[eibar] Eibartar diseinua

[Xabier Mendiguren]

Gehienok ikusiko zenuten aurtengo Kutxaren egutegia, diseinuari 
eskainia. Liburua ere atera dute, egutegiaren gai berarekin, biak ere 
Txema Garcia Amianoren ardurapean. Liburuak dexente du "mamoneotik", 
hitz zatarra barkatzen badidazue, bere lagunak sartzen baititu egileak 
etengabe, eta nolanahi ere Kutxari sartutako gol bat dela esango nuke, 
interes pertsonal eta korporatiboz beteriko produktu bat kaleratu 
baitu.

Hala ere, beste zerbaitengatik idazten dut mezu hau. Nik banekien 
Marijaia sakakortxoa (hala deitzen diot nik besoak dituen horri) 
eibartarren baten asmakizuna zela, eta beti eta nonahi defenditu dut 
horixe dela euskaldunok gizadiari egin diogun ekarpenik handiena; orain 
jakin dut txapelaren grapagailua ere (eskuaz zapaltzeko aldean 
txanpinoi moduko bat daukana) gipuzkoarra dela, aurrekoa bezala 
gerraurrean asmatua, eta hura bezala Eibarren asmatua.

Historia unibertsalari egindako bigarren oparia. Ez zarete makalak gero!
X.
_______________________________________________
Adi gero, mezuak bidaltzeko: eibartarrak@postaria.com
http://www.eibar.org/zerrenda

harpidetza eteteko: [EMAIL PROTECTED]