Haturnuhun pisan Mang eh Kang* (bingung sakapeung mah, kedah nyebat naon?...) Oman, meuni munel pulunganeunana.
Nembe terang yen Sari Pohaci teh produksi Galuh ningan?* manawi teh wedak/pupur tiis (bedak dingin) produk jamu ti Yogya atanapi Solo. Pangaosna mirah, pami teu lepat mah mung Rp. 500,- sok mendakan teh di apotek atanapi di tukang rampe. Khasiatna sae pisan tiasa janten bodas kanu raray, hanjakal kiwari kawon ku produk2 sanes tina bahan kimia nu nuju mahabu nyaeta krim paragi ngabodasan raray (whitening). Emut ka pun bibi nu sok pirajeunan nganggo Sari Pohaci pami bade bobo meuni sok camakblak. Hasilna? Kulit rarayna sae, teu aya ewateun, komo karinyed sakedik-kedik acan, duka pedah geulis tidituna heheh* Saur Prof. Hembing mah wedak tiis teh langkung sae pami dicaianana ku Letah Buhaya atanapi ku Jeruk Mipis. Amin, mugi2 produk inovasi Kang Yaya mah tiasa langkung onjoy ti Sari Pohaci... sareng tiasa ngajantenkeun para wanoja Sunda langkung geulis herang & mencrang... :) Sateuacan terang mah, pami maos majalah Mangle di luhureunana sok aya kalimah Sukaning Indriya Gapuraning Rahayu, manawi teh mung papaes wungkul*sihoreng eta teh ngandung hartos*heuheu*. Sanaos seueur keneh nu teu ngartosna Candrasangkala & Suryasangkala, ayeunamah tos rada enyay-enyayan. Ana kitu mah abdi ge tiasa ngadamel titimangsa sapertos kitu, mung kedah tataros kanu ahlina. Sakali deui hatur nuhun pedaranana Mang Oman, diantos nu salajengna, baktos, Roro. >>> [EMAIL PROTECTED] 11/16/07 10:35AM >>> Neng Roro oge baraya sadaya, Mangga ieu sapulukaneun katerangan kana naon anu ditaroskeun: 1. Sari Pohaci Eta nami produk dagang kosmetika khas ti urang. Kapanggih jeung diusahakeun ku urang Ciamis, tina titinggal peperenian warisan budaya urang kapungkur. Kosmetika "Sari Pohaci" (lulur/wedak) kaasup jugala di jamanna. Eta wae, numutkeun almarhum Pa Maskanan (ngantunkeun taun 1999), tilas flight engineer pesawat pribadi Presiden RI kahiji, BK tea, istrina BK oge, Ibu Fatmawati, ngalanggan atawa biasa nganggo wedak Sari Pohaci.Patali sareng kalimah abdi ngarespon postingan kang Yaya, ngusahakeun inovasi-inovasi kang Yaya teh lir ibarat ngahudangkeun deui sumanget jeung ngudag prestasi industri sakumaha anu kahontal ku wedak Sari Pohaci. Malah kudu langkung onjoy. Manawi wae kaparengkeun. 2. Sun Rawayan Raksaning Gusti .....
