ngabandungan pamairan ki dulur perkara ruwat sunda, tetela masih keneh baroga mental uing mah lain menak. langsung masang identitas kelas cap bulu taneuh. memang ti awal make bendera menak, sanajan dina ondangan acara teu aya, ngan make kecap wargi nu dina harti umum, kawargian, kulawarga hiji wewengkon nu katurunan menak.
padahal si kuring, nu menak gadungan, noong lain ti soal kelas atawa kasta, tapi justeru eta oge salah sahiji cara ngaraketkeun urang sunda, nyaeta ku make jalur menak nu papada masih wawuh jeung menak wewengkon lain. da butuh teu butuh, pro-kon, sajarah teh dijieun atawa pangna aya soteh pedah aya kaum menak, jadi sajarah teh perkawis paripolah menak wungkul. mun euweuh menak mah, moal aya raja, karajaan, moal aya kabudayaan. urang ngefans ka prabu siliwangi misalna, pan PS oge menak. super menak malah da raja. menak dina konteks ayeuna mah ngan ukur pikeun nostalgila. ngaran kulawarga pikeun identitas tapi teu ngajamin nanaon deui ayeuna mah. tapi jalur menak sa tatar sunda bisa pikeun jalur ngaraketkeun duduluran nu bisa leuwih hade, da pastina jadi jaringan jeung inohong ti unggal wewengkon, bari jeung boga hambalan nu sarua, papada nangtung dina budaya jeung identitas kasundaan nu jelas. turunan bupati sukapura, misalna, tangtu dipiharep jadi salah saurang budaya kasundaan bisa dipiara, sabab menak biasana jadi tempat ngawetkeun tradisi, atawa di kaum menak, kuduna tradisi budaya masih aya jeung dipake, kaasup ajaran moral. kudu jadi benteng pamungkas budaya. menak jaman kiwari mah -jaman demokrasi meureun, nyaeta nu beunghar, nu loba duit. geus lain deui turunan saha2na, nu penting beunghar loba duitna. sabab ekonomi oge boga kelas, siga kareta parahyangan, aya argogede, eksekutif, bisnis, ekonomi. mj http://geocities.com/mangjamal Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
