In computatoral linguage, yo sempre usa "documente" por anglesi "file", ma in li forumes yo ha leet quelcvez "file".
"File" ja es ocupat per alcun ex li significationes de anglesi "row" (hispan "fila", esperantic "vico"), e talmen it es usat in Cosmoglotta. On bon posse usar "file" nu con un nov signification aditional, quel es tre international, ma yo trova problemas. Por anglesi "directory" yo usa "documentiere". Ex "file" on vell dir "filiere", ma it ne sembla me bon. Li metáfor de un computatoral "documentiere" es un portadocumentes (in anglesi on di "folder"), ma tecnicmen, internmen, por li sistema computatoral it es solmen un liste de documentes. Pro to li tecnical término in anglesi es "directory", durante que "folder" es, in cert casus, solmen su representation visual o su metáfor de usation. Li sol traduction de anglesi "directory" in li dictionarium de Kemp e Pope es "adressarium", quo es comprensibil in ti epoca. It es proxim al su signification actual computatoral. "Directorie" es usat in Cosmoglotta con li signification "gruppe de directores" (in Esperanto: "estraro"), benque in ti casu li íninternational "directorité" vell esser tot clar. Usar "directorie" in computatoral linguage por anglesi "directory", solmen pro su similitá, alquam ne sembla me bon, ne convicte me; fórsan nam yo comprende it "direct-or-ie". In céteri, anc li hispan parol "directorio" have ínter altris ti dit significationes (http://dle.rae.es/?w=directorio): gruppe de directores, adressarium e computatoral documentiere. Yo pensa nu, que on mem vell posser dar un nov nuancie al "archive", ma fórsan to vell confuser. Resumate: - file + filiere - file + filarium - file + directorie - documente + documentiere - documente + documentarium - documente + directorie - archive + archiviere - archive + archivarium - archive + directorie Plu idés? Queles on usa o leet alcú? "Documente" e "documentiere" ancor sembla me lis max clar e simpli. -- Marcos Cruz http://alinome.net -- ne.alinome.net -=-=-=-=-=-=-=-=-=-=-=- Groups.io Links: You receive all messages sent to this group. View/Reply Online (#583): https://groups.io/g/interlingue/message/583 Mute This Topic: https://groups.io/mt/95387557/21656 Group Owner: [email protected] Unsubscribe: https://groups.io/g/interlingue/leave/5161842/21656/2010256328/xyzzy [[email protected]] -=-=-=-=-=-=-=-=-=-=-=-
