Kahatur kang Yudi jeung kang Yani
Punten, kang, ari kamus Sunda-Perancis engke heulaanan he..he..he...ieumah mangrupa proyek nu bade lumangsung mangtaun-taun dugi ka mangsa pangsiun kuring. Kedah sabar sateuacanna diwedalkeun nya? Kunaon hiji kamus Sunda-Perancis? Numawi teu acan aya kamus sapertos kitu, basa diperyogikeun ku kuring janten mutuskeun medalkeunana. Ari kasaruaan antara basa Sunda jeung basa Perancis teh benten pisan langkung benten tinanding eujeung Perancis/Inggris atawa Indonesia/Sunda. Tapi duanana, Sunda jeung Perancis, mangrupa basa nu harese dikawasakeun. Puguh wae, kuring tos nguningakeun karya-karya Pa Mikihiro Moriyama, salah sahiji ahli linguistik nu manggung jadi mani sohor di widang elmu basa; abdi teh mung saurang lumrah nu beuki kana basa Sunda wungkul, hanjakal atuh kuring sanes sakaliberna..he..he..he.. Kuring isin pisan kulantaran curekna dilalaworakeun ku kuring sanaos sakedahna malire : contona aya bentenna antawis "keplek" (gelo), "keplék" (kaulinan) jeung "képlék" (ngéplék leungeun). Ari jumlah kecap dina database teh kieu : unggal kali pesen di milis diaos ku kuring, unggal kali hiji buku diaos, unggal kali ngomong sareng garwa kuring, upami maos atawa ngadangu kecap nu anyar, eta kecap dipilarian heula dina kamus kangge ngimpleng hartosna teras ditambih dina databasa sareng tarjamahan jeung konteksna (kalimah-kalimah sabudeureun). Eta sababna nepi ka dieu ngandung langkung tina sapuluh rebu kecap. Enya, leres, kuring seja ngadadarkeun tugas ieu (kamus) ka masalah narjamahkeun kana basa Perancis (disebutkeun Traité de stylistique dina basa Perancis)...tapi saatosna kamus geus rengse wae..he..he..he...upami abdi masih keneh hirup. Ari cara kumaha ditambih dina database : aya entri kangge unggal kecap turunan sanes mung kecap dasar wungkul(contona : aya entri kangge kadaharan, padaharan, pangdaharan sanes mung dahar wae). Kulantaran sasaruanana dina basa Perancis dibebenah sapertos kitu (kecap turunan). Leres seueur ahli linguistik teh, mangsa abad ka-18 ka-19, urang Perancis kawas Saussure, Benvéniste, Vandryes, Marouzeau jsb, beken pisan terutamina dina widang filologi. Bapa Labrouse, ahli basa di wewengkon Asia Tenggara, pangaran kamus Indonesia-Perancis pangsaena teh, saurang Perancis oge. Ku kituna, naon sababna urang deugeun katarik diajar basa Sunda? Ari pangiten kuring, kulantaran basa Sunda mangrupa panangtang nu panghesena. Saha wae tiasa diajar basa Inggris teterehan tapi meryogikeun sabaraha lami kangge ngawasakeun basa Sunda? mangtaun-taun komo kedah toh tohan. Teras kaayaan basa Sunda di beulah sosiologi teh aheng : dipisah antawis basa Wetan jeung basa Kulon, dipisah antawis basa alus di Sumedang jeung basa kasar di Banten, diangge dina dunya moderen tapi sareng aturan tatakrama nu kolot, diangge ku tilu puluh juta pamuduk tapi teu gaduh koran nu penting, diancam ku basa nasional (Indonesia) jeung basa internasional (Inggris). Ieumah mangrupa panangtang nu mani geugeut ka kuring kawas ka saban pangguna basa luar biasa eta. Baktos, Kang Denis ----- Original Message ----- From: MRachmat Rawyani To: [email protected] Sent: Thursday, March 02, 2006 9:53 PM Subject: Re: [Urang Sunda] Re: Naros hartos -kang Denis Kuring jadi inget obrolan jeung kang Mumu (pananggung jawab kagiatan SIMPAY) sawatara katukang. Soal bangsa deungeun anu soson-soson ngulik perkara basa Sunda, nepi ka aya anu nalungtik perkara hurup basa Sunda "e" anu aya curek di luhur jeung "e" anu teu aya curek di luhurna. Terus ngabandingkeun sora/ vokal urang Sunda jeung vokal urang Jawa jeung urang Sulawesi.Nyata katingali kabeungharan kosakata basa Sunda teh geuning. Terus pananya anu leuwih jero deui teh, jang naon maranehana neuleuman basa Sunda nepi ka jero siga kitu? Naon nangpaatna pikeun maranehanan? Ayeuna wae tos katingali, ahli basa Sunda sakaliber Mikihiro Moriyama geus "mendunia". Sigana maranehanana (bangsa deungeun) kalebet didieu kang Denis Rivard, tos mikir jauh ka hareup, basa sunda teh hiji potensi anu kaya pisan pikeun kamekaran pengaweruh basa dunya. Terus kuring jadi inget ka Mongin-Ferdinand de Saussure (1857-1913), urang Prancis kalahiran Jenewa, anu tadina nalungtik perkara basa Sansekerta, ahirna jadi"perintis" anu ngaluarkeun teori 'strukturalisme jeung linguistik modern', anu jadi acuan pikeun para ahli basa (linguistik) sadunya. Saha anu terang, boa-boa ku ayana bangsa deungeun nalungtik basa Sunda, engke bakal kaluar teori linguistik keur basa-basa di wewengkon Asia Tenggara. Tapi ras inget ka Urang Sunda sorangan. Utamana di milis ieu, rame madungdengkeun basa kasar, basa lemes, basa warisan jajahan basa Jawa. Piceun basa nu teu mangpaat. Naha eta "pendapat" teh geus "dibeuweung diutahkeun"? Geuning bangsa deungeun mah ningali basa Sunda teh basa anu beunghar kosakatana? Ku naon atuh bisa kitu? Sigana wae aya pamikiran anu kaliru di kalangan Urang Sunda, nepi ngahasilkeun hiji kacindekan, basa jeung budaya Sunda teu perlu "dipelajari" soson-soson, teu boga pangaruh kana kahirupan jeung kajembaran anu makena, da udaganana ngan kana widang ekonomi wae. --- mj <[EMAIL PROTECTED]> wrote: > > heuheu. ampun paralun kang, sanes ka dinya maksad > seratan sim kuring teh. > mung mupuas ka urang sunda sorangan nu paroho deui > basa sunda. hehe. > > tangtos we ari sikep sim kuring ka kang Denis mah > reueus nu aya. margi > sanaos dengeun2, tos kersa diajar basa Sunda. urang > dieu diajar basa > Inggris Perancis Jerman teu aneh, tapi mun batur > diajar basa Sunda rada > aneh, margi kabisaaan di urang, nu diajar basa teh > dipatalikeun sareng > kapentingan ekonomi, sakola atanapi padamelan. > > sim kuring oge ngaraos reueus ka Mikihiro Moriyama, > nu desertasina di > Leiden perkawis budaya cetak kesastraan Sunda abad > 19. ngulik sajarah basa > Sunda, tos tiasa ngengingkeun gelar Doktor. Bukuna, > Semangat Baru, > Kolonialisme, Budaya Cetak dan Kesastraan Sunda Abad > ke 19, baris dibedah > di pangulinan sim kuring, Rebo 5 April 2006. > > tah kang Denis oge diantos karyana perkawis basa > Sunda atanapi budaya > Sunda sanesna. > > baktos ti bdg > mj __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com Komunitas Urang Sunda --> http://www.Urang-Sunda.or.id SPONSORED LINKS Corporate culture Business culture of china Organizational culture Organizational culture change Jewish culture ------------------------------------------------------------------------------ YAHOO! GROUPS LINKS a.. Visit your group "urangsunda" on the web. b.. To unsubscribe from this group, send an email to: [EMAIL PROTECTED] c.. Your use of Yahoo! Groups is subject to the Yahoo! Terms of Service. ------------------------------------------------------------------------------ [Non-text portions of this message have been removed] Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
