Sim abdi salaku anu dina HBH nu bakal datang diamanah janten pupuhu, insya Allah HBH nu baris datang engke bakal disesuaikeun sareng kondisi oge kamampu ti pihak panata calagra mudah-mudahan aya perobihan atanapi paningkatan tinu atos-atos, perkawis usulan sangkan midamel agenda acara salami HBH engke insya Allah bakal diestokeun pisan. Pami teu aya pamengan dina ping 29 April (dinten minggu) di Bandung baris ngayakeun silaturahmi pikeun nyawalakeun hasil silaturahmi di Jakarta (dina ping 14 April) ngenaan tatahar pikeun HBH nu bakal datang engke boh dina susunan kapanitian atanapi nu laina. Mung perkawis kanggo tempat silaturahmi kanggo ping 29 April di Bandung teu acan aya katangtosan nu pasti margi sim abdi teu acan konfirmasi deui ka MJ sareng Ua Sas, insya Allah telatna dina minggon payun (dinten Senen) perkawis tempat tos aya katangtosan sareng bakal diwawarkeun di babakan (kusnet). Teu hilap ngahaturkeun nuhun ka baraya sadaya anu parantos usul sareng sumbang sarana kanggo HBH nu bakal datang, insya Allah sadaya usul atanapi sarana bakal janten pertimbangan kanggo panata calagra HBH pikeun ngalengkah, teu hilap oge ngahaturkeun nuhun ka baraya anu parantos nyanggeuman kasiapanana pikeun janten bagian tina panata calagra (panitia) HBH engke pikeun lumangsungna HBH kalayan sukses jeung lancar.
sakitu anu kapihatur, ageung lumur jembar pangampura ti sadayana.... nuhun. "kkbm'69" (pupuhu HBH 1428 H / 2007) -Insya Allah HBH ayeuna baris di ayakeun di tempat anu sakirana tiasa tur gampang kasaba ku baraya sadaya....
