hatur nuhun ki. jadi apal nu kumaha honje(combrang) nu kumaha hangasa. da salami ieu mah ukur apal ngaranna tina buku wungkul. da ari ngaraksuk ka leuweung mah tara ki. padahal sikuring mah urang leuweung asli. sahenteuna urut leuweung, leuweung haramay. tapi punten sanes orang utan ;D. lembur nu aya di tutugan gn balukbuk kaasupan caangna bohlam listrik karak taun 80-an akhir. telepon kring taun ayeuna. teu aya jalan aspal, nu aya ukur jalan batu dibanjur karet eta ge dibanjurna karak taun 2006 haha..
saacan telpon krang-kring mah asa rineh lamun mudik teh, teu aya gangguan. malah kungsi kajongjonan ninggalkeun kuliah nepi ka tilu bulan. babaturan nyuratan (da eta can aya telpon tea), cenah "ari dudi teh kamana wae, ieu aya nu sono. iraha ka bogor deui?" eta surat kapanggiheun ku si bapa, nya rada dicarekan da ngakuna mah masih liburan (nu lila-lila mah rada teu dipercaya nya diembohan cekeng teh "kuliah mah teu nungtut kahadiran". padahal mah ngajeblag kahadiran minimal 80% haha.. ) eh naha karah ngadongeng nya ki? punten sadayana dh punten bapa ema dudi mah baong On 4/26/07, Tatang Sariman <[EMAIL PROTECTED]> wrote:
Leres pisan, sapangalaman yeuh sok ngaraksuk ka leuweung sigahna ayi Dudi teh? Aya tambihan yeuh, di lebur aki Honje teh buah tangkal comrang, leres sarumpun sareng Hangasa. Buah honje manggaran(aya gagangan -/+ sameter jangkungna tina taneuh), dina samanggar aya kana 10-20 buah, honje eta ageungna sami sareng jempol sampean, naranceb dina manggarna. Rupina bareureum, rasana haseum, sok dianggo bumbu masak. Buah hangasa kaluar tina sela-sela tangkalna, dina taneuh, rupina hejo anu ngorana, pami tos asak rupi luarna coklat. bentukna lonjong sapertos kembang cau (jantung) aya lapis-lapis luar dugi ka lebetna. diantawis lapisan aya buahna mangrupi bungkusan aralit nyarelap/naranceb, di lebetna aya siki-siki anu amis pisan tur seungit. Sakitu pangalaman aki nuju alit kapungkur. ** ___
-- dh ~:ngadék sacékna, nilas saplasna:~ :.nu dipalar lain pamuji, panyepét nu dipénta!.: datiparang.blog.com . deha.wordpress.com
