leire narbaiza arizmendi(e)k dio: > Zurekin bat nator, Xabier! > ni klubekua berandura arte izan nintzan. Oin ikusten dodanak penia > emoten desta, eta higoiña. > Problemia da bertako partaidiak ez dakela erabagitzeko eskubiderik! > leire Hórrek klubetan fitxauta segitzeko, bildurra tresna bat izan da, beste klub askotan bezela. Miñ haundixa nabaritzen dot zure hitzetan, Leire, bildurretik urten eta gerokua edo.
Eleizakin oso kritikua izan arren, gauzak globalki ikusitta ezin dot etxian gai honen gaiñian bizittakua alboratu. Nik aitta dakat klub horretakua. Aspaldixan ez dot uste bazkidetzari kaso askorik egitten detsanik, baiña bere kristau adiskidetzak fiñ mantentzen dittu. Eleiza nere aittak nahiko leuken bezelakua balitza, neu be kristau eta katoliko nitzake, baiña ez danez eta inoiz be izan ez danez oro har, ez bata eta ez bestia. Aittari bizkor emon netsan disgustua, 11-12 urtekin-edo mezetara ez juteko errebeldixan. Halandabe, nere errazoiak ulertu zittuala uste dot (bera Urkiko post-konfirmaziñoko gaztiekin monitore eta semia...). Umetan, Sansaburu aldian bizi giñanian, San Andres parrokixara jutia tokatzen jatan...baiña aittak Urkiko elizatxora bideratu ninduan katezismora, bere kristau modelorako egokixago, pijo gitxiago eta ha garaixan inguruko abade aurrerakoi eta jatorrena zeualako, Don Ramon. Gaiñera, oin be lagun oso ona doten umetako lagunik onena Urkikua zan eta nik be nahixago neban. Aspaldi ez dot aittakin eleizari buruz eztabaidatu, baiña lehen, asko...Euzkadiko eskumak, Españakuak edo Europakuak eleizakin zeken lotura ez jakon gustatzen, berantzat kontrajarrixak ziran-eta eskumako politika eta kristautasuna. Koittaua. Gero, democracia cristiana bezelako terminuak egotia be! Historia ebanjelizatzaile-zapaltzailea (eta asesinua), pekatariaren zigorrak, inferñuko bildurrak, aberastasun pilatziak... Bestalde, aittari esker eleizaren parte izan diran edo diran pertsona zoragarrixak ezagutu dittut, euren aurrian txapela behin eta barriro kentzekuak. Tartian, Ermuko kristau bat, Santi, Brasilgo oihanian hil zana (multinazionalen krudelkerixa gordin asko ta asko harek kontau eskuzen), edo Eibarren bizi ziran monja alai, jator eta beti laguntzeko prest zeuazenak: Isabel, Marce eta Mercedes. Ezagututa, harritzekua zan gero monja zirala siñistia, kaleko bezela jazten ziran, umoretsuak (umorearen atal danak ikutzen, berdekerixak be normal-normal), langiliak, ausartak, atseginak, intelijentiak, ulerkorrak, maitakorrak eta marroi potolotan eskuak zabal beti, laguntzeko. Aitta bera be, heroinaren denbora gogorrenetan, oso aktibo ibili zan Eibarko yonkixen famelixeri laguntzen (gehixenbat ameri)...Horrela, umetan Eibarko yonki "historiko" batzuk zuzenian ezagutu nittuan, batipat bat, eta baitta hónen gurasuak be (alkolikuak askotan). Kontu asko heltzen ziran ume giñanendako be, bata berriz jausi dala, bestiak ez dakit ze lapurreta egin dabela, proiekto onbren hasi dala, porroak bakarrik erretzen zittuala, kartzelara sartu dabela... Munilla, Ratzinger, Rouco, Escriva de Balaguer...inkisiziñua, bildurrak... Batzuk maittasunian (gitxienguaren gitxiengua) eta bestiak boterian, estatusian, kontrolian...erlijiñua, atxaki ederra. Asier Arregi _______________________________________________ Harpidetza eteteko, bidali mezua hona: [EMAIL PROTECTED] izenburuan jarriz 'unsubscribe' (horixe bakarrik, komatxo barik) Ondoren konfirmazio mezua jasoko duzu harpidetza-etetea berresteko.
