Alhamdulillah, hatur nuhun respon ti para sepuh :) Perkawis naon anu didugikeun ku Uwa Abdurrohman M. Sastra, leres pisan. Anu emut pisan mah di kampung kapungkur aya panyarek:
"Ulah diuk/cingogo dina golodog bisi nongtot jodo". Komo upami gadis wanoja mah langsung cengkat tina golodog da sieun pisan nontot jodo he.. he.. Upami dicarek bilih ngahalangan batur nu rek kaluar/asup panto, panginten eta gadis wanoja teh 'ngotot': "eta aya keneh lawang saeutik ka gigirin", bari terus weh cicing dina golodog. Saleresna pangajaran ku cara kitu teh bahkan seueur dilakukeun ku rasulullah saw. Misalna perkwis najisna dungus anjing. Kapungkur wangsa arab baduy teh jorok kabina-bina. Lamun ngukut anjing teh sok sapake jeung nu boga anjing. Nu boga anjing sare jeung anjing, dahar sapiring bareng jeung anjing. Padahal anjing teh mawa loba pisan bakteri/kokotor. Tah lamun jaman harita diterangkeun masalah bakteri jeung panyakit jigana eta urang arab baduy moal ngarti atawa moal ngagugu ka kangjeng nabi. Tapi lamun dibere hukum yen dungus anjing teh najis, ngumbah letakan anjing malahan kudu 7x make taneuh salah sahijina, pan jadi hoream diletak anjing. Komo deuih imah anu aya anjing moal daek asup malaikat rahmat ka eta imah. Atuh anjing teh jadi kudu di luar imah. Cara pangajaran kitu teh efektif, tapi oge aya efek negatifna; nyaeta teu ngadidik masyarakat pikeun jadi cerdas jeung ngarti sacara bertahap. Masyarakat jadi taklid jeung kabeulit ku syareat, ngapohokeun makna jeung hikmah. Sholat anu fungsina ngabersihan batin, malah jadi alat pangudag pahala hayang asup syurga anu pinuh ku kanikmatan, atuh nambah sifat katamakan dina batin, lainna batin jadi bersih. Tulisan sim kuring ieu oge bakal mancing rasa teu panuju ti sawareh golongan. Hapunten pisan sanes sim kuring kumawantun ka rasulullah Muhammad saw. Hapunten pisan. Ieu mah cara sim kuring neuleuman hikmah syareat kangjeng Nabi anu mulia, supaya sim kuring tambah pangarti. Sim kuring oge tetep weh bakal ngumbah letakan anjing, moal jadi cuek. Upami cuek eta tos kaleungitan rasa hormat kana syareat, eta panyakit batin anu gede pisan. Wallahu'alam Febi Ahmad Hazairin ============== ________________________________ Von: H. Abdurrohman M.Sastra <ps...@yahoo.com> An: "kisunda@yahoogroups.com" <kisunda@yahoogroups.com> Gesendet: 12:58 Mittwoch, 21.August 2013 Betreff: Re: [kisunda] Re: Cara Pandang Benar Bah Oca sareng baraya ki Sunda, "Cara Pandang Benar" khususna dina widang "spiritual" anu "ghaib/teu nyata" memang sok pabaliut sareng angen angen pribadi. Dina ngaguar fenomena langkung kiat nganggo rasa tibatan pikir. Anu janten parabot rasa mah nyaeta "tafsir, ilusi, imajinasi sareng intuisi" kasebutna ceuk umum eta teh caket kana "elmu mistik" kaasup elmu ramalan. Benten sareng "Cara Pandang Benar" dina widang fisik anu nyata nganggo pikiran parabotna akal, logika anu dumasar kana "elmu pangaweruh ilmiah". Bener Ceuk Sakabeh bisa jadi maksudna bener ceuk rasa sareng pikir balarea. Tah eta anu sesah mah milarian "Bener Ceuk Sakabeh". Anu janten emutan sim kuring aya kabijakan anu luar biasa ti karuhun sok sanaos dasarna ngan saukur ilusi (malah bisa kaasup bohong) tapi mangfaat. Contona kecap "pamali" nuar kai di hulu wotan bisi kasiku ku anu ngageugeuh didinya (Jin, Genderewo jsjj). Kapan ayeuna bukti ceuk ahli lingkungan cai ngocor ngaburial teh dumeh tatangkalan sabudereunana teu diganggu. Teu pira disingsieunan ku "pamali" teu kudu make "polisi" ngajaga huluwotan nya?....... Eta karuhun boga cara Pandang Salah tapi hasilna Bener nya..... ________________________________ From: Roza R. Mintaredja <roza.kalasu...@gmail.com> To: kisunda@yahoogroups.com Sent: Wednesday, August 21, 2013 11:23 AM Subject: [kisunda] Re: Cara Pandang Benar Sae eta kamandang! Mudah2an cara pandang ieu bisa dianggap BENER KU SAKABEH. lain bener ceuk aing sorangan. Nyakseni nun. Cag Rampes? nhn*R3M
