--- In [email protected], "Maman Gantra" <mamangantra2...@...> wrote: > > > > Teater Sunda mah engke heula. Pun suan ngajakan maen kartu... > > Baktos, > Pun Maman >
Urang teraskeun, Kang : Ngeunaan sajarah teater (modern?), aya hiji seratan Pa Ajip nu nyabit-nyabit ngeunaan Pa Wahyu Wibisana. (Mung sim kuring nuju teu apal duka dina buku nu mana). Yen, Pa Wahyu kantos midangkeun hiji teater (drama) nu sipatna realis. Diantawisna, dina salah sawios adegan eta drama, anjeunna ngajagragkeun kuda (hirup, bungkeuleukan) ka panggung. Cenah mah ieu pementasan teh janten kacapangan kalangan dunia kang auw harita. Mung nyakitu, ieu data teh teu acan diolah janten informasi nu langkung tebih. Komo dugi kabaca kumaha dampakna kana kamekaran teater Sunda (tradisi) oge teater modern. (Sajarah berkesenian Pa Wahyu sigana teu acan seueur nu ngaguar, nya? Atanapi tos aya?). Boa-boa, ku maca kasus Pa Wahyu, urang oge janten paos kunaon Payung Hitam-na Rachman Sabur di Bandung, Teater SAE-na Budi S.Otong di Jakarta, oge Teater Kubur-na Dindon, diarambeuan di dunia teater.Falsafah Sunda nu kumaha nu ngadaragleg dina lelembutan aranjeunna. Kukituna, salah sawios agenda ngawangun Falsafah Sunda teh -- meureun -- nya ngainventarisir kumna makalah atanapi karya tulis nu nyampak di paguron-paguron luhur. Kalebet nya paguron seni. Kituw panginten, Kang. Duka nyambung duka heunteu. Salam Perdamaian, Maman Gantra, ABCD (Anak Bandung Cinta Damai).
