Re: [UrangSunda] Tadi Peuting

[syam ridwan]

Kayungyun eta jimat si ua anu ngan hiji hijina ( bit ketah boa boa tos adian deui ), enya waktos pendak katingal budak teh lungguh tapi pami ditaros capetang pisan. Tayangan tivi kiwari anu kaleresan ditongton ku murangkalih panginten peryogi bimbingan orangtua (BO) sapertos tayangan opera gladiator kamari, boh istilahna atawa kostumna panginten kanggo murangkalih mah ngaraos asing, komo basa aya kaisar ngahaleuang lagu arjuna mencari cinta, sabada ditolak cintana, panginten jadi bahan patarosan oge, naha urang romawi bisa nyanyi lagu dewa ?   Kiwari seueur sinetron kanggo dewasa anu ngangkat carita anak anak anu sacara teu langsung ditongton oge ku budak dibawah umur lantaran jam tayangna kawilang sore keneh. Lamun teu aya bimbingan ti sepuhna panginten sok disalah artikeun, komo nitenan adegan sareng adegan anu seuseueurna pasea jeung pasea wae atawa silih jailan jeung papada batur sakolana. Biasana mun teu diarahkeun sok nurutan nu awonna tibatan nu saena./sr   ----- Original Message ----- From: MSasmita To: [EMAIL PROTECTED] Sent: Monday, May 10, 2004 6:41 PM Subject: [UrangSunda] Tadi Peuting Mun teu salah mah mimitina teh tabuh satengah dalapan peuting, di salah sahiji TV swasta aya acara Konser menuju Bintang, budak teh lalajo, eta mah mani giak, aya nu lucu saeutik ge ngabarakatak asa kaindit, sanggeus sababaraha lagu budak teh ngomong " Abah dijinkeun nongton dugi ka seep..?", kuring unggeuk bari ngomong.."Mangga, diijinkeun..", budak balik deui nongton jeung dulurna nu sakola SMU. Enya biasana mah budak teh ngedengna sok tabuh dalapanan, matakna menta ijin ge acarana kira kira bakal lekasan jam salapanan. Teu lila budak teh nanya ka kuring, harita kuring keur anteng maca Guriang Tujuh, buku basa Sunda kumpulan carpon pangarang wanoja wungkul, ceuk budak teh " Abah ari Gladiator teh naon..?", kuring panasaran naha budak bet nanya kitu, euh geuningan acara tv teh dijudulan Konser Menuju Bintang Opera Gladiator siaran langsung ti Semarang. Ceuk kuring Gladiator teh ahli perang jaman Romawi. Budak nanya deui ari Romawi teh di Semarang..?  MSasmita (budak teh umurna kakara 7 taun kelas hiji SD) Komunitas UrangSunda --> http://www.UrangSunda.or.id Yahoo! Groups Sponsor ADVERTISEMENT Yahoo! Groups Links To visit your group on the web, go to: http://groups.yahoo.com/group/urangsunda/   To unsubscribe from this group, send an email to: [EMAIL PROTECTED]   Your use of Yahoo! Groups is subject to the Yahoo! Terms of Service.