Salam Sanak Andiko, Manuruik Ambo soal konstruksi sosial sebuah masyarakat indak bisa di-list sarupo mambali barang doh, Andiko. Banyak bukti bahaso dalam negara yang paling maju dengan masyarakat nan makin individualis, sifat sosial malah menebal, bantuak nan dapek diliek dalam masyarakat Amerika dan di Aropa, dimano muncul berbagai macam charity untuak manolong urang nan sakik, nan bakakurangan, merawat lingkungan, mambantu imigran dari Afrika nan tabinguang2 baru tibo, manolong binatang nan terlantar, dll. Dalam realitas sehari2 urang selalu respek untuak manolong urang nan paralu ditolong (bukan selalu dalam arti kepeng), misalnyo kalau ado urang bakurisi roda nak naiak kuretapi atau bis, ado ibu2 dg kereta anak2 nak naiak kureta atau naiak lift, dll, selalu ado sapaan: ''Bisa Anda saya bantu?" Aratinyo apo? Keadaan sosial nan rancak dalam masyarakat tu, tamasuak dalam ranah politik, bisa DIKONSTRUKSI dek PENGUASA. Ambo yakin bana tu. Indak ragu bagai Ambo doh. Nah, pertanyaannyo: apo PENGUASA kito (ganti baganti) punyo KONSEP untuk MEREKONSTRUKSI tu? Kalau ndak salah Ambo, Andiko lah pernah ka Filipina, kan? Cubo liek tertibnyo urang Filipina ka naiak transportasi publik di terminal bis dan jeepney. Indak ado nan dulu mandaului, antri, tertib. Padohal Filipina tu mungkin jauah lebih miskin dari kito. Itu bukan 'HADIAH' nan jatuah dari langik tu nan jatuah ka urang Filipina. Itu konstruksi sosial dari pemerintah, dari nan punyo otoritas. Kalau diliek tetangga nan labiah dakek, Malaysia jo Singapura umpamonyo, labiah lo lai. Jadi, manuruik Ambo, Andiko, ''nilai2 inti'' sebuah masyarakat tetap bisa (dan harus) dipertahankan dalam zaman nan taruih barubah. Blue print mengenai itu harus ado dalam pikiran para panguaso, dan nan paliang penting: blue print itu indak buliah diubah2 walau rezim baganti turun naiak. Nilai2 tu antaro lain dipertahankan melalui simbol2 nan kasat mata. Itu sababnyo sajak dari zaman saisuak sampai kini kurisi parlemen Inggris tu tatap hijau panjang sarupo palanta lapau awak (kalau dalam pandangan politisi awak: uih...kuno banget!)dan Gedung Putih tetap putiah warnanyo walaupun cat rambuik Britney Spears lah puluhan kali baganti2 rononyo, sistem pemilunyo tatap duo partai: republik dan Demokrat (kalau kecek kito di Indonesia: bosen liatnya: kalau udah males sama Republik, ya pilih demokrat, kalau udah nggak sreg dg demokrat, ya, pilih Republik), padohal kurang pitih apo urang2 kayo di Amerika tu untuak mambuek satu-duo lusin partai baru. Manuruik Ambo bukan indak ado urang di Amerika nan ingin mendirikan partai baru. Tapi negara, melalui undang2, mengatur sedemikian rupo sahinggo munculnyo (animo) untuak mambuek partai baru indak dimungkinkan. Aratinyo bana: dalam negara nan paliang demokratis pun ado pembatasan2 nan dibuek oleh negara nan gunonyo bukan untuak malangga HAM, tapi karano negara punyo konsep untuak kemaslahatan umum, baiak jangko pendek maupun jangko panjang. Samantaro Gaduang DPR kito lah ka babuek kolam renang lo lai, kurisinyo baganti tiok sabanta jo model baru, alun lai rono dindiang dll. Baitu kiro2 pikiran Ambo, Sanak Andiko. Tapi kalau diliek sampai detik ko, nagari kito ko MAJU dan MELAJU, tapi....ibaraik bajalan malam indak basuluah, bantuak urang mancari talua katuang sajo: baantak-antak'an galah tu, kalau baraia ujuangnyo, ha...tando ado mah talua katuang dalam kasiak. Samantang pun baitu, tantu Sanak Andiko punyo konsep nan lain pulo dalam maliek baa caro menata (kumbali) kehidupan bernegara dan berbangsa di nagari kito ko nan makin hari tampaknyo makin semrawut dan indak bakarunciangan. Wassalam, Suryadi
Dari: Andiko <[email protected]> Kepada: RantauNet <[email protected]> Dikirim: Selasa, 31 Januari 2012 17:08 Judul: Re: Bls: Bls: [R@ntau-Net] DILEMA PEMERINTAHAN NAGARI “HADIAH” REFORMASI Usul ciek Joa Baiknyo mulai di list baa bana bantuak nagari yang pas zaman kini. Jangan2 kito bermain dalam romantisme, samantaro modal sosialnyo indak cukuik lai. Salam Andiko Lies Suryadi wrote: > Asalamualaikum Pak Asmardi sarato sanak di palanta, > > Tarimo kasih banyak ateh tanggapan dari Pak Amardi terhadap artikel Ambo nan > dipostingkan dek Sanak Nofend. --------------------------------- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
