Baraya,
Urang meujeuhna reueus ku prestasi dulur urang, indung peuting tea, Teh Tien alias Ibu Tien Kartina, SPd., anu linggih di Surabaya. Anjeunna anu ngawulang fisika di SMUN 16 Surabaya parantos ngengingkeun juara kahiji lomba inovasi metode pembelajaran dina raraga marebutkeun "Hibah Peningkatan Kualitas Pembelajaran Matematika dan IPA Tingkat Nasional untuk Guru SMA Tahun 2004" anu diayakeun ku Universitas Surabaya (Ubaya). Indung peuting teh sanes bae ngengingkeun eta hibah, oge janten juara kahijina dina eta pasanggiri. Anu dipidamel ku Teh Tien teh hiji alat pikeun "pembelajaran" fisika, khususna ngeunaan gaya berat jeung cara ngamanfaatkeunana keur kahirupan sapopoe. Aya dua alat anu dipidamel ku Teh Tien teh, malah alat anu kahiji mah nganggo sinar laser sagala. Kulantaran ieu alat teh nyoko kana pentingna eksperimen, otomatis pembelajaranana oge ngalangkungan eksperimen. Kukituna, Teh Tien teh parantos kreatif nyiptakeun alat anu nambihan gampil ka para siswa dina raraga mahamkeun elmu fisika, khususna bab ngeunaan gaya berat. "Ari teteh mah inovasi pembelajaran lewat inovasi alat, janten otomatis upami aya alatna, metoda pembelajaran nana oge janten robih tina ceramah/diskusi janten metoda eksperimen...Kanggo fisika mah teu aya deui motode anu sae sajabi ti eksperimen, nya alat tea kedah di ciptakan....kitu kang...Anu sanes anu ngiring lomba-manAR), teu tiasa menciptakan alat tapi, mengubah pola ngajar...anu biasa janten anu teu biasa..", kitu kasauran Teh Tien waktos ku si kuring diwawancara via chatting. Warta ngeunaan Teh Tien anu ngengingkeun prize kahiji dina lomba fisika-Ubaya ngajengjreng dina harian Republika, 12 februari 2005, kaca 6. Dina koran KALAM anu sumebar di wewengkon Jatim aya diwartakeun oge ngeunaan Indung Peuting Kusnet anu jadi jawara lomba fisika ieu. Teu sangki nya Teh, tina ancrub di milist, urang patepang, teras kungsi ka Panaruban sasarengan ningali konsep alat misahkeun runtah anu migunakeun teori gaya berat, Teteh kailhaman midamel alat keur diajar fisika para siswa. Pamugi ririungan di ieu milist tiasa teras ngocorkeun manfaat ka sadaya anggotana. Amin. Baktos, manAR ------------------------ Yahoo! Groups Sponsor --------------------~--> Give the gift of life to a sick child. Support St. Jude Children's Research Hospital's 'Thanks & Giving.' http://us.click.yahoo.com/lGEjbB/6WnJAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
