Kahatur sadayana,
Peré panjang ieu dimangpaatkeun ku pribados kanggo maca file-file anu aya dina situs wéb milis ieu (www.urang-sunda.or.i) sareng ngalongok situs wéb LSS ITB (http://lssitb.f2o.or) dina raraga milarian referénsi kanggo ngalereskeun eusi situs wéb sim kuring (http://asephadiyana.tripod.co). Ti dua situs wéb éta pribados kénging warta ngeunaan aksara Sunda. Gambar aksara sunda ditangkodkeun dina email ieu. Pribados nembé terang yén urang Sunda gaduh aksara nyalira anu bénten tina aksara Jawa (hanacaraka) anu siga aksara urang Thailand da kapungkur waktos SMP diajarkeun ku guru basa Sunda téh aksara hanacaraka. Mung aya kapanasaran, naha aya buktosna kanggo aksara Sunda éta sapertos upamina waé aya prasasti anu ditulis nganggoa éta aksara. Pribados neda pitulung ka para wargi anu langkung uninga ngeunaan aksara Sunda éta; hatur nuhun sateuacanna. Pun Asép --------------------------------- 8:00? 8:25? 8:40? Find a flick in no time with theYahoo! Search movie showtime shortcut.
