Gaur Diario Vascon, Eibarko atalean, herriko kultur ekipamenduen inguruko artikulu bat dator. Propaganda kutsu demasa hartu diot artikuluari (azken aldian horrelako asko ateratzen ari dira DVn, kanpaina egiten buru-belarri sartuta dauden seinale...) eta datu batzuk oso modu akritikoan erabilita daudela iruditzen zait. Azken batean Udalak prestatutako kulturaren txostena hartu, eta kultura azpiegituren inguruko artikulu bat egin dute, horko datuak minimoki analizatu gabe.
Titularra oso argia da: "Los nuevos equipamientos culturales han costado casi 11 millones de euros". Eta testuaren lehen parrafoan argitzen du: "Desde 1994, los presupuestos municipales...". Alegia, Arriola alkate dagoenetik, egindako inbertsioak biltzen dira hor. Tartean Portalea kultur etxea bera, 1996an inauguratu zena (10 urte pasatxo beraz). Ondorioz, "Los nuevos" horrek DVrentzat esan nahi du Arriola alkate dagoenetik! Muturra behar da orain hamar urteko ekipamendua "nuevo" bezala saldu nahi izateko hauteskunde kanpainara begira. Azpititularra oraindik makurragoa da: "El Coliseo, con una inversión de 5,4 millones, costará al Ayuntamiento más que toda la construcción de la Casa de Cultura Portalea" Oker ez banago, Coliseoaren obraren %70 Madriletik etorri da, Vivienda ministeriotik. Beraz, gezurra da Coliseoa 5,4 milioi kostatu zaionik Udalari. Gezurra da azpititular horretan esaten dena eta norbaitek salatu beharko luke. Gezurraren jatorria berriz ere Eibarko udalaren txostenean aurki daiteke. Bertan ez da esaten inbertsio hori erabat Udalarena denik, Eibarren ekipamendu kulturaletan egindako inbertsioak zeintzuk diren esaten da txosten horretan, baina ez da esaten ere inbertsio horretan beste erakunde batzuk parte hartu dutenik, eta horretan oinarrituta egin du DVk propaganda artikulu lotsagarria. Artikuluak askoz gehiagorako ematen du, baina nahikoa esan dut nik. oier. Los nuevos equipamientos culturales han costado casi 11 millones de euros El Coliseo, con una inversión de 5,4 millones, costará al Ayuntamiento más que toda la construcción de la Casa de Cultura Portalea Diario Vasco, Alberto Echaluce, 2007-03-03 http://tinyurl.com/3dtzqf
_______________________________________________ Adi gero, mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
