[Urang Sunda] Oman oooh Oman....

[Yosep Hania]

Budaya ? aduh raraosan mah..teu cocok abdi nyarioskeun anu kitu….teu biasa abdi mah… Tapi urang cobian di pedar atanapi di korek sakeudik kaayaan di tempat anu ku abdi di tincak ayeuna, KIEU GEURA : (Punten bilih aya anu langkung apal, nyuhunkeun di lereskeun).   Oman….teu benten teubih sareng nagara nagara Arab anu sanes, di dieu sagala sisi ekonomi, ti ngawitan tukang sasapu, gegeroh dugika tukang usaha di dominasi (naon sundana nya?) ku urang deungeun (pang-pangna mah India). Malahan mah tiasa di sebat urang India sareng rahayat Oman teeh seueuran urang Indiana. Upami di urang mah panginten Cina na…   Oman…nagarana pinuh ku gunung batu,saeutik lahan anu tiasa di jadiekun pamukiman, didieu wangunana nga gedean / ngajankungan kaluhur ti batan ngalebaran…jadi ti mimiti uyut dugika incu lolobana netep di eta hiji wangunan. Barudak Oman anu katingali ku abdi mah…amat sangat begitu mencitai kedua orang tua meraka (sok pang nyundakeun kunu tiasa). Maranehna wani bebeakan keur ngabelaan kolotna, teu aya anu wani ngalawan sigana teeh. Ceuk kolot hideung nya hideung, ceuk kolot koneng nya koneng. Nya panginten aya wau hiji-hijieun mah, mung teu kanyahoan wae ku abdi…   Sareng aya hiji aturan anu matak molohok, tapi ieu aturan henteu terlalu di patok (tiasa nego), sigana mun eta aturan berlaku di urang teu kabayang kumaha jadina nagara. Kieu , di dieu amun rek NIKAH, kudu sadia duit minimal 10.000 Real Oman (upami di rupiahkeun kurang leuwih 250 yuta an). Eta tehh keur mun ceuk kasar namah meuli wanoja. (bisa keur imahna, mobilna, perhiasana jrrd..) kusabab kitu teu saeutik lalaki oman anu teu bisa kulawarga (nikah tea), kusabab panghasilan anu teu nyukupan (jadi bujangan kolot mun di urang mah). Jadi di dieu mah…para ISTRI teeh kedah rela upami suami bade ngawayuh deui…teu saeutik sanajan geus aki aki (geus incuan antara 50-60 taun) , sanajan geus boga pamajikan 3 atawa 4, kusabab beunghar, maranehna (enya si aki) nikah deui jeung wanoja anu 25 taunan. Hebat teuu? Kumaha upami di urang??? Hehehe Hidup ngawayuh…sok saha anu bade yeuuuh…hehehe   Rahayat Oman, seuseurna ngalakonan kahirupan dina widang ngalaut / nalayan sareng dina usaha sopir. Kulantaran kitu, pamarentah Oman sasih December kamari ngaluarkeun peraturan kanggo posisi sopir eta. Anu eusina kieu : “Tidak boleh ada warga Negara lain yg mengendarai mobil bak terbuka / pick-up, treuk, beus ..pokona mah mobil anu gararede. Terkecuali mobil anu datang ti nagara sabeulah”. Tah dugika kituna nya pamarentah keur nyiptakeun lowongan pagawean keur rahayatna…kumaha ari di urang?   Oman…salah sahiji nagara Islam anu kuat, sigana upami teu lepat saratus persen urang Oman agamana Islam (punten upami lepat). Aranjeuna kacida ngewaeuna (atanapi kumaha nya nyebatna ) ka agama anu sanes (komo deui ka amerika mah). Tapi deui, aranjeuna ge sadar sa sadar-sadarna, yen di Oman teeh para pemegang bisnis seuseurna di gerakeun ku urang deungeun (urang Oman n amah mung janten sponsor wae upami dina hiji parusahaan teeh). Tapi di dieu mah karaos pisan saling ngahargaan sareng ngahormati di antawis muslim sareng anu non-muslim teeh. Eta teu leupas ti kuatna hukum anu aya di dieu. Janten teu aya wee anu hog-hag marebutkeun lauk, marebutkeun awewe, ngaributkeun soal agama, komo deui pembunuhan sareng perkosaan mah. Estuning adem ayem enggelenggem, tiis ceuli herang mata ceuk paripaosna mah. Kumahara ari di Urang ? gara gara lauk / kejo ribut, gara gara awewe, maehan batur (saingana), muslim sareng non muslim pasea, kitu deui muslim sareng muslim hog hag…(punten ahhh sakali deui).   Atos ah capek ngacaprukna….punten ieu mah punten, sanes abdi bade ngabandingkeun kaayaan di dieu sareng di nagara urang, ieu mah anu saena nya keur pi eunteungeun urang anu awon na nya kanggo pelajaran. Da boh kitu boh kieu ge abdi tetep urang Indo sanajan ngarasa kuciwa ku kaayaan ayeuna di urang. Sakali deui punten, ieu mah ngan ngacapruk….kusabab teu aya padamelan…ngantosan di uihkeun ka lembur matuh banjar karang pamidangan…heheheheehe Kulantaran kitu urang tutup wae lawang si gotaka…jrek-jrek-nooooonnngg….TAMAT   CAG ah…     -----Original Message----- From: urangsunda@yahoogroups.com [mailto:[EMAIL PROTECTED] On Behalf Of indung peuting Sent: Sunday, January 15, 2006 10:37 AM To: urangsunda@yahoogroups.com Subject: RE: [Urang Sunda] Budaya batur anu bisa diconto ku urang..??   Muhunnya kang Yosep, bilih aya anu nyiwit, ulah nyarioskeun nyandung, tapi pek wae ari hayang mah.....he he. Sok urang nyarioskeun, budaya waenya...Cing di oman, budaya anu perlu di conto ku urang eta naon .? Cing ah. pedar...?   ipeut (urang nyonto budaya batur seperti jepang, budaya kerja efektif, atanapi managemen berbasis kinerja)   Komunitas Urang Sunda --> http://www.Urang-Sunda.or.id SPONSORED LINKS Corporate culture Business culture of china Organizational culture Organizational culture change Jewish culture YAHOO! GROUPS LINKS  Visit your group "urangsunda" on the web.    To unsubscribe from this group, send an email to:  [EMAIL PROTECTED]    Your use of Yahoo! Groups is subject to the Yahoo! Terms of Service.