Punten simkuring oge bade ngiring mairan, manawi bahan katampi...
Perkaiwis kintunan ti kang Giribig, ditempas ku kang Arif Ramdlan, numutkeun pamendak simkuring, duanana nurug cupu pisan, anu hiji nyarioskeun panjang lebar, anu hiji nempas ku pasualan anu teu mencog tina alur carita sateuacanna, cindekna mah pihartieun yen sadayana ngadurenyomkeun pasualan campuradukna antawis kabathilan (kajahatan) anu dibulen ku mangrupa alesan anu pimatakeun jeung siga ngaharib2 peta (gawe) anu ‘permissible’. Osok remen panginten ngadangu langgam ti Titiek Puspa ku kupu-kupu malamna, the mercy ku pramuria-na, jrrd. Da puguh pami ningal tina jejer lalakon dikitukeun teh deuh matak carinakdak, kagagas jeung mangkarunyakeun, ieu mun noong tina lebah kamanusaana (kadunyaan). Tapi da pami noong tina bagbagan agama mah (ka Islaman) tos jentre batasan-batasan mana anu kalebet perkara kasaean, mana anu kalebet kajahatan, atuh kumaha carana ngabentenkeun antawis nu sae sareng tu goreng teh? Nya pami lebeng-lebeng teuing mah wayahna weh sing motekar turas taros, tos ceuyah jalma-jalma sae atanapi anu hoyong sae anu siap metakeun ciciren yen anu kitu teh anu, anu kieu teh anu, ah.... apanan asa pamohalan apan ti budak keneh ge urang tos apal ku atikan kolot2 urang atawa lingkungan, mana anu sae mana nu goreng teh. Naha atuh anu karitu osok murugul boga laku sapertos “runtah”? eta yaktos ceuk simkuring yen maranehna teh sangsara tina atikan palebah agama, enya maranehna ge boga rasa jeung bisa ngabedakeun nu bener jeung nu salah, ngan hiji kakuranganana nyaeta teu bisa nyaluyukeun bener mungguh agama jeung salah mungguh agama oge. Da lamun enyaan mah maranehna jalma “garti” dina palebah bagbagan agama, asa pas pisan ieu ayat teh: Mangkahade ulah anjeun campuradukkeun antara nu hak jeung nu bathil jeung poma ulah disumput salindungkeung eta anu hak teh, sedeng anjeun geus nganyahokeun (ti anggalna), (Albaqarah : 42) Lamun nilik tina kaayaan eta jalma anu “tuna harti”, ngamangpaatkeun “tuna harta” ku jalan ngahayukeun sagalarupa polah supaya manjang hirup, ceuk Titiek Puspa mah ceunah “yang dia tau hanyalah menyambung nyawa”, atuh kumaha carana ngaropea maranehna sangkan ningkat dina ajen harta jeung harti? Tah, palebah dieu kudu aya adumanis ti sagala rupa pihak, boh ti pribadi-pribadi anu boga niat mulia ngaronjatkeun jeung ngahudangkeun maranehna tina peta salah, oge ti pihak pamarentah anu komit kana ngageuing rahayat supaya merenah dina kahirupanana, boh dina harta kitu deui “harti”-na. Ceuk harepan simkuring mah mugia maranehna teh bener-bener kajait tina perkara kanistaanana ku lantaran ka teu nyaho tea, sabab mungguh Gusti Allah jembar panghampura, kukituna maranehna tisagedengeun kajait dina perkara kadunyaan oge tobat nu sabener-bener tobat. Asa cocog mun ningetan komentar kang Subur perkara anu no. 4 jeung 5 tea nyaeta jalma anu mentog teu aya jalan anu sanes, ceuk si kuring keneh, lamun enyaan mah maranehna boga keneh wiwaha (ngaragangan diri), deuh estu ngabarak rejeki ti Allah Ta’ala mah, ceuk kang Rusdi, kajeun keneh jadi tukang kindeuw (tukang mulung) tibatan diri dirurujad ku kanistaanmah, jadi jalma ku jujurmah insyaAllah metik hasil nu mulia oge. Jadi emut carita budak awewe tukang jualan susu embe jaman khalifah Umar al farook, minangka panghasilan susu embe-na saeutik, meunang gogoda ti indungna ceunah tambahan weh ku cai supaya timbangan susu teh teu ngurangan, eta si budak kekeuh embung, ceunah enya oge tipeuting, enya oge teu kapanggih ku khalifah, tapi mungguh Allah mah nyakseni dina tiap rengkak paripolah urang, eta kajujuran budak diburuhan ku Allah Ta’ala ku dikawinna manehna ku anak khalifah Umar bin Khathab nyaeta Asim bin Umar, eta endahna kajujuran teh. Cag ah, cangkeul.... From: subur natapradja Nuhun waleran nana kang, katampi pisan, mung punten bilih lepat sim kuring sanes di Surabaya kang, Kaleresan nuju milarian padamelan di Perth ( west australia )
