Saluton, Luiz, kaj gratulon pro la iniciato aperigi la vortareton pere de Pentuvio!
Kompare al miaj samklasanoj, mi pli rapide enpasxis en la lingvon pro la gxiscxifa uzado de mia PV, pli ol E-portugala vortaro. Mi do subtenas la enkondukon de tia vortaro kun simpligitaj difinoj en Esperanto mem, kiel eble plej frue. Rimarkigoj: - sur la mondmapo indus aperi ankaux la nomoj 5) Oceanio kaj 6) Antarkto - sxajnas al mi, ke se lauxdifine "oceano" estas "la *tuto* de sala akvo" kaj "Atlantiko" estas "parto de la oceano, kiu trovigxas inter Euxropo, Ameriko kaj Afriko", oni ne povas paroli pri "Oceano Atlantiko", sed "Atlantika Oceano" aux des pli bone, simple "Atlantiko". La aperanta "Oceano Atlantiko" estus pauxsajxo de iuj naciaj lingvoj, i.a. la nia gepatra, la portugala. - cxu tiuj krisignoj sur la kovrilo estas necesaj? Ili tauxgas por afisxoj kaj reklamoj, laux mia gusto. La kovrilo estas tre interesa, sed povus esti pli sobra, malpli histeria sen la krisignoj... ;-) Pri la bildo de bananoj: mi samopinias, ke nigra makulego, tia kia gxi estas, sxajnas stranga. Oni konsciu tamen, ke nigraj makuletoj sur banano ne nepre signifas malfresxecon cxar ili kutime estas nur suprajxaj en la sxelo, kaj okazas pro naturaj frotoj inter ili mem en grapolo, pro pluvo ktp. http://pt.wikipedia.org/wiki/Imagem:Banana.arp.750pix.jpg Se vi ne konas tion, probable oni rikoltas ilin verdaj por maturigo nur kiam ili atingas vian landon. Amike, =james=
