di daerah bandung kaler loba tujuan wisata. tah pikeun pere minggu hareup, aya objek wisata alam. bisi aya nu acan ngulampreng, nu kamari didatangan mah curug cimahi. > > > > Curug Cimahi lebahna di lebakeun jalan antara Parongpong Cimahi. Nya di gawir pas tikungan jalan Kolonel Masturi di wewengkon eta aya jambatan, tah walungan jambatan eta nu boga curug dua tingkat katelah Curug Cimahi, atawa cek basa inggris mah meureun Enough Water Falls. Tas pengkolan aya tempat parkir, loba angkot oge mangkal di dinya. > > > > Mayar Rp 3.000 saurang. Seubeuh tilu rebu perak oge. nenjo pamandangan gigireun curug. Gawir batu cadas, jeung tatangkalan hejo ngemploh. > > Ka lokasi curug, make jalan turun lebarna sameteran nu make tatapakan batu. Cenah jauha turun teh 540meter ti sisi jalan aspal ka tempat balong curug nu terus jadi walungan. > > > > Indit mah resep, da turun, tapi palebah naek atawa balik, beuki resep. Cocog pisan pikeun nguji tuur. Utamana kanu sapopoe diuk dina korsi roda di kantor, dijamin gempor. Heuheu. Tapi bisa reureuh heula unggal pengkolan tanjakan. Bari ngobrol atawa mere kadaharan ka baraya nu nganjrek di dinya. Enya, monyet tea. > > > > Mun ti Cimahi bade piknik ka Lembang atawa desa kembang Cihideung, ngalangkung jalan kolonel masturi eta, sae oge nyimpang tah ka Curug Cimahi. Gambar Curug Cimahi ditayangkeun di mangjamal.multiply.com > > > > Wilujeng pere ahir tahun, wilujeng piknik.
Salam, Supados leuwih afdol, cobian disasar ti luhur keneh lur... paling luhur pisan teh aya curug, namina curug bugbrug....kahandap sakeudik curug cimahi, kahandap deui sakeudik curug panganten,tah pang handapna engke teh bakalan mendakan curug lalay....dijamin afdol puas pisan mapay curug( saratus prosen tuur leuleus, kuring ngalaman mapay ieu curugs taun 2000 jeung balad "BUGIL" alias Budak Giling pabrik cet Sanlex....) Hanuh...
