Isolezwe.png
ISadtu ichitha eyokugwazisa Mhlengi Shangase, Isolezwe, Durban, 5 June 2014 UBUHOLI beSouth African Democratic Teachers Union (Sadtu) KwaZulu-Natal buchithe izinsolo zokuthi le nyunyana iyathinteka ekudayisweni kwezikhala zothishanhloko, ezabaqondisi boMnyango wezeMfundo noma ezothisha ezikoleni zesifundazwe. ISadtu ithi labo abafafaza lokhu bahubhuza amanga futhi badicilela phansi igama layo. UNobhala weSadtu uMnuz Mbuyiseni Mathonsi, uthe bafuna kuphenywe ngokushesha lezi zinsolo futhi bazosebenzisana nazo zonke izinhlaka ezizophenya lolu daba. Uthe amalungu abo uma kuqashwa abantu ezikoleni asuke ekhona ethimbeni elibheka ukuthi uhlelo luhamba kanjani kodwa awanamthelela ekuqashweni noma ekungaqashweni komuntu. "Ethimbeni kusuke kukhona nazo zonke ezinye izinyunyana zothisha ngakho akukwazi ukuthi kungathiwa iSadtu iyona enqumayo ngokuthi isikhala sizoya kubani. Amalungu ezinyunyana asuke ezobuka uhlelo lokuqasha ukuthi luhamba kanjani kodwa awabeki vo, awabuzi mibuzo futhi awaphawuli ayekela lonke uhlelo ethimbeni elisuke liholwa yisigungu sesikole," kusho uMathonsi. UMathonsi uphefumula nje kunophenyo kuzwelonke oluholwa yizinhlaka ezifana nomkhandlu olawula othisha iSace, umkhandlu okubhungwa izindaba zothisha i-ELRC nezinye eziphenya lezi zinsolo zokudayiswa kwezikhala. Kuthiwa amalungu afuna izikhala zokuba ngothishanhloko kumele akhokhe u-R30 000 kuthi labo abafuna ukuba abaqondisi bezifunda zomnyango bona kumele bakhokhe u-R100 000. Lo mkhuba kuthiwa wande kakhulu kulesi sifundazwe naseNorth West. UMathonsi uthe njengoba benamalungu amaningi esifundazweni kwakha umqondo ukuthi izikhala eziningi zitholwe amalungu abo ngoba ezinye izinyunyana zinesibalo esincane samalungu. "Siyavumelana nokuthi kuphenywe futhi kusheshiswe lolu phenyo ukuze kugezeke igama lethu. Odabeni luka-R100 000 olwake lwabhalwa Isolezwe yiSadtu eyanxusa uMnyango wezeMfundo esifundazweni ukuthi uphenye lezi zinsolo, lo mnyango awuzange ubuyele kithina nezimpendulo," usho kanje. Ubekhuluma ngodaba olwabhalwa yileli phephandaba mayelana nezinsolo zokuthi omunye wababefuna umsebenzi wokuba ngumqondisi womnyango esifundeni iLembe wakhala ngokuthi kwathiwa akakhiphe intshontsho lika-R100 000 ukuze athole lesi sikhundla. Uthe uphenyo lukazwelonke olujutshwe nguNgqongqoshe Angie Motshekga mayelana nokudayiswa kwezikhala luzothatha isikhathi ekubeni kuqhubeka ukungcoliswa kwegama lenyunyana. "Sisalinde nombono wokuthi siye enkantolo ephenya amacala athinta imali ngoba indaba yokushintshana ngemali idinga inkantolo efuze le." http://www.iol.co.za/isolezwe/isadtu-ichitha-eyokugwazisa-1.1699071#.U5DM6vm SyD8 -- -- You are subscribed. This footer can help you. Please POST your comments to [email protected] or reply to this message. You can visit the group WEB SITE at http://groups.google.com/group/yclsa-eom-forum for different delivery options, pages, files and membership. To UNSUBSCRIBE, please email [email protected] . You don't have to put anything in the "Subject:" field. You don't have to put anything in the message part. All you have to do is to send an e-mail to this address (repeat): [email protected] . --- You received this message because you are subscribed to the Google Groups "YCLSA Discussion Forum" group. To unsubscribe from this group and stop receiving emails from it, send an email to [email protected]. For more options, visit https://groups.google.com/d/optout.
