Birêz Mîro Shadî Emê li ser daxwaza we, we ji komê derxînin. Madem hûn naxwazin li vir bisekinin, tiştekî bêjin tune ye. Heke mijar tenê, daxwaza we ya derketina ji komê bana, pêwistî bi bersivdanê û nîqaşê çênedibû. Lê hûn neheqiya dikin, bêbextiya dikin, siqêfan dikin, heqaretan dikin û piştre dibêjin: "Min derxînin." Ji ber vê jî ez xwe ji bo bersivdanê mecbûr dibînim.
Min di serî de gotibû ku rexneyên li ser kêmnivîsandina kurdî û serdestiya tirkî mafdar in. Em rexneyên bi vî awayî ji serî, hetanî dawî di cih de dibînin û beşdarî wan nêrînan dibin. Xemxurî û fedakariya ji bo zimanê kurdî ji bo me herdem hêja û pîroz in. Em her dem girîngiyê didine zimanê xwe û hetanî ji me tê em zimanê xwe hîn dibin. Fêda vê komê ji bo zimanê kurdî pir zêde ye. Piştî derketina vê komê gelek kes ji girîngiya zimanê xwe haydar bûn û ketine nav hewldana. Ez gelekan ji wan dizanim ku piştî nîqaşên di vê komê de hatine kirin berê xwe dane kurdî û niha zimanê wan gelekî çêtir e. Bo mînak yek ji Moderatorê koma me Bedirxan Badillî, bi saya nivîs û guftûgoyên Komê kurdiya xwe pêşdetir bir û niha bi zimanê xwe rehettir dinivîse. Ji dervayî ziman jî, bi saya vê komê haya gelek kesan ji kurdîtiya wan çêbûye û ramanên neteweyî bi wan re derketiye holê. Helbet, mebesta min ne ew e ku ez pesnê komê bidim û fêda wê binirxînim (cihê vê yekê nivîseke din e). Ez dubare dubare dibêjim: "Rexneyên li ser pêşdebirina ziman bi çi curî dibin bila bibin, em hemûyan mafdar dibînin." Ziman ji bo me rûmet e, xîret e, hebûn e.. Ku ziman nebe tiştek nabe.. Kurd, bê zimanê xwe ne tiştek in. Baweriya me ew e ku divê zimanê kurdî bi qandî baweriyeke pîroz muhîm be.. Îtiraza min ya li gotinên we û hevalan jî ne di vê çarçoveyê de bû.. Peyama min ya dawiyê jî ne ji ber nêrînên we yên li ser ziman bû. Lê hûn heqaretê dikin û gotinên ne li rê bi lêv dikin. Ger ku we rexneyên xwe û nêrînên xwe bi şêwazeke xweşik û rewa anîba ziman, min tu carî bersiv nedida we. Min ê jî piştgirî daba we û min ê mîna we binivîsanda. Birê Mîro Shadî, Em niha we ji komê derdixinin. Lê vê bizanibin ku, hûn li vir bin jî, ne li vir bin jî, emê girîngiyê bidine zimanê xwe û emê herdem bo zimanê xwe bitêkoşin. Bi hêviya ku em hev baştir fêhm bikin û gotinên nelê ji nava xwe rakin. Silav Serger Barî -- - Diwanxane, platformek azad u serbixwe; koma hemi Kurda ye. Diwanxane grubeke ideolojik nine. Li ve dere demokrasi serdest e; hemu Kurd dikarin bir u ramanen xwe bi serbesti binin ziman. Lebele di nava me de heqaret u rexneyen reshkirine qedexe ne. Ji kerema xwe, hevalen ku Kurdi dinivisin, dixwinin an ji teze hin dibin; ki dibin bila bibin, deweti Diwanxane bikin. - Diwanxane; en genis katilimli, ozgur Kurd mail grubu. Her yazinin hukuki sorumlulugu yazarina aittir. Kurd milliyetciligi esas alinir. Her inanisa, her millete saygili olan bu BAGIMSIZ grupta ideolojik kaba propagandalara sicak bakilmaz. Imlasi, anlatimi savruk; saldirganlik ya da siddet iceren gereksiz mailler onaylanmaz. Kurtce mesajlara oncelik taninir. MODERATORLER: Serger Barî, Xanim Rojda, Mihemed Rojbin ANA SAYFAMIZ: http://groups.google.com.tr/group/diwanxane
