Datozen urteotan ikusiko da zer moduz prestatuta gauden kulturen arteko bizikidetzarako. Txinatarrak, marokoarrak, sudakak, europako ekialdekoak... Hau hasi baino ez da egin. Urte gutxitan izugarri haziko da etorkin horien multzoa gure artean, eta orduan erakutsiko dugu benetan zein den gure giza-kultura. Dagoeneko zabaltzen ari den kezkaren berri jarri du Mikel Iturriak blogean: "Badatoz" ( http://www.eibar.org/blogak/iturri/315/ ) eta primeran islatu du kalean dagoen giroa. Jendea arduratzen hasi da eta jarrera arrazistak han eta hemen antzeman daitezke dagoeneko. Txinatarren inguruko leienda urbanoak (katuak desagertzen dira beren jatetxen inguruetan, hildakoak ez dituzte lurperatzen,...) ugarituz joango dira, eta horrelakoak oso lagungarri gertatzen dira bi komunitateen arteko distantzia handitzeko. Lan handiak izango ditugu herri berean biziko garen kultura eta komunitate desberdin guztien artean zubiak eraiki eta bizikidetza adiskidetsua gauzatzen. Elkarren kultura eta bizimoduarekiko errespetua eta gutxieneko interesa agertzen ez badugu gatazka bat konpontzeke dagoela beste bat piztuko da hemen. oier.
_______________________________________________ Adi gero, mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
