[UrangSunda] Kanggo Teh Djulia..!!

[MSasmita]

  Assalamualaikum Wr Wb.
   
  Saur 
  pun bojo, tadi aya Teh Djulia kadieu ngintun buku bari nuduhkeun 
  bungkusan nu ngagunduk, atuh memeh ucul ucul teh, da kakara jol ti 
  pagawean,  ngarawu heula bungkusan terus dbuka...euleuh enya we buku aya 
  sababaraha hiji. Kararandel.
  1. 
  Kehidupan Masyarakat Kanekes/Saleh Dana Sasmita, Anis 
  Djatisunda/1985.
  2. 
  Baduy Sasaka Domas/Suria Saputra/1950
  3. 
  Baduy Sasaka Domas/Suria Saputra/1950 (benten bahasanana)
  4. 
  Tjarita Oerang Badoey/ Raden Djaja Perbata/1912.
  5. 
  Amanat Galunggung/Drs Atja, Saleh Danasasmita/.....
  6. 
  Ratu pakuan/Drs Atja/....
  Teh 
  Djulia hatur nuhun pisan, hanjakal urang teu tepang, saur pun bojo teh da teu 
  lami mani purat perot pisan.
  Kanggo sim kuring mah dikintun buku eta teh asa 
  kagunturan madu, atuda milarian ti baheula mula teu mendak mendak, ari ieu 
  dikintun pisan. Sakali deui hatur nuhun.
  Teh..."kearifan lokal" model Baduy teh kalintang 
  pentingna diguar deui, kapungkur waktos urang ngobrol saurna Teteh tos rada 
  sering ngadeugdeug ka Baduy, pamugi we tos mendak anu dipilari tangtos 
  dina raraga panalungtikan.
  Nitenan kaayaan kahirupan dina jaman kiwari anu 
  kacida matak hareugeueunana, boa boa urang sadayana kedah "guguru" deui ka 
  kearifan lokal model kitu, ka kearifan Sunda.
  Buku 
  buku teh teu acan dibaca, nembe dibukaan wungkul, aya hiji anu nuju di 
  panteng dibaca mung nembe kenging sababaraha lambar, sanaos kitu, geuning teu 
  acan sadayana kaguar rusiah Baduy teh, utamina mah Sasaka 
  Domas-na.
  Eta 
  geuning sok sanaos kungsi aya bangsa Walanda dina taun 1800an nu kaidinan 
  ngadeudeug ka Sasaka Domas tapi geuning teu kabujengeun nyerat kumargi 
  kabujeng pupus.
  Teh..saur sim kuring mah keun we eta rusiah teh ulah 
  dibuka, bilih ilang dangiang.
  Eh 
  muhun nya dupi Teteh nu nuju narjamahkeun sajak Sunda kana Basa 
  Inggris tea, sok pendak..?, upami pendak punten pangnaroskeun buku (basa 
  Inggris) "Tembang Sunda/Win Van Zanten", buku eta teh rada dipusti pusti margi 
  sesah deui milarianana. 
  Tos 
  heula ah..Insya Alloh kapayun disambung deui..!
  Wassalamualaikum Wr Wb
   
  MSasmita
   
   
   
   
   


Komunitas UrangSunda --> http://www.UrangSunda.or.id









Yahoo! Groups Sponsor


  ADVERTISEMENT 












Yahoo! Groups Links

To visit your group on the web, go to:http://groups.yahoo.com/group/urangsunda/ 
To unsubscribe from this group, send an email to:[EMAIL PROTECTED] 
Your use of Yahoo! Groups is subject to the Yahoo! Terms of Service.