Mi ĵus rimarkis, ke en la Terminaro uziĝas la radiko KONFIGUR/. Efektive ĝi troviĝas en la Komputada Leksikono, sed ĉu vere ni uzas ĝin en la ĝusta signifo?
Lau KL "konfigur(aĵ)o" estas: Kombino de la organoj de komputa sistemo kaj de la konektaĵoj inter ili, motivita de iliaj bazaj teĥnikaj parametroj kaj de la apartaĵoj de la koncernaj aplikoj. Sed ŝajnas al mi, ke en la Terminaro "konfiguro" k.t.p. uziĝas por io alia. Ŝajne temas pri io simila al "agordaĵoj". Ekz. "Misa datumbaza konfiguro" ŝajnas havi nenian rilaton al ia kombino de la organoj de komputa sistemo kaj de la konektaĵoj inter ili, motivita de iliaj bazaj teĥnikaj parametroj kaj de la apartaĵoj de la koncernaj aplikoj. Eble la difino en KL estas maltrafa. Aŭ eble mi ĝin tute miskomprenis. -- Bertilo Wennergren <http://bertilow.com>
