Kuriak teh sigana moal nepi ka anggeusna pisan euy, dua lantey. Padahal geus kacipta di loteng, si kuring boga rohangan sorangan pikeun udud, ngeutik, ngalukis, jsb, teu nganggu nu boga imah, indung budaks. Sabab waragadna estuning tekors. Heuheu. Diupayakeun sangkan murah ge hese. Sabab can wani, cenah besi tulangan beton bisa diganti ku awi. Tapi can wani make. Beusi beton naek. Sagala rupa naek. Nuhun we ka juragan sby, bersama kita bisa, bisa naon nya? Heuheu. Bisa nyieun imah sapotong, bari hutang salaput hulu. Heuheu. Ari awak mah teu ngabegangan, anggeur we 65kg. Ngan huis nambah. Sigana pedah eusi sirah tara dipake. heuheu.
Model imah si kuring teh biasa wae kitu. da ari imah mah nu penting jerona. Sanajan sok aya nu ngaliwat hiji imah sok nyebut, "imah teh alus euy!" Eta mah kesan visual tea. Teu beda jeung nenjo lukisan atawa istri nu geulis meureun. Heuheu. Padahal ari nu ngaran imah atawa wangunan mah, alus teu alus, aya di jerona, enya, pangalaman make atawa ngeusian imah. Ngeunah henteuna. Sanajan tangtuna pikeun urang mah unsur adaptasi jeung paktor kabiasaan teh kacida kuatna. Imah atawa rohangan kumaha oge bisa ngeunaheuna atawa dingeungeunah. Enya kudu kitu, sangkan hirup bisa tetep sugema. Aya sikap permisif atawa ngamaklum, narima kaayaan atawa kanyataan. Gagasanana jerona mah ti model kampung. Maksudna, aya jalan satapak jeung aya paimahan. Rohangan boga gang atawa salasar/koridor. Ideu ieu teu orisinal tangtuna. Rohangan nu siga gang atawa jalan satapak dipisahkeun ti rohangan2 sejen, keur mah lebarna 8 meter, jadi dibagi we 3 2 3. 3 pikeun rohangan2 fungsional, siga ruang tamu, kamer sare (enggon), 2 minangka jalan satapakna, di tengah. Jadi pikeun lalu lintas teu nyoceng rohangan sejen. Biasana rohangan imah karasa heurin, salian ti milih parabotna nu teu cocog jeung gedena rohangan, cara imah tipe 36 atawa ruang tamu 3 x 3 make parabot mebel nu full ukiran, tangtu bakal jadi heurin tah rohangan teh. Salian ku parabot kitu nu biasana garendut, oge ku ayana ukiran, tetenjoan atawa deudeuleuan (visual) jadi pinuh. Heuheu. oge alatan rohangan pikeun sirkulasi manusa atawa lalar liwat pangeusi sok digabung jeung rohangan2 fungsional (nya siga ruang tamu sawareh dipake pikeun lalar liwat ti panto asup ka jero, jsb). Mun digabung kitu, rohangan kudu dileuwihan cenah mah minimal 20%.
