> mi ghis > nun ne sukcesis trovi unu homon, kiu kapablus rezoni sendepende de la > kategorioj de la propra lingvo. Se oni rakontas al europanoj, ke araboj > distingas inter virio kaj virino en la duapersonaj pronomoj, kutime la reago > estas: Ahh! Mi sciis, ke tiuj araboj estas sovaghuloj, kiuj mistraktas > virinojn! Se oni diras, ke la samon faras ankau' la hebrea, tiam la respondo > estas gapanta miro: kiel tio povas esti? La israelanoj ja apartenas al la > okcidento! > > Kaj tiel plu
Do, mi nun falsigas vian universaligon, ĉar mi NE scias ke "tiuj araboj", "iuj araboj" aŭ "ĉiuj araboj" sovaĝulas, nek ke "la" israelanoj apartenas al la "okcidento". Fakte, mi ofte demandas, "Kio estas tiaj 'okcidentaj' ĵurnalistoj k.s. pri kiuj oni emas paroli sed neniam difinas?" Ĉu japana ĵurnalisto en Afriko "okcidentas"? Ĉu ajnua ĵurnalisto en Rusujo japanas? Ĉu fotografisto aŭ tradukisto en ĵurnala teamo ĵurnalistas? Ne nur mi: La mondo ozas je homoj kiuj dubigadas, kritikadas kaj eskapadas kategoriojn. La oftaj debatoj inter la revularo pri signifoj kaj tradukoj atestas ilian volon kaj povon kompreni aliĉies kategoriojn. Krome, esploroj pri la difektoj de la homa rezonado (ekzemple tiuj de Tversky kaj Kahneman) neniam trovas (laŭ mia lego) ke neniu povas ĝuste rezoni. Ecoj de la lingva problem-esprimo povas influi la onon de misrezonado, sed ne pliigas tiun onon al 100%. Simile pri esploroj (ekzemple de E. Loftus) pri efikoj al memoroj kaj esploroj (ekzemple de Sudman kaj Tanur) pri efikoj al enket-respondoj.
