Februari tanggal 18 taun 2006 Mang Ayat mulih kajati mulang ka asal. Asana mah kuring meunang sms ti Teh Ika, tah Ika ti Mang Jamal, mang jamal ti kang .. anu damel di majalah Cupumanik. Mang Ayat Pupusna di Sukabumi nuju berobat alternatif. Waktu di rawat di RS Cikini, poe jumaah (kuring masih inget sabab shalat jumat heula di salah sahiji kantor di jalan raden Saleh) kuring, kang Mumu (dosen FIB) jeung kang Kumincir, ngahaja ngalongok Mang Ayat. Ceuk istrina teh, mang Ayat tos teu betah di Rumah Sakit. Harita teh Mang Ayat ngomat-ngomatan supaya SIMPAY aktif ngayakeun diskusi anu aya pakaitna jeung Kasundaan. Ka Kuring Mang Ayat ngomat-ngomatan supaya menta bantuan ka Kang Acil (Bimbo) jeung Pa Sudradjat Nataatmadja (Bupati Bogor manten), supaya ngaramekeun kagiatan SIMPAY. Amanat mang Ayat ku kuring tos didugikeun ka Kang Acil via sms. Ari ka Pa Sudradjat, nepi ka ayeuna can ditepikeun, teu aya informasi dimana bumi anjeunna.
SIMPAY hiji ideu ti mang Ayat, sangkan di UI aya Program studi anu husus nalungtik perkara basa & Budaya Sunda. Taun 1960 an Fakultas Sastra UI (Ayeuna robah jadi Fakultas Ilmu Pengetahuan Budaya/FIB) ngabuka program Studi Sastra Sunda, tapi kusabab teu aya peminat jeung teu Provitable, ditutup. Ayeuna nu aya teh Program Studi Sastra Daerah/Sastra Jawa, anu nalungtik Budaya Jawa. SIMPAY the hiji jalan pikeun ngabeungkeut para dosen di UI ti sagala widang studi, anu aya minat nalungtik kana Kasundaan. Upama geus wancina direncanakeun rek muka program Sastra Sunda di FIB. Dua tahun katukang ieu SIMPAY ngayakeun diskusi bulanan. Wacana anu geus disawalakeun diantarana perkara prasasti Karajaan Sunda Heubeul (Tarumanagara), wangunan candi khas Sunda, kasenian debus, situs di Bogor, basa Sunda dibandingkeun jeung basa sejenna (ditepikeun ku Urang Jepang), pagelaran upacara seren taun, Ayip Rosidi jeung komitmen kasundaan, diskusi basa Sunda di Internet,jrrd. Kuring ditatarik ancrub ka SIMPAY, pedah wae ngundang Mang Ayat wawancara khusus jeung baraya KUSnet. di studio rekaman Broadcast Center (BC) FISIP UI. Harita Kang Tirta jeung Kang Ikmal diskusi mani pogot jeung Mang Ayat aya kana sajamna. Waktu KUSnet Jakarta ngayakeun acara kopi darat di Hotel Santika jakarta, mang Ayat oge jadi salah saurang nara sumberna (video rekamanana aya dimana nya?). Asana teh nepi ka ayeuna prestasi KUSnet Jakarta ngayakeun acara di Hotel Santika can bisa ditandingan deui yeuh. (kamana wae yeuh Kang Tirta jeung Teh Imas jeung kang Akos, tara ngulampreng ka milis KUSnet). Jaman harita mah, asana teh baraya KUSnet mani guyub pisan, lamun aya acara KUSnet mani gasik daratang. Pedah eta meureun baheula mah loba waktu pikeun nungkulan hiji acara. Balik ka soal mang Ayat. Bilih aya baraya KUSnet hoyong rekaman video Mang Ayat diwawancara ku Kang Tirta jeung kang Ikmal, daftar ka kuring, ke dipang ngopikeun. Perkara waragad mah, pasihkeun wae ka kencleng KUSnet. Baktos, mrachmatrawyani ____________________________________________________________________________________ Never miss an email again! Yahoo! Toolbar alerts you the instant new Mail arrives. http://tools.search.yahoo.com/toolbar/features/mail/
