Kang John, hampura we kuring nga-akang-keun, da dina umur mah meh ampir mapakan ngan ukur beda 4 taun, kuring lahir tahun 1951, kang John taun 1947, jadi teu geseh teuing. Eta kataji ku foto jaman baheula, lamun aya keneh mah saena dikirmkeun deui kadieu ka Kusnet, ambih pada terang kumaha jaman baheula. Mun teu salah di KITLV teh loba pisan foto kaayaan jaman baheula di Tatar Sunda. Pangpangna kuring teh perelu pisan foto kaayaan walungan Cikapundung jaman baheula, hayang tulas tulis saeutik perkara Cikapundung, utamana kumaha disiplinna jaman harita samemeh taun 1945, maksud teh disiplinna masyarakat sabudeureunana, dina ngajaga ngariksa Cikapundung. Hayang ngabandingkeun jeung kaayaan jaman kiwari. Upami aya mah gambar/foto Cikapundung di nagri Walanda anu tiasa di-kunjal (download) hatur nuhun pisan.
M.Sasmita Nu kokolot begog. ----- Original Message ----- From: John van der Ploeg To: [email protected] Sent: Tuesday, November 20, 2007 12:43 AM Subject: Re: [Urang Sunda] Re: [Urang Sunda.dongeng keur leutik Hatur nuhun yi, anjeun tos wantun ngaos dongeng eh sanes dongeng pangalaman abdi nu sakapeung prihatin oge pikaserieun. Punten we nya abdi bade nganggo bahasa Sunda anu di anggo sadidinten te sesah nyeratna, da bahasa anu di anggo ku menak Ciancur mah meni sesah nelarna. Perkara warga negara mah, eta mah ngan surat jalan hungkul ameh gampil mun dek ka nagara nu lain. Da kajeun kumaha kuring lahir di nagri Sunda Indonesia, kahiji kuring ngarasa urang Sunda ka dua orang Indonesia warga nagara walanda katilu warga dunya. Yi, di Europa sarua jeung di lembur(Indonesia) mun urang hormat ka batur, batur ge hormat ka urang. Sopan santun nu baheula ku Ema jeung saderek kabeh di ajarkeun dikudukeun, sakapeung dipaksakeun. Da keur leutik sok rada beleguk, atuh di ketrok atawa dijewer celi kuring bari dipapagahan, sopan santun teh bekel hirup. Ajeuna kuring ngarasakeun, make bekel hormat jeung sopan santun ngulilingan dunya dimana mana kuring di tarima ku bangsa naon oge. ku nu hideung, koneng bodas. Kuring mundak 60 taun, taun kamari eureun maenbal ... da keur umur 40han mah sok mulang ka lembur( Indonesia) mawa babaturan maenbal di lembur. Eleh wae da babaturan kuring geus karolot teuing, ngalawan Persib jaman Ajat Sudrajat, Persikap lawan na umur 20puluhan. Komo wae atuh di hakan jeung buukna he he he. Kumaha ejeu teh ngadongeng ka kaler ka kidul te puguh tujuan nana . eureun heula we nya urang mikir heula meh babari dibacana., ajeuna mah nu inget langsung di tulis jadi lieur sorangan jeuh. JohnsiBodo
