JERING
Dini hiji mangsa aya sibule ngasaan hiji kadaharan di AMIGOS atawa Agak
Minggir dekat Got Sedikit atawa Warteg tea. Si Bule ngasaan semur jengkol
mimitina mah rada eraan naha basa diasaan teh ajib pisan rasa. Laju weh si bule
nanyakeun ka tukang warung teh dimana cenah kudu meulina, ku tukang warung di
bejaan di pasar.
Hiji mangsa si bule teh ka pasar, laju ditanya kutukang dagangna deuk meuli
naon, sabab lila jasa si bule teh kurulang kuriling di ieu lapak teh, laju weh
si bule ngajawab yen manehna deuk meuli hiji kadaharan tapi poho deui naon
ngaranna,teu sadar mereun si bule ieu kabelet hayang hitut, pretttttt sora
hitutna bari ka-ambeu kutukang dagang bauna bau jengkol, jeung si tukang dagang
antukna nyahoeun rehna si bule teh keur neangan jengkol.
Lamun ngomong jengkol atawa ati maung ningan lain urang wae nu
beuki teh, geuningan urang deungeun ge beuki.Tapi ari kitu mah jengkol teh geus
kakoncara kamana-kaman nepikeun si bule ge beuki kanu jengkol oge.Malahan mah
aya hiji wewengkon di bogor nu ngaranna Bojong Jengkol di Kecamatan Ciampea
Bogor, salian ti eta ge jengkol ge aya di Sineron nyatea Juragan Jengkol.
Jengkol atawa Jering teh mun ceuk basa ilmiahna mah
Pithcellobium jringa salah sahiji tutumbuhan has Asia Tenggara, jeung kaasup
bahan pangan, jengkol teh kaasup polong-polongan.Mun ningali klasifikasi
ilmiahna jengkol atawa jiringa teh kawas dihanda ieu
Kerajaan : Plantae
Fillum : Magnoliophyta
Kelas : Magnoliopsida
Ordo : Fabales
Familia : Fabaceae
Subsuku : Mimosoideae
Genus : Pithecellobiumi
Jengkol nu sakanyo kuurang kabehan bisa didahar seger keneh atawa
diolah saperti disemur tea jiga ati maung. Aya oge jengkol nu digoreng nepikan
ka rangu, laju dipurulukan uyah bari daharna di cocolkeun ka sambel, basa di
gegel teh karasa pisan ngeunahna jengkol teh.
Salian ti atah keneh jengkol ge kiwari geus bisa
didevelop(nginjeum istilah IT), saperti kurupuk jengkol, jeung kiripik
jenkol. Nu sakaingeut mah kurupuk jengkol ti baheula geus aya, bentukna teh
baruleud dijualna teh 500-an isina aya kanu 10 buledan bari dibungkus plastik
Salian ti kurupuk aya oge nu ngaranna kiripik jengkol. Ieu kadaangan teh
kawas emping nu asalna tinu tangkil teuing jigana deuk saingan jeung emping
tea. Carana ge teu jauh jeung nyieun emping digencek nepikeun ka gepeng, laju
dipoe sina garing jeung digeoreng dinu minyak anu panas.
Aya oge hiji jinis jengkol nu diaranana sepi, nyaeta ngarebus jengkol di hiji
larutan nu ngandung abu gosok. Ieu sepi teh bisa ge jengkol anu di
kecembahkan, nyaeta ngubur jengkol dinu taneuh jerona 10 cm laju disiram cai
tiap poe salila 2 minggu.
Tapi aya oge efek mun urang ngadahar jengkol teh, mereun geus teu bireuk
deui. Salah sahijina nyaeta bau nu matak kacida. Aya oge efek nu lian oge nu
diaranan asam jengkolat (jencolid acid), ieu nu ngapangaruhan ka ginjal. Sabab
ngaruh ka ginjal teh asam jengkolat teh ngeyeumbeu atawa hese larut di cai
antukna ngeyeumbeu di ginjal, jeung matak ngabentuk kristal padat. Tapi ieu
ge mun pH geutih urang netral asam jengkolat teh fine-fine sajah, nang mun pH
geutih urang kurang ti 7, kristal teh bakal aya.
Tapi sanajan kitu ge jengkol teh pernah jadi filosi dakwah nah Kang Haji
Rhoma Irama, manehna ngingeutan urang ka jengkol. Sabab can aya teknologi nu
bisa nyieun jengkol teh. Sok sanajan AS kaasup nagara kuasa nu maju ku pasawat
terbang, satelit jeung rudalna tapi can bisa nyiuen jengkol, jadi jelema tong
adigung sabab nyiuen bau jengkol ge can bisa (sumber PR).
Jengkol ge lambang persahabatan, kunaon kitu. Pernah aya nu nga SMS nu
eusina .. haap segera datang sebab pesta jengkol akan segera dimulai. Ieu SMS
ti babaturan nandakeun jengkol lambang pergaulan. Komo mun urang ngadahar
jengkol teh dibareungan ku sangu lieweut, goreng peda, goreng tempe, sambel
jeung lalab.Ditambahan deui ku cai anu haneut, teu kabayang nikmatna basa geus
dahar jengkol teh di surudut ku cai haneut bari haneut kuku sok komo sirah mah
kesangan jeung ci panon nyuruk , duh nikmat na Gusti.
Jadi jengkol teh hiji warisan ti kolot urang ka urang, kunaon disebut
warisan. Mereun ceuk kolot baheula mah mamatah ka urang teh dimana jeung iraha
bae andika tandang makalang ulah poho kanu purwadaksina sabab dinu kiwari
ngancik bihari seja ayeuna sampeureun jaga, atawa ceuk basa kiwari na mah tong
mopohokuen warisan kolot .
Apanan ceuk cenah ke riwayat kakayaan nu di bogaan ku nagara urang geus aya
label milikna jepang atawa sngapura kawas batik,angklung,tempe geus diaku-aku
ku si jepang,malaysia tea, piraku ayeuna jengkol kudu kapimilik ku maranehna
oge.
Cag ach
Yayan Mulyana
http://yayanm.wordpress.com
http://gocities.com/jajaka_subang
---------------------------------
Yahoo! Answers - Got a question? Someone out there knows the answer. Tryit now.
