Kaixo fluoreszentiak eta yuyuak.
Badakizue Eibar.org elkartekuok laster kaleratuko dogula juan dan urte
ta erdixan pil-pillian egosittako jokua: Kalamuako Parlamentua. Ediziño
elegantia izanda be, nahikua merke salduko da (17 euro). Beraz ez dago
atxekirik: ¡Eibarko etxe bakotxian, Kalamuko Parlamentu bat! Aurtengo
Gabonetako sobremesetan jokatzeko.
Udalak betiko dendetan salduko dau jokua, Zabaltzen banatzaillian
bittartez. Halan be, Eibar.org-ekuak ediziñuan %33a hartu dogu gure
kontura saltzeko; izan be, inprentia Udalak ordaindu badau be, beste
gasto eta lan guztiak gure gain geratu dira eta hori bardintzeko joko
asko saldu bihar doguz. Momentuz hónek lekuetan:
- Aurkezpen egunian Portalean.
- Durangoko azokan, Badihardugun standian.
- Kalian (domeketan Tupiko arkupetan tenderetia jartzeko asmua dakat,
handik ez banabe bialtzen behintzat).
- Internetez
Aurkezpena Azaruan azken astian izango da, 25n inguruan, baiña datorren
astian esango detsuet zehatz eguna eta programia.
Hor beheian dakazuez jokuan gaiñeko detalle gehixago.
O.
*********************************
“Kalamuako Parlamentua”, Eibarko galdera-erantzunen jokua, Azaroko azken
astian egongo da kalian.
Juan dan urte eta erdixan prestatzen ibilli eta gero, Kalamuko
Parlamentua prest izango dogu aurtengo Gabonetarako. Oka jokuan estiloko
tablero baten gaiñian, jokalarixak gure herrixari buruzko ezagupena
neurtu ahal izango dabe 1260 galderekin. Gitxienez 2 eta gehixenez 24
lagunek jokatu leikie, eta gazte unibertsitarixuak nahiz eskolarik bako
aittitta-amamak irabazteko aukera bardiñak dakez.
Kalamuko Parlamentua “Eibar.org” internet erabiltzaillien elkartiak
asmatu, sortu, diseiñatu eta argitaratutakua da, Eibarko Udalan
dirulaguntziakin. Hasieratik argi izan dogu joko ona egin nahi genduala,
itxuraz politta, landutako galderak, berezko balixo artistikuakin,
materixal onakin... urte askotarako jokua, azken fiñian. Honek ekarriko
leukian prezio garestixa asko arindu da Udalan dirulaguntziari esker,
eta gure helburua lortu dogu: kalidadezko jokua, edozeiñek erosteko
moduko preziuan.
Kredituak:
• Argitaratzailea: Eibar.org elkartea
• Laguntzailea: Eibarko Udala
• Koordinatzailea: Oier Gorosabel
• Ilustrazioak: Patxi Argarate
• Diseinua eta maketazioa: Zaloa Etxaniz eta Maite Rementeria
• Galderak: Oier Gorosabel, Asier Sarasua, Leire Narbaiza, Zaloa
Etxaniz, Gari Araolaza, Josu Mendikute, Maite Rementeria, Juanan
Argoitia, Eneko Astigarraga, Oier Araolaza, Asier Arregi, Aintzane
Agirrebeña.
• Galderen aukeraketa eta orrazketa: Asier Sarasua
• Zuzenketa linguistikoa: Aintzane Agirrebeña, Leire Narbaiza eta Asier
Sarasua.
• Azpiegitura teknikua: Garikoitz Araolaza
• Gestiñua: Eneko Astigarraga
_______________________________________________
Harpidetza eteteko, bidali mezua hona: [EMAIL PROTECTED]
izenburuan jarriz 'unsubscribe' (horixe bakarrik, komatxo barik)
Ondoren konfirmazio mezua jasoko duzu harpidetza-etetea berresteko.
