> From: [EMAIL PROTECTED] > Lain euy, asa teu kabayangkeun ku kuring mah kumaha riweuhna ngatur > "peredaran" mangkeluk-mengkeluk nu aya di alam > ieu, boh bentang, > asteroid, meteoroid atawa planet jsb. Sakitu tartibna aya dina orbit > sewang-sewangan...
Kang Ono, kadang-kadang "mangkeluk" langit teh sok mawa karep sorangan. Kurang leuwih sapuluh taunn katukang, para astronom nyaksian hiji barang langit (hilap deui jenisna mah, mungkin meteorid) nu kacida gedena, nubruk Titan, bulanna planet Yupiter. Nu kaciri ti Bumi, Titan jadi robah warna sanggeus tubrukan eta, nu nunjukkeun aya kajadian hebat di Titan. Ceuk cenah mah, barang langit nubruk kamana wae teh, sabenerna mah kajadian biasa, ngan biasana nu sok tabrak-tubruk teh relatif leutik. Dunya unggal poe dibombardir ku batu lalaleutik ti luar angkasa. Ngan teu tepi kana taneuh, kaburu beak, kaduruk waktu asup atmosfeer bumi. Urang biasa nyebutna bentang ragrag ....atawa meteor. Tapi aya oge meteor nu teu beak kaduruk, nubruk bumi, nyesakeun batu meteorid. Kajadian ieu lamun teu salah mah, kacatet di Rusia samemeh Perang Dunya ka I. Aya teori, cenah mah punahna Dinosouarus raksasa teh kulantaran Dunya ditubruk meteor gede (tempatna di teluk Mexico), nepi ka ngarubah iklim dunya. Sang "dino" teu sanggup hirup ku robahna iklim nu ngadadak, nya pararaeh ....punah. Baktos, WALUYA
