punten mun jejer ieu geus kungsi dibahas atawa geus lawas. urusan nu keur geunjleung soal malaysia nu ngaku2 sababaraha artefak budaya urang milik maranehna, cenah mah, sabenerna mangrupa kajadian nu wajar mun urang apal sajarah masarakatna rada beh ditu, tapi acan baheula.
baheulana, loba urang dieu nu ngumbara ka malaysia. urang dieu, bisa sunda, jawa, jeung sajabana. ngarana urang dieu, tangtu we marawa atawa baroga akar budaya urang. siga ngaran urang dinya nu sok ngulampreng ka kusnet, rusli kartawi. si horeng aslina kartawi teh ti kartawinata. hartina boga akar budaya ti urang. aya nu generasi munggaran, aya nu geus katurunan kasabaraha. apan baheula mah cenah loba guru di malaysia nu diimpor ti urang. bisa jadi sabagian teu mulang, ngababakan di malaysia, jadi urang dinya. geus lila kitu. salah salima contona, cenah nu ngarintis seni rupa modern di malaysia teh kawit ti Bogor, he love namina. eta katerangan ti prof. Setiawan Sabana. nya meureun teu ngarasa maling da masih keneh bagean ti dirina. ngan urusanana memang jadi kiruh mun dipatenkeun sagala. komo make politik budaya mah, yen urang teh sarumpun tea. cek paoong tukang toong, malaysia baris rada kiruh atalan kabijakan nu rada ngogo malayu geus karasa kurang adil pikeun seler sejen sarupaning india jeung cina. kuatna kasultanan memang bisa ngatur sagala rupa, tapi sisi lain, bisa jadi democracy-in-the making nu ayeuna keur kaalaman ku urang tepa ka malaysia. mj http://geocities.com/mangjamal http://mangjamal.multiply.com
