sasakala PNS di urang mah, beda jeung dibatur. dongengna mimiti ti jaman normal alias jaman walanda. basa hindia walanda geus dibikeun ku VOC ka karajaan walanda. cenah mah di negerina, pamarentah dikritik ku oposisi, yen geus ngarampok kakayaan alam indonesia tea. sangkan repeh eta oposisi, oge aya tujuan sejen-butuh pagawe lokal pikeun pagawean administrasi, nya nyieun sakola ku jurus pulitik balas budi tea.
terus we pamarentah kolonial walanda nyieun sakola. teu di unggal lembur. oge teu pikeun kum rahayat. masih khusus pikeun turunan atawa kulawarga menak. dalah THS harita atawa STOVIA, sakola kadokteran-nu ayeuna kadoketeran UI, menak wungkul nu bisa asup, ongkoh make basa panganteur basa walanda. tujuanana lokalna, nya ngadidik pribumi sangkan bisa ngeusi pagawean handap di kantor pamarentah kolonial walanda. ari SD, SMP mah basa panganteurna basa lokal/daerah. malah ku ayana pulitik balas budi ieu nu ngayakeun sakola, basa Sunda bisa kajait, ku walanda diresmikeun jadi basa panganteur di sakola SD (HIS tea meureun jaman walanda mah). cek implengan, ti harita sigana nu sakola jadi PNS teh dimimitian. kabeh nu lulus sakola harita, diangkat atawa jaradi pagawe negeri (pemerintah kolonial walanda). gajihna meureun pantes keneh jaman harita mah. nepi ka kiwari, mental kolot masih nganteng ka eta mental warisan kolonial. masih loba keneh kolot nu hayang anakna (atawa manehna sorangan), jaradi pagawe negeri. padahal gajih PNS teh cenah, teu gede siga bumn atawa suwasta. tapi keukeuh harayang. sok aya beja kudu setor sakitu juta, pikeun nyogok nu ngurus di luar di jero. meureun geus katarima teh, kudu mikiran balik modal, break event point tea. heuheu. jaman Orde Baru, PNS dilobaan, cek cenah, ieu pulitik orde baru pikeun ngawetkeun golkar di kakuasaan. ari gajihna mah dileutikan we da enya, teu kabeh pakepuks. basa kerek lulus sakola di cap gadjah cindeten, aya nu nanya, teu ngalamar jadi pns? dijawab bari nyakakak, na siga jaman walanda bae? lulus sakola jadi pns. hehe mj http://geocities.com/mangjamal
