau-Net] DILEMA PEMERINTAHAN NAGARI “HADIAH” REFORMASI
Senin, 30 Januari 2012 03:41
Berkat Reformasi kita di Minangkabau telah kembali ke sistem
Pemerintahan Nagari.
Namun rupanya sistem Pemerintahan Nagari ‘hadiah’ Reformasi itu telah
menghadirkan kultur politik deviant yang kurang sehat di lingkungan
nagari-nagari dan mengandung banyak virus konflik (kepentingan).
Pemerintahan Nagari yang dipraktekkan sekarang tidak
merepresentasikan spirit dan karakter budaya Minangkabau, dan tidak
memenuhi harapan masyarakat Minangkabau, sebagaimana terefleksi dalam
ramai wacana publik di berbagai media, baik di kampung maupun di
rantau. Setelah 12 tahun masyarakat Minangkabau kembali ke
pemerintahan nagari, ternyata kehidupan ber-nagari tidak lebih baik
(Haluan, 22-1-2012).
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://forum.rantaunet.org/showthread.php?tid=1
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://forum.rantaunet.org/showthread.php?tid=1
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://forum.rantaunet.org/showthread.php?tid=1
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
