Melala rubia-rubia ibabo doni si kibul mecengke enda, tapi sitermor- morna kel kepeken pais, alias kancil nina kin cakap melayuna. Kerina rubia-rubia sideban jadi tokoh2enna. Mon-mon jelma pe la ketadingen ikut i tokohina. La saja ibas kalak karo turi-turin pais termor-mor, tapi pe ibas kerina suku2 sideban i kepulauan Indonesia ras bagepe Malaysia.
Ibas wari libur enda, tersungkun ukurku, kai nge ndia maka cerdik si Pais nina kerina turi2n e? Ban tempasna nge ndia? Ban liarna nge ndia? Adi erkiteken sorana mejile ningen, kuakap lang, sebab cora pincala mejile tapi labo pernah ia ikataken cerdik. Jadi kai nge ndia sebabna? Ningku ercakap sisada. Pais nge si cerdik ningen rusur, bengkala tokoh2enna nina ka deba. Tapi kenyataanna, bengkala ertambah-tambah buena, ijapa pe la mesera ndarami bengkala. Adi pais si cerdik ningen ndai manai lit teridah japa pe. Uga maka bage ndia? Nina ka ukurku tole nari Sada fenomena menarik, bage belangna kepulauan Indonesia, bage buena suku2na, persepsina kerna pais menam bali kerina. Mungkin e me sada tanda maka setuhuna kerina suku2 pulo perca labo ndoh2sa jonggarana, bali-bali per paisna, bali2 per motuna. Lang adi lit sada suku lah gia si tuhu2 cerdik, la cerdik pais ngenca, tentu enggo teridah gel2 nari sada daerah si maju i Indonesia. Enda lang, menam kerina daerahta ndauh bas jore nari. Lit kang min gunana sekali2in si orat2ken ka kerna per"Pais"en nateku ka tempa, gelah ula seriussa kel. Saja ula kita lupa, pais karo ras pais sideban lit sitek kel bedana. Pais karo lit per balagaisna. Eak uga nindu kam si cerdik, kutengah kam, cubam dage tuduhken cara pais petandaken bana. Cage turiken penggejapendu kerna per"Pais"en sigundari. Mejuah-juah
