Rasionalisasi saperti kitu mah atuh cocok oge pikeun kuring Pa Dosen (hehehe rek nyebut Pa Dosen we ah ayeuna mah). Sarua kuring oge butuh eta poin-poin ti poin hiji nepi ka genep teh. Mun kitu mah. kuring oge rek menta dinaekeun gaji ah ka si Bos, sapuluh kali lipet, heuheuheu...
Eta kuring mah kurang ngarti jeung aturan gratifikasi KPK sakumaha ditulis ku Pa Dosen dihandap, yen dosen-dosen nu nyambi jadi konsultan misalna, disebut korupsi. Karunya teuing atuh dosen-dosen kuring di ITB, disebut koruptor oge meureun. Padahal, aranjeunna mah nyambi teh estu pikeun ngabantu "ngabiayaan" ITB oge. Da aya sistem pembagian pendapatanna... Teuing atuh ah lieur... Baktos, OTA *** Rek jadi dosen tapi teu tulus... Kang Maman, Kuring rek ngobrol make aturan aktual ayeuna. Ceuk kuring, geus waktuna gaji Dosen teh naek sapuluh kali lipet ti nu ayeuna. Rasionalisasina: 1. Kudu cukup keur nyicil imah Tipe 45/ 120 (minimal). Kunaon bet tipe 45? Argumena, tipe 36 teh cenah eta keur buruh (tinggali pamanggih ketua buruh dina koran). Ku naon bet 120 M, sabab meh imah eta bisa digedean. Saurang dosen kudu boga ruang pribadi (perpustakaan pribadi anu cukup keur bukuna, ngarefleksi, jeung nulis tur mariksa pagawean mahasiswa, jrrd). Rohangan eta paling hanteu kudu 30-40m2. 2. Saurang dosen oge kudu bisa ngalanggan media. Bisa koran langsung, atawa nginternet; 3. Kudu boga dana jang meuli buku anyar; 4. Kudu boga tabungan keur rekreasi. 5. Kudu bisa cukup dana keur nyakolakeun budakna. Keun bae dua oge, sabab teu payus mun budakna dosen atikana leuwih handap batan kolotna. 6. Kudu bisa cukup keur nyicil kendaraan (alusna mobil). [catetan: nomerisasi lain urutan prioritas--asal nulis bae). Tah, mun geus sakitu, langsung dijeun perjangjian yen saurang dosen moal nyambi ngajar kaditu kadieu Argumen lain; 1. Saurang PNS, ceuk KPK haram gawe di tempat lain, dina widang lain; 2. Mun saurang dosen jadi pembicara, atawa nulis di media, atawa narima pagawean laina--boh konsultan, atawa LSM--, terus menang bayaran tina aktivitasna, ceuk aturan gratifikasi KPK kaasup KORUPSI. Emut korupsi! Asli. Mangga parios! (janten, mun nganggo UU eta, sim kuring kaasup koruptor; punten. sabab mindeng nyambi janten panitia, ngadamel proposal bari dibayar) 3. PNS paling mungkin gawe sampingana teh, ngawarung (meureun). sakitu heula baktos tantan _,___
