Tadi wengi abdi kenging wartos ti pun Emang yen Pa Ading (kapi rakana pun bapa
Alm) ngantunkeun, emutan baluweng teu tiasa mondok dugi ka enjing-enjing.
Muka internet, teras we milarian wartos perkawis almarhum (maklum tebih ti
lembur,culang-cileung bingung...) anu kapendak ngawitan blog na Kang Yusran anu
ngiberkeun perkawis Pa Ading pupus teh, teras ku abdi dipostingkeun ka milis
urang sunda, teu ngemut heula ka ditu ka dieu.
Nembe diperhatoskeun, geuning di milis teh aya kuncenna Tribun, anu nyerat
perkawis Pa Ading, janten ararisin ieu teh- kumargi mostingkeun henteu permios
heula kanu kagungannana......
Haturnuhun ka parawargi kusnet oge kanggo sadaya redaksi Tribun Jabar anu
parantos merhatoskeun Pa Ading sakulawargi.
Hapunten bilih aya kecap anu kirang merenah.
baktos,
Pupung Permatasari
Kashiwazaki-Japan
____________________________________________________________________________________
Looking for last minute shopping deals?
Find them fast with Yahoo! Search.
http://tools.search.yahoo.com/newsearch/category.php?category=shopping
