Nembe dinten Saptu ieu dugi ka dinten Senen pere teh...
Heuheuheu... aya ku "terus rasa", punten sanes hilap atanapi dipopohokeun,
namung emutan teh bade ngawaler ti rororompok, ambeh jongjon sareng teu aya
anu ngadelekkan, namung teu ku hanteu, komputer anu dirorompok teh kaserang
panyawat amuradul, janten kamari ieu teh diopname dibengkel kenging 10
dinten, nembe
dinten Jumaah sonten kamari komputer teh walagrina.
Upami teu lepat mah, patarosan anu teu acan kawaler teh, perkawis "kaulinan
barudak".
Kaulinan barudak dikampung jaman harita, henteu tebih sareng alam, solokan,
wahangan,
sawah, kebon, huma, pasir, gunung, basisir eta sadaya medan/tempat pangulinan
barudak
kampung.
Kaulinan barudak (alit), waktos harita ;
Maen Panggal, Maen Muncang, Maen Kaleci, Gatrik (getok lele di Bogor mah),
Bebeletokan (bebedilan tina awi, pelorna, keretas dikeueuman cai teras
dibuleud-buleud, kembang jambu samarang/jambu aer, buah kanyere, buah lampeni
atah),
Papanahan (gondewa tina bebekan awi, tali gondewana rara/tambang alit tina
kulit tangkal waru atanapi sebetan gebog cau garing, teu aya tali rafia waktos
harita mah, paserna tina awi diseukeutan teras dipengkerna nganggo bulu hayam
dicapit, inceranana jantung cau, atanapi ngadamel tina gebog cau).
Maen gobag atanapi galah.
Kaulinan barudak rumaja ;
Sapertos anu parantos dipedar dina postingan tipayun, kayaning : ngala
buyutuk, nguseup, ngecrik, ngala suluh aya deui ;
Munay (ngala lauk) carana, dua lambar daun cau, congona disambungkeun, teras
palapahna dileyek supados leuleus, unggal tungtung dicepeng ku sajalmi, teras
dicandak
kawahangan anu caina deet, kirang langkung sabitis, teras anu nyepeng punday
maju ti
hilir ka girang, lauk anu kakepung biasana mubuy/mubus kana keusik, tos
dilebet kana keusik mah kantun nyair ku ayakan atanapi dirawu keusik tempat
mubuyna, laukna lauk
uncun saageung-ageung cingir.
Nguneur/ngala sayur pucuk tatangkalan, kayaning pucuk mareme, pucuk lampeni,
pucuk jambu monyet/mente.
Ngala supa, biasana dina ngawitan usum ngijih/hujan, sok seueur rupi-rupi
supa,
kayaning supa lember, supa amis sok jaranten dina tunggul atanapi catang kai,
supa suung, aya dua rupi suung, suung rampak biasana sok ngalayah aya belasan
tangkal
supa suung, teras suung bulan, langkung ageung ti suung rampak namung paling
seueur
3 dugi ka 5 tangkal.
Nyair, ngala lauk ku ayakan, laukna hurang beas, boboso sareng solear,
Nyirib, ngala lauk ku sirib (anyaman carang tina benang kanteh) carana ; dina
cai wahangan anu ngeyemeng (teu palid), terebkeun siribna teras alungan eupan
tina huut lemes, tos sababaraha menit nembe diangkat, laukna rupi-rupi, hurang
beas, tampele, beunteur, boboso, uncun, regis kadang-kadang lele sareng
bulan-bulan.
Gegere sapertos ngusep, mung bae kenur na pendek mung sajeungkal tina
tungtung
jeujeur, eupanna, cacing, hurang, peujit hayam, laukna ; boboso sareng
lubang (sidat)
carana saparantos useup dieupanan teras dilogokkeun kana liang disisi
wahangan,
liangna, tiasa dina cadas, batu, sela-sela akar tatangkalan.
Nawu (marak), biasana dina usum halodo, waktosna cai wahangan alit/solokan,
caina
sakedik, carana dina babantar hilireun sareng girangan cai anu rada ngaleuwi
dibendung,
tos kabendung tihilir sareng tigirang mah kantun ditawu cai anu ngaleuwina.
Ngala manuk biasana nganggo Pitapak kanggo manuk-manuk sapertos puyuh,
titiran,
tikukur sareng cangehgar, carana ngadamel pitapak (eurad) tina tali anu kiat,
teras
ditalikeun kana regang awi kanggo jeujeurna teras tancebkeun kana taneuh, tos
kitu ngadamel palang tina regang, saparantos tali di damel eurad dibuleudkeun
digolerkeun dina taneuh teras jeujeurna dicantelkeun kana palang regang, tos
kitu mah dina buleudan eurad kantun ngawuran bangsal, kantunkeun we, diawaskeun
ti katebihan, upami manuk tos nyampeurkeun, nyatuan eupan bangsal lami-lami
palang regangna katincak, upami katincak
jeujeurna sok nyentok cengkat, biasana suku manuk anu kaeurad.
Kanggo manuk-manuk sapertos piit, galatik, kerak, ekek sareng manuk-manuk
sanesna
anu sok nyayang dina gorowong kai nganggo Porogan carana ngadamel porogan
tina tali tangkal cau rupina mirip sareng kecrik munn pendek kirang langkung
sajeungkal, eta poog dilebetkeun kana liang sayang manuk, upami manuk lebet
kana sayang tangtos kaeurad ku porog.
Susumpit, ngala manuk ku sumpit.
Tos ahh.., sakitu wae heula..bilih baroseneun anu ngaosna.
Pihatur,
ssw
Reksa Gantra [EMAIL PROTECTED]
Pih, teu acan pere? Wawanohannana urang teraskeun.
Masih seueur nu bade ditaroskeun. Nu kamari ge masih
aya nu teu acan diwaler. Baktos, Pun Maman.
Recent Activity
23
New Members
Visit Your Group
SPONSORED LINKS
Culture change
Corporate culture
Cell culture
Organization culture
Tissue culture
Yahoo! for Good
Get Inspired to Give
Donate before the
end of the year.
Yahoo! Mail
Next gen email?
Try the all-new
Yahoo! Mail Beta.
Yahoo! Photos
Share Your Photos
via email & mobile
.
http://cikundul3.multiply.com
Tong nyaliksik naon nu bisa dicokot ti kiSunda
Tapi talungtik naon nu bisa dibikeun ka kiSunda
