: Re: [R@ntau-Net] RE: gn pasaman - gn Ophir; GUNUNG LEDANG
36998 From: Muhammad Dafiq Saib [EMAIL PROTECTED] Date: Sat Feb 12, 2005 3:03am Subject: Re: [EMAIL PROTECTED] RE: gn pasaman - gn Ophir; GUNUNG LEDANG Assalamu'alaikum wr.wb., Manolah nyiak Sunguik sarato karapatan Palanta nan adang adok, Sangaiklah takajuik ratu Bilqis katiko mancaliak singgasanatu alah ado diistana nabi Sulaiman. Katiko baliau dipasilakan masuak ka istanatu, nan lantaino dari kaco, baliau manyangko itu aia, baliau angkek kain baliau sampai nampak batih baliau. ... Baitulah labiah kurang caritono nan bisa awak baco di surek an Naml (surek 27) ayat 20 sampai ayat 44. Ooh mantun mah asa carito no yo Angku Lembang. Patuiklah mintuo ambo tacangak-cangak mangucap-ngucap mambaco astagfirullah, subhanallah, sambia mandoa kabasaran Allah, mangecekan Saroman Lantai Istana Nabi Sulaiman... dalam Caro Jawa nan ambo indak mangarati. Sasudah ditarjumahkan dek induak bareh ambo, baru tabasuik galak ambo. Caritono mantun. Wakatu tu Kapa Pasiar (Cruiser) Ocean Pearl nan ambo tumpangi balabuah di Semarang (awal Januari 1991). Ambo kabatulan batugeh sabagai lecturer maagiah kuliah dalam Kapa Pasiar tu. Palayaran kami 2 minggu kuliliang singgah tamasya tiok daerah palabuahan dari Bangkok, Singapura, Penang, Phuket, Sabang, Sibolga, Nias, Padang, Jakarta, Semarang, Bali (balabuah di Padang Bae), baliak ka Singapura. Wakatu balabuah di Semarang tu ado agak 15 urang nan buliah naik kapa tu sabagai tamu pribadi ambo. Mareka adolah keluarga mintuo ambo dari Banjarnegara dan Semarang. Ambo agiah tour tamu-tamu keluarga ko di dalam kapa. Maklumlah kasampatan sakali saumua hiduik tu bagi mareka, tantu tacangang-cangang mancaliak kapa mewah nan modern tu, langkok jo sagalo paragat saroman hotel gadang. Rupono mancaliak lantai kolam ranang (swimming pool nan rancak tu bawarno kulabu-kulabuan) tu jaleh dek aia barasiah dari ateh sinanlah mintuo ambo Urang Kauman (Santri) tu takana lantai Istana Nabi Sulaiman jo batih Ratu Bilqis tu barangkali. Sudah itu pakaro namo-namo gunuang, nyiak. Namoko iyo amuah saroman-saroman. Misalno di awak ado gunuang Marapi, di Tapanuli ado pulo Sorik Marapi, di Jawa Tangah ado pulo gunuang Marapi. Padohal gunuangno jaleh indak samo doh. Bana tu Angku Lembang. Gunuang-gunuang nan tasabuik tu lah ambo silau lo du. Ka Gunuang Sorik Marapi tu ambo lah sampai lalok di Huta Tinggi satu kampuang dakek kapundan di puncaknyo. Tahun 1958 (September ambo manjalajahno dan lalok istirahat di sinan). Di Gunuang Marapi nan di Awak, dangau ambo taandok di suatu lakuak (nan kami namokan Lakuak Pisang) kiro-kiro saparampek dari puncak, di sabalah Lurah Jabua diantaro lasi Jo Canduang. Di sinan Nyiak Sunguik batapa mangaji-ngaji salamo 8 bulan lamono, akhia tahun 1960 sampai Juli 1961, sempat marayokan Tahun Baru 1961 di pondok tu. Gunuang Marapi nan di Jawa, dakek Yogya jo Muntilan tu lai acok pulo ambo caliak dalam pajalanan dari Yogya ka rumah mintuo ambo di Banjarnegara, malalui daerah-daerah Gunuang Marapi, Merbabu, Sumbing, Sundoro. Jadi manuruik dugaan ambo, gunuang Ledang nan di Johor tu mungkin indak kasamo jo gunuang Ledang di nagari puti Gondoriah tu agakno doh. Tapi antahlo lah. Itu pulo dulu katambahno nyiak. Wassalamu'alaikum wr.wb., Lembang Alam Itulah nan ambo ambo tanyo dalam hati dan ambo jalehkan kasimpualan ambo. Di maa bana Gunuang Ledang nan dimukasuik dalam kaba Anggun nan Tongga tu. Karano Kaba tu bakisa di Tiku Pariaman, sadangkan indak ado nan tahu dimaa bana Gunuang Ledang di daerah Tiku Pariaman tu, hanyo Gunuang Pasaman tu lah gunuang nan tinggi nan mungkin tampak dari Tiku no. Mangko itulah kasimpulan ambo nan tatulih sabalunnyo (dikutip di bawah ko) nan dimukasuik Gunuang Ledang dalam Kaba Anggun na Tongga tu mungkin Gunuang Pasaman tu bana... 36957 From: Sjamsir Sjarif [EMAIL PROTECTED] Date: Thu Feb 10, 2005 5:40am Subject: Re: [EMAIL PROTECTED] RE: gn pasaman - gn Ophir; GUNUNG LEDANG Gunuang LEDANG. Nah kini lapeh pulolah carito Mak Ngah ka Gunuang Ledang, raso isi paruik nan lamo tasimmpan, mangecek-ngecek surang sajo antah ka sia ka batanyo. Kalau kito tiliak Kaba Nan Tongga si Magek Jabang jo Puti si Gondoriah nan carito usalinyo bakisa sakitar Tiku jo Pariaman, takabalah pulo nanmo Gunuang Ledang. Dalam Kaba ko tasabuiklah Gunuang Ledang adolah Gunuang Kiramaik tampek Ayah Si Gondoriah pai batapa. Pado akhia carito, dikabakan juo Nan Tongga jo Gondoriah sasudah pai bacari-carian, cari-mancari ka rimbo gadang mandaki ka Gunuang Ledang. Sudah tu mareka basuo kaduonyo tabang ka langik tabarito... Nah, nan Mak Ngah ingin tahu adolah dimaa bana Gunuang Ledang tu di daerah tampek carito Tiku jo Pariaman? Sapanjang pangalaman pajalanan Mak Ngah indak ado doh rasonyo Gunuang nan tinggi di daerah Tiku Pariaman tu. . Kaputusan Mak Ngah adolah nan disabuik Gunuang Ledang di Kaba Nan Tongga Magek Jabang tu adolah Gunuang Pasaman. Baiak Gunuang Ledang nan di Pasaman awak ko maupun Gunuang Ledang nan di Nagari Johor tu,
Re: [R@ntau-Net] RE: gn pasaman - gn Ophir; GUNUNG LEDANG
Assalamu'alaikum wr.wb., Manolah nyiak Sunguik sarato karapatan Palanta nan adang adok, Namo Ophir untuak gunuang Pasaman itu kalau ambo indak salah danga katiko baraja ilimu bumi saisuak iyo diagiahan dek panaliti Jaruman nan sadang pai mancari-cari kok a nan kadapek diambiak dipasakitaran gunuang Pasaman tu. Diagiah baitu sajo namotu, sudah itu didalam laporan karajono disabuik-anlah gunung Ophir di koordinat sakian-sakian, sabalah kian Loeboek Sikaping ect.etc. Basuo di (salah surang urang pandai) awak laporan tu, mako sato pulolah awak manyabuik Ophir, muskipun indak populer sangaik. Kok ditanyoan ka urang di sabalik gunuang Pasaman tu namo gunuang tu yakin bana ambo indak ka banyak nan manyabuik namo Ophir doh. Ophir disiko iyo indak jaleh pulo dek ambo, antah dek kaisengan panaliti itu sajo, atau baliau bana nan banamo von Ophir, antahlah. tapi indak rasono ka basangkuik jo curito nabi Sulaiman nan manarimo ameh upeti tudoh. Sabab di Gunuang Ophir ko indak basuo ameh (paliang indak dalam jumlah nan amuah ditambang) doh. Nan nabi Sulaiman jo ratu Sheba bak kecek inyiak tu, di al Quran disabuikan namo baliau ratu Bilqis dari nagari Sabaak. Nabi Sulaiman mandapek laporan dari burung Hud-hud, nan bahaso disinan ado nagari nan diparentahi padusi, urang-urangno manyambah matoari, nagarino kayo. Mako bakirim sureklah nabi Sulaiman ka bakeh ratu Bilqis tu untuak maajak mamaluak agamo tauhid, manyambah kapado Allah nan esa. Disabuikan nan bahaso surek baliau tu diawali jo kalimaik 'bismillahirrahmaanirrahiim'. Basidanglah para pambasa di nagari ratu Bilqis, mintak sifaik ratu, aa nan ka rancak ka dibuek. Diutuihlah urang utusan maantaan cindro mato sabagai tawaran untuak badamai, sabab manuruik ratu Bilqis nan bijaksano tu, kalau awak baparang, adaik parang babunuah-bunuahan, mako anak nagari nan kamarasai. Tapi cindamatotu di tulak dek nabi Sulaiman nan jauah labiah kayo. Disuruah baliakkan barangtu jo ancaman baliau nan bahaso baliau ka manyarang nagari tu sarato mausia panduduakno. Ratu Bilqis nan manarimo kalah akhirno datang manamui nabi Sulaiman ka Palestina. Samantaro baliau masih diparjalanan, nabi Sulaiman mamarintahkan kapado tantara Jiin anak buah baliau untuak mamindahan singgasana ratu Bilqis dari nagari Sabaak ka Palestina. Jiin itu sanggup mangarajokanno dalam sakijok mato. Sangaiklah takajuik ratu Bilqis katiko mancaliak singgasanatu alah ado diistana nabi Sulaiman. Katiko baliau dipasilakan masuak ka istanatu, nan lantaino dari kaco, baliau manyangko itu aia, baliau angkek kain baliau sampai nampak batih baliau. Ratu Bilqis akhiano basarah diri kapado Allah jo parantaraan nabi Sulaiman, baliau mangecekkan,' Ya Tuhanku! Sesungguhnya aku menganiaya diriku sendiri dan aku berserah diri bersama Sulaiman kepada Allah rabb semesta alam'. Baitulah labiah kurang caritono nan bisa awak baco di surek an Naml (surek 27) ayat 20 sampai ayat 44. Sudah itu pakaro namo-namo gunuang, nyiak. Namoko iyo amuah saroman-saroman. Misalno di awak ado gunuang Marapi, di Tapanuli ado pulo Sorik Marapi, di Jawa Tangah ado pulo gunuang Marapi. Padohal gunuangno jaleh indak samo doh. Jadi manuruik dugaan ambo, gunuang Ledang nan di Johor tu mungkin indak kasamo jo gunuang Ledang di nagari puti Gondoriah tu agakno doh. Tapi antahlo lah. Itu pulo dulu katambahno nyiak. Wassalamu'alaikum wr.wb., Lembang Alam - Original Message - From: Sjamsir Sjarif [EMAIL PROTECTED] To: Lapau palanta@minang.rantaunet.org Cc: Biaro [EMAIL PROTECTED]; Slamet Rino [EMAIL PROTECTED]; abrar Yusuf [EMAIL PROTECTED]; R. D. Lukman [EMAIL PROTECTED]; boes Roestam [EMAIL PROTECTED]; Hayatun Nismah Rumzy [EMAIL PROTECTED]; Dutamardin [EMAIL PROTECTED] Sent: Thursday, February 10, 2005 11:12 AM Subject: Re: [EMAIL PROTECTED] RE: gn pasaman - gn Ophir; GUNUNG LEDANG Maa Rang Lapau nan Basamo, Kato OPHIR indak ado hubuangannyo jo Bahaso Bulando doh, baiak kapanjangan maupun kapendekan. Kato ophir atau ofir dan kadang-kadang tadanga sofir dengan sebutan nan agak sabunyi, asa katonyo adolah dari Bahaso Hibru (Hebrew), bahaso Urang Yahaudi. Kato ko diambiak referensinyo dari Kitab Taurat (Old Testament) nan mancaritokan suatu palabuahan suatu daerah jauah di nagari antah barantah wakatu Nabi Sulaiman. - Do you Yahoo!? Yahoo! Mail - Find what you need with new enhanced search. Learn more. Berhenti/mengganti konfigurasi keanggotaan anda, silahkan ke: http://rantaunet.org/palanta-setting Tata Tertib Palanta RantauNet: http://rantaunet.org/palanta-tatatertib
Re: [R@ntau-Net] RE: gn pasaman - gn Ophir; GUNUNG LEDANG
Maa Rang Lapau nan Basamo, Kato OPHIR indak ado hubuangannyo jo Bahaso Bulando doh, baiak kapanjangan maupun kapendekan. Kato ophir atau ofir dan kadang-kadang tadanga sofir dengan sebutan nan agak sabunyi, asa katonyo adolah dari Bahaso Hibru (Hebrew), bahaso Urang Yahaudi. Kato ko diambiak referensinyo dari Kitab Taurat (Old Testament) nan mancaritokan suatu palabuahan suatu daerah jauah di nagari antah barantah wakatu Nabi Sulaiman. Dikabakan Rajo Sulaiman manarimo muatan kapa sakali tigo tahun panuah barisi ameh, perak, kayu cendana, batu-batu parmato, gadiang gajah, karo, buruang merak. Dima bana tampeknyo Ophir itu indak ado urang nan tahu, masih takok-takok uwok sampai kini. Takok uwok nan agak dakek banyak urang mangiro latak Ophir tu di bagian selatan Jazirah Arabia di Nagari Yaman kini ko. Nagari tu tamusahua jo Ratu Rancaknyo banamo Ratu Shabah (Queen of Sheba) nan manuruik kabanyo Rajo Sulaiman ko kanai hati pulo ka Ratu ko. Antah nan maa nan kanai hati indak jealeh pulo di awak, batapuak indak sabalah tangan doh. Banyak tampek-tampek di dunia ko nan dianggap rancak nan disukoi urang dibari namo Ophir, apokoh itu babantuak nagari atau kota palabuah atau hotel, pasenggarahan, pakabunan, atau parusahaan. Di daerah kito sajo ado duo gunuang nan dinamokan Gunuang Ophir, ciek tipak di awak bana, nan Urang Awak manyabuiknyo Gunuang Pasaman. Ciek lai di Subarang Selat Malaka di Semenanjuang di Nagari Johor ado pulo Gunuang Ophir. Urang Malayu manamokannyuo Gunuang Ledang. Gunuang LEDANG. Nah kini lapeh pulolah carito Mak Ngah ka Gunuang Ledang, raso isi paruik nan lamo tasimmpan, mangecek-ngeck surang sajo antah ka sia ka batanyo. Kalau kito tiliak Kaba Nan Tongga si Magek Jabang jo Puti si Gondoriah nan carito usalinyo bakisa sakitar Tiku jo Pariaman, takabalah pulo nanmo Gunuang Ledang. Dalam Kaba ko tasabuiklah Gunang Ledang adolah Gunuang Kiramaik tampek Ayah Si Gondoriah pai batapa. Pado akhia carito, dikabakan juo Nan Tongga jo Gondoriah sasudah pai bacari-carian, cari-mancari ka rimbo gadang mandaki ka Gunuang Ledang. Sudah tu mareka basuo kaduonyo tabang ka langik tabarito... Nah, nan Mak Ngah ingin tahu adolah dimaa bana Gunuang Ledang tu di daerah tampek carito Tiko jo Pariaman? Sapanjang pangalaman pajalanan Mak Ngah indak ado doh rasonyo Gunuang nan tinggi di daerah Tiko Pariaman tu. Kapatang ko (Awal 2004) wakatu manjalajah dari Maninjau ka Padang, sangajo Mak Ngah maherak ka Tiku untuak mancaliak-caliak kalau-kalau memang ado gunuang nan agak tinggi di sinan. Sayangnyo, hari lah malam wakatu masuak daerah tu, karano sasudah barangkek dari Sarang Murai Kukuban, Maninjau, taruih manapi Danau, sumbayang Mugarik jo Isa di Musajik Muko-Muko. Agak ibo juo hati pai sumbayang ka Musajik tu. Tampeknyo sunyi, kalam, indak surang juo urang nan ado sinan. Makgah mandoa sajo walaupun bulu kuduak agak tagak-tagak saketek dalam kesunyian tu. Gunuang Ledang nan Mak ngah katahui dan alah dicaliak adolah Gunuang Ledang nan ado di suduik Bagian Utara Barat Nagari Johor nan babatasan jo Nagari Malaka. Gunuang tu pun indah dan dianggap kiramat dan terkenal jo Putri Gunung Ledang dengan peran-peran Rajo Malaka dan Hang Tuah. Kini 'Puteri Gunung Ledang' ko dijadikan filem (2004). Kaputusan Mak Ngah adolah nan disabuik Gunuang Ledang di Kaba Nan Tongga Magek Jabang tu adolah Gunuang Pasaman. Baiak Gunuang Ledang nan di Pasaman awak ko maupun Gunuang Ledang nan di Nagari Johor tu, samo-samo dinamokan dek Urang Barat manjadi Gunuang Ophir! Sakitulah dahulu, beko panjang mek kalua isi paruik Mak Ngah malalah-lalah ka kaba, tambo, sejarah, nan barek-barek nan kini sadang digarap dek para pemikir kito di Lapau. Taruihkanlah bakaba di Lapau. Dima takilik samo-samo kito uruik beko. Salam, Salam, -- Mak Ngah X___Sjamsir Sjarif Indonesian Translator, Interpreter, and Cultural Consultant 335 Gault St. #1, Santa Cruz, CA 95062, USA Email: [EMAIL PROTECTED] Tel. (831)-426-1333 Fax (831)426-8907 http://www.usindo.net/hambo Member of: ATA, American Translators Association http://www.atanet.org/ NCTA, Northern California Translators Association http://www.ncta.org/ IPA, Indonesian Professional Association http://www.ipanet.org/ === 36929 From: uda yoel [EMAIL PROTECTED] Date: Tue Feb 8, 2005 10:08am Subject: Re: [EMAIL PROTECTED] RE: gn pasaman - gn Ophir Kalo kato2 Onderafdeeling lupo (Ophir) di Pasaman tu dari zaman Penjajahan Belando, karena kata OPHIR kepanjangan dari bahaso belando dan daerah di bawah gunung pasaman dahulu juo manjadi Perkebunan sawit urang Balando dan pekerjanyo di bawo dari Jawa, Perkebunan iko nan disabuit Ophir Internal Virus Database is out-of-date. Checked by AVG Anti-Virus. Version: 7.0.300 / Virus Database: 265.8.5 - Release Date: 2/3/2005
