Geus paheut dina hate poe minggu nek ngajorag ka langsat. Cunduk ka dawuh jam 9 isuk biur indit numpak "sikukut" padahal harita teh can sakerejet kerejet acan sare ( kade ulah nyangka tas lalajo wayang kulit) atuh kapaksa sajeroning ngagelang gas teh panon ditugeng heula ku busi urut. Nepi ka parapatan coca cola kalalar simontok ngaliwat, jorojoy hayang ngasaan deui numpakan, atuh teu loba pikir deui seot sikukut dipengkolkeun kasisi cena cirekem dilapang parkir itc. Enyaan geuning ngeunah numpak simontok teh sanajan unggal usik baceo nyebut "next stop - next stop" tapi sorana halimpu, teu apal iraha gantina da baheula mah keur anyaran nyebutna teh "next destination"
Nepi ka monas, najan asa beurat hate simontok kapaksa "ditalak tilu" saterusna gapruk ka simontok kelir beureum jurusan blok m. Nepi ka blok m disambung ku metro mini no 74. Enyaan rada ngarumas anyeucleu dijero metro mini mah, teu kawas tadi basa keur dikeukeupan ku simontok estu dingin dingin empuk, di 74 mah karasa pisan hareudang bayeungyang. Mun di ibaratkeun mah samemeh naek metro asa ngeukeupan dian sastro atuh ari keur dina metro asa ngagalentoran tata dado. ( anggeeerrr) Abong mayar ongkosna dileuwihan, teu pira dileuwihan saratus perak, eta ge lain dibikeun ka kenek tapi ka pangamen, atuh turuna ge dileuwihan jadi labas ka taman puring, kira kira kurang leuwih satengah kiloan ti jalan langsat. Geus turun langsung we tunyu tanya, "Langsat dimana?" - "Langsat dimana?" nu ditanya kaparengan jawabanana teh sarua "sayah orang baru disinih!" Beu abong di jakarta,jauh mela melu pisan jeung dilembur. Najan kitu, teu eleh geleng, sugan kudu ditambahan nanyana,cekeng teh. Atuh pok nanya deui ka tukang roko "Kang ari kuning langsat palih mana?" Ari jawabna teh kieu "Kuning langsat? Nembe pisan ngalangkung!" Hatur nuhun ka teh imas anu tos ngangken, sareng susuguhna mani murudul kitu, "Apapun makananya minum nya es kopyor" t e-o-pe dah ! Kanu tos tepang kum we teu diwiji wiji salam kasadaya. syam ridwan paranas daun ceuli euy, boa diwarung keur aya nu ngadagoan he he gr ----- Original Message ----- From: "ndoell" <[EMAIL PROTECTED]> To: <[email protected]> Sent: Monday, September 04, 2006 1:39 PM Subject: [Urang Sunda] Dongeng Kopdar Langsat : 3 Sept 2006 Assalamualaikum Warohmatullohi Wabarokatuh.. Baraya Kusnet sadaya, Acara Kopdar anu diayakeun dina dinten minggu, ping 3 September 2006 di bumina Téh Imas, Jl. Langsat - Mayéstik, Keb.Baru Jakarta Alhamdulillah parantos kalaksana kalayan teu aya rintangan naon-naon. Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
